Jeremías 5:26 - Li Santil hu

²⁶ Saꞌ xya̱nkeb lin tenamit cuanqueb li incꞌaꞌ useb xnaꞌleb. Yo̱queb chixsicꞌbal chanru nak teꞌxba̱nu ma̱usilal reheb li ras ri̱tzꞌin. Chanchaneb laj yo li nequeꞌxqꞌue li raꞌal re xchapbaleb li cocꞌ xul.

Q'eqchi Bible

²⁶ Sa' lintenamit wankeb' winq ink'a' useb' xna'leb' li junelik yookeb' chi luktesink ch'oolej, chanchan tawi' naq yookeb' chi ra'lenk xik'anel xul; ab'an a'eb' chik li winq neke'xluktesi xch'ooleb'.

Jeremías 5:26 ပူးပေါင်းရင်းမြစ်များ

Proverbios 1:11

Usta teꞌxye e̱re, “Quimkex kiqꞌuin. Chex-oque̱nk saꞌ kaya̱nk. Toxic ut takaram saꞌ xbe li ma̱cꞌaꞌeb xma̱c ut takacamsiheb nak yo̱keb chi numecꞌ.

Jeremías 18:22

Chataklaheb li xicꞌ nequeꞌiloc reheb chi pletic riqꞌuineb chi ma̱cꞌaꞌ saꞌ xchꞌo̱leb xban nak eb aꞌan xeꞌxbec li jul re intꞌanbal ut xeꞌxqꞌue li raꞌal re inchapbal. Japjo̱k ta reheb xban xxiuheb.

Salmos 64:5

Nequeꞌxqꞌue xcacuil xchꞌo̱l chiribileb rib chixba̱nunquil li ma̱usilal. Nequeꞌxcꞌu̱b chanru nak teꞌxqꞌue li raꞌal re nak tintꞌanekꞌ chi saꞌ. Ut nequeꞌxye: ¿Ani ta cuiꞌ ta̱naꞌok re cꞌaꞌru yo̱co? chanqueb.

San Lucas 5:10

Ut joꞌcan ajcuiꞌ laj Jacobo ut laj Juan, eb li ralal laj Zebedeo. Aꞌan eb li rochben laj Simón. Ut li Jesús quixye re laj Simón: —Matcꞌoxlac. Chalen anakcuan ma̱cuaꞌ chic caribc ta̱ba̱nu. A̱cuas a̱cui̱tzꞌin ban chic ta̱sicꞌ re teꞌpa̱ba̱nk, chan li Jesús.

Jeremías 4:22

Li Ka̱cuaꞌ quixye: —Ma̱cꞌaꞌeb xnaꞌleb lin tenamit. Incꞌaꞌ nequeꞌxnau cuu. Chanchaneb li cocꞌal li ma̱cꞌaꞌeb xnaꞌleb. Chanchaneb li cocꞌal li incꞌaꞌ nequeꞌxtau xya̱lal. Cuanqueb xnaꞌleb chixba̱nunquil li ma̱usilal, abanan incꞌaꞌ nequeꞌraj xba̱nunquil li us, chan.

Isaías 58:1

Li Ka̱cuaꞌ quixye re laj Isaías: —Jap a̱cue chi cau. Matxucuac. A̱tinan chi cau joꞌ junak li trompeta. Ta̱ye reheb lin tenamit nak xeꞌxkꞌet lin chakꞌrab. Ta̱ye reheb li ralal xcꞌajol laj Jacob nak cuanqueb xma̱c.

Isaías 32:7

Li ani incꞌaꞌ us xnaꞌleb naxba̱nu li ma̱usilal. Naxcꞌu̱b ru chanru nak tixba̱nu raylal reheb li nebaꞌ riqꞌuin balakꞌ ut naxsicꞌ xya̱lal chanru nak incꞌaꞌ ta̱rakekꞌ a̱tin saꞌ xya̱lal saꞌ xbe̱neb li tenkꞌa̱c nequeꞌraj.

Jeremías 9:8

Lix tzꞌu̱mal reheb chanchan li tzimaj li nacamsin xban li balakꞌic nequeꞌxba̱nu. Riqꞌuin xtzꞌu̱mal reheb nequeꞌa̱tinac chi cha̱bil riqꞌuineb li ras ri̱tzꞌin. Abanan saꞌ xchꞌo̱leb nequeꞌxcꞌu̱b ru chanru teꞌxbalakꞌiheb.

Jeremías 18:20

¿Ma naru ta biꞌ ta̱kꞌajca̱mu̱k li us riqꞌuin li ma̱usilal? Eb aꞌan chanchan nak ac xeꞌxbec injulel. Jultic a̱cue nak xincol rixeb cha̱cuu. Us xina̱tinac chirixeb re nak incꞌaꞌ ta̱qꞌueheb chixtojbal xma̱queb xban a̱joskꞌil.

Miqueas 6:10

¿Ma incꞌaꞌ ta biꞌ toj cuan ajcuiꞌ saꞌ rochocheb li incꞌaꞌ useb xnaꞌleb lix biomal li queꞌre̱chani riqꞌuin xbalakꞌinquileb li tenamit? Ut, ¿ma incꞌaꞌ ta biꞌ toj cuan ajcuiꞌ lix bisleb li incꞌaꞌ tzꞌakal nequeꞌbisoc cuiꞌ? La̱in xicꞌ nacuil chixjunil li nequeꞌxba̱nu.

Miqueas 7:2

Ma̱ jun chic li cui̱nk ti̱c xchꞌo̱l saꞌ ruchichꞌochꞌ ut ma̱ ani chic junak cha̱bil. Chixjunileb nequeꞌcamsin ut li junju̱nk nequeꞌxsicꞌ chanru nak ta̱ru̱k teꞌxbalakꞌi li ras ri̱tzꞌin.