Jeremías 5:27 - Li Santil hu

²⁷ Nequeꞌxnujobresi li rochocheb riqꞌuin li cꞌaꞌru queꞌxmakꞌ chiruheb li ras ri̱tzꞌin. Chanchaneb li cui̱nk li nequeꞌxchap li cocꞌ xul li nequeꞌrupupic ut nequeꞌxtzꞌap saꞌ junak naꞌajej. Joꞌcan nak xeꞌbiomoꞌ ut cuanqueb xcuanquil.

Q'eqchi Bible

²⁷ Chanchan naq nujenaq chi xik'anel xul li xra'aleb', jo'kan naq li rochocheb' nujenaq chi k'a'aq ru elq'anb'il; xe'ninqank xwankil ut xe'b'ihomo'k,

Jeremías 5:27 ပူးပေါင်းရင်းမြစ်များ

Apocalipsis 18:2

Quixjap re chi cau xya̱b xcux ut quixye: X-osoꞌ li tenamit Babilonia. Xsacheꞌ xcuanquil li nimla tenamit Babilonia. Li tenamit aꞌan xcana chokꞌ xnaꞌajeb laj tza ut eb li ma̱us aj musikꞌej. Xcana chokꞌ xnaꞌajeb laj xicꞌanel xul li kꞌaxal yibeb ru li incꞌaꞌ nequeꞌtiꞌeꞌ.

Miqueas 1:12

Eb li cuanqueb aran Marot nequeꞌraj raj nak ta̱cotzk li raylal li yo̱queb chixcꞌulbal. Abanan canabanbileb xban li Ka̱cuaꞌ chixcꞌulbal li raylal ut cha̱lc ajcuiꞌ re saꞌ xbe̱neb li cuanqueb Jerusalén.

Jeremías 9:6

Cꞌajoꞌ li rahobtesi̱c nequeꞌxba̱nu. Xban nak xnumta li balakꞌic nequeꞌxba̱nu, joꞌcan nak incꞌaꞌ chic nequeꞌraj xpa̱banquil nak la̱in li Dios.—

Jeremías 8:5

¿Cꞌaꞌut nak eb laj Jerusalén queꞌxjal xcꞌaꞌux? ¿Cꞌaꞌut nak incꞌaꞌ nequeꞌsukꞌi cuiqꞌuin? ¿Cꞌaꞌut nak nequeꞌxkꞌetkꞌeti ribeb ut incꞌaꞌ nequeꞌraj cha̱lc cuiqꞌuin?

Jeremías 12:1

Laj Jeremías quixye: —At Ka̱cuaꞌ, la̱at junelic ti̱c a̱chꞌo̱l ut incꞌaꞌ raj nacuaj xcuechꞌbal rix li cꞌaꞌru nacaba̱nu. Abanan nacuaj xpatzꞌbal a̱cue cꞌaꞌut nak nacꞌulman chi joꞌcaꞌin. ¿Cꞌaꞌut nak us nequeꞌel li nequeꞌxba̱nu li ma̱usilal? ¿Cꞌaꞌut nak junelic sa cuanqueb li incꞌaꞌ useb xnaꞌleb?

Sofonías 1:9

Saꞌeb li cutan aꞌan tinqꞌueheb ajcuiꞌ chixtojbal xma̱queb li nequeꞌoc chi piscꞌonbil saꞌ li rochocheb lix dioseb joꞌ ajcuiꞌ li nequeꞌxtu̱b saꞌ rochocheb lix dioseb li nequeꞌrelkꞌa chak riqꞌuin balakꞌi̱nc.

Li xHu LAJ JOB 12:6

Eb laj e̱lkꞌ junelic saheb saꞌ xchꞌo̱l saꞌ li rochocheb. Ut eb li nequeꞌxtzꞌekta̱na li Dios, ma̱cꞌaꞌ nequeꞌxcꞌul. Ut nequeꞌxcꞌoxla nak chixjunil cuan saꞌ rukꞌeb.

Isaías 3:14

Ta̱rakok a̱tin saꞌ xbe̱neb li nequeꞌcꞌamoc be ut saꞌ xbe̱neb li nequeꞌtaklan saꞌ xbe̱neb li tenamit. Ut tixye reheb: —La̱ex xexsachoc re lin tenamit ut yo̱quex chixcꞌambal li cꞌaꞌru reheb li nebaꞌ saꞌ le̱ rochoch.

Oseas 12:9

Ut li Dios quixye reheb: —La̱in li Ka̱cuaꞌ le̱ Dios, li qui-isin chak e̱re saꞌ li naꞌajej Egipto. La̱in toj texinqꞌue cuiꞌchic chi cua̱nc saꞌ eb li muheba̱l li yi̱banbil riqꞌuin tꞌicr joꞌ nequeba̱nu nak nequexninkꞌei̱c.