Jeremías 5:24 - Li Santil hu

²⁴ Incꞌaꞌ nequeꞌxye, “Chikaxucua ru li Ka̱cuaꞌ li kaDios li naqꞌuehoc re li hab saꞌ habalkꞌe joꞌ ajcuiꞌ saꞌ sakꞌehil ut naqꞌuehoc re ru li kacui̱mk saꞌ xkꞌehil li kꞌoloc.”

Q'eqchi Bible

²⁴ Ink'a' x'alaak b'ayaq sa' xch'ooleb' xyeeb'al: Qaxiwaaq ru li Qaawa' li qaYos li naxtaqla chaq li hab' sa' xq'ehil; ut ak xaqxo li kutan li naqaxok wi' ru li awimq.

Jeremías 5:24 ပူးပေါင်းရင်းမြစ်များ

Salmos 147:8

Li Ka̱cuaꞌ, aꞌan naqꞌuehoc re li chok chiru li choxa ut aꞌan li naqꞌuehoc re li hab re tixtꞌakresi li chꞌochꞌ ut naxqꞌue chi qꞌui̱c li pim chiru li tzu̱l.

Joel 2:23

Chisahokꞌ taxak saꞌ e̱chꞌo̱l la̱ex li cuanquex Sión. Chisahokꞌ taxak saꞌ e̱chꞌo̱l riqꞌuin li Ka̱cuaꞌ, xban nak aꞌan ta̱qꞌuehok e̱re li cꞌaꞌru nequeraj. Aꞌan tixqꞌue li hab saꞌ xkꞌehil. Tixqꞌue saꞌ sakꞌehil ut tixqꞌue ajcuiꞌ saꞌ habalkꞌe joꞌ quixba̱nu junxil.

Génesis 8:22

Joꞌ najtil chic ta̱cua̱nk li ruchichꞌochꞌ junelic ta̱cua̱nk li a̱uc. Ta̱cua̱nk kꞌoloc. Ta̱cua̱nk li que ut ta̱cua̱nk li tik. Ta̱cua̱nk li sakꞌehil ut ta̱cua̱nk li habalkꞌe. Ta̱cua̱nk li cutan ut ta̱cua̱nk li kꞌojyi̱n. Incꞌaꞌ teꞌpaltok chiruheb, chan li Dios.

Hechos 14:17

Riqꞌuin li usilal li naxba̱nu ke, junelic yo̱ chixcꞌutbesinquil chiku nak aꞌan li Dios. Aꞌan naxcꞌut chiku nak aꞌan yal re saꞌ xbe̱n chixjunil. Aꞌan naqꞌuehoc re li hab. Aꞌan naqꞌuehoc re chi u̱chi̱nc li kacui̱mk chi nabal, ut aꞌan ajcuiꞌ nacꞌojoban re li kachꞌo̱l riqꞌuin li katzacae̱mk ut riqꞌuin lix sahil kachꞌo̱l, chan laj Pablo.

San Mateo 5:45

Cui te̱ba̱nu chi joꞌcan, la̱exak ralal xcꞌajol le̱ Yucuaꞌ cuan saꞌ choxa. Aꞌan naqꞌuehoc chak li sakꞌe saꞌ xbe̱neb li useb xnaꞌleb joꞌ ajcuiꞌ li incꞌaꞌ useb xnaꞌleb. Ut aꞌan ajcuiꞌ naqꞌuehoc chak li hab saꞌ xbe̱neb li ti̱queb xchꞌo̱l joꞌ ajcuiꞌ li incꞌaꞌ ti̱queb xchꞌo̱l.

Jeremías 14:22

¿Ma cuan ta biꞌ junak li yi̱banbil dios saꞌ li xni̱nkal ru tenamit ta̱ru̱k tixtakla chak li hab? ¿Ma naru ta biꞌ ta̱cha̱lk li hab saꞌ choxa yal xjunes? ¿Ma ma̱cuaꞌ ta biꞌ la̱at, at Ka̱cuaꞌ, nacatqꞌuehoc re? Joꞌcan nak caꞌaj cuiꞌ a̱cuiqꞌuin noco-oybenin xban nak la̱at nacatqꞌuehoc re chixjunil li cꞌaꞌak re ru aꞌin, chan laj Jeremías.

Apocalipsis 11:6

Eb li cuib chi cui̱nk aꞌin qꞌuebileb xcuanquil chixba̱nunquil re nak incꞌaꞌ tixqꞌue li hab chiruheb li cutan nak yo̱keb chixyebal li cꞌaꞌru ta̱cꞌulma̱nk. Ut cuanqueb xcuanquil re xsukꞌisinquil li haꞌ chokꞌ quicꞌ ut cuanqueb ajcuiꞌ xcuanquil re xrahobtesinquileb li cuanqueb saꞌ ruchichꞌochꞌ riqꞌuin chixjunil li raylal aꞌ yal jarub sut teꞌraj xba̱nunquil.

Santiago 5:7

Joꞌcan ut ex herma̱n, checuyak roybeninquil lix cꞌulunic li Ka̱cuaꞌ Jesucristo. Joꞌ laj cꞌalom naxcuy roybeninquil jokꞌe natꞌaneꞌ li hab re nak ta̱a̱uk ut naxcuy ajcuiꞌ roybeninquil nak nacuulac xkꞌehil li kꞌoloc re nak tixkꞌol ru li racui̱mk.

Zacarías 10:1

Chetzꞌa̱ma̱k re li Ka̱cuaꞌ re nak tixqꞌue li hab li naxqꞌue mokon xban nak aꞌan naqꞌuehoc re li ca̱k ut aꞌan ajcuiꞌ naqꞌuehoc re li hab chi nabal re nak ta̱e̱lk chi cha̱bil li ichaj saꞌ le̱ cꞌaleba̱l.

Amós 4:7

—La̱in incꞌaꞌ chic xinqꞌue li hab nak oxib po chic ma̱ nacuulac xkꞌehil li kꞌoloc. Xinqꞌue li hab saꞌ jun li tenamit ut saꞌ li jun chic incꞌaꞌ xinqꞌue. Saꞌ jun li cꞌaleba̱l xinqꞌue li hab ut saꞌ li jun chic xchakic li acui̱mk xban nak incꞌaꞌ xinqꞌue li hab.

Oseas 6:1

Eb li tenamit teꞌxye: —Kajalak kacꞌaꞌux ut sukꞌi̱ko cuiꞌchic riqꞌuin li Ka̱cuaꞌ. Quixtakla chak li raylal saꞌ kabe̱n, abanan anakcuan toxtenkꞌa. Coxrahobtesi, abanan anakcuan toxqꞌuirtesi.

Jeremías 50:5

Teꞌxpatzꞌ bar cuan li be li naxic Sión ut aran teꞌxic. Ut teꞌxye, “Cha̱lkex ut takacꞌam cuiꞌchic kib saꞌ usilal riqꞌuin li Ka̱cuaꞌ. Takaba̱nu jun li contrato riqꞌuin li Ka̱cuaꞌ chi junelic re nak incꞌaꞌ ta̱sachk saꞌ kachꞌo̱l,” chaꞌakeb.

Jeremías 5:22

¿Ma incꞌaꞌ te̱xucua cuu? Ut, ¿ma incꞌaꞌ sicsotkex xban e̱xiu chicuu? La̱in xinqꞌuehoc re li samaib re xrambal li palau chi junelic. Usta nasaqꞌueꞌ xban li rok haꞌ, abanan li haꞌ incꞌaꞌ ta̱numekꞌ jun pacꞌal li samaib li quinqꞌue saꞌ xnaꞌaj.

Isaías 64:7

Ma̱ ani chic naya̱ban la̱ cꞌabaꞌ ut ma̱ ani chic naxsicꞌ xtenkꞌanquil a̱cuiqꞌuin. Joꞌcan nak xoa̱canab kajunes. Xoa̱canab chi sachecꞌ xban li kama̱c.

Li xHu LAJ JOB 38:37

¿Ma cuan ta biꞌ junak ta̱ru̱k ta̱ajla̱nk re li chok? Ut, ¿ma cuan ta biꞌ junak ta̱ru̱k ta̱yehok re li chok nak tixqꞌue chak li hab,

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

Deuteronomio 28:12

Li Ka̱cuaꞌ toj saꞌ choxa tixtakla chak li hab saꞌ xkꞌehil ut ta̱rosobtesi le̱ cꞌanjel. Eb li xni̱nkal ru tenamit teꞌxpatzꞌ chi toꞌ cꞌaꞌruheb re e̱riqꞌuin, abanan la̱ex incꞌaꞌ te̱patzꞌ cꞌaꞌru e̱re chi toꞌ riqꞌuineb aꞌan.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Li xHu LAJ JOB 5:10

Aꞌan naqꞌuehoc re li hab ut naxtꞌakresi li acui̱mk.

Salmos 65:9

La̱at nacat-iloc re li ruchichꞌochꞌ. La̱at nacattaklan chak re li hab ut nacaqꞌue chi cha̱bilocꞌ li chꞌochꞌ. La̱at nacatqꞌuehoc re li haꞌ saꞌ eb li nimaꞌ ut la̱at nacatba̱nun re nak ta̱e̱lk li acui̱mk saꞌ li chꞌochꞌ. Joꞌcaꞌin nacaba̱nu riqꞌuin li chꞌochꞌ.

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Jeremías 3:3

Joꞌcan nak incꞌaꞌ chic naxqꞌue li hab. Incꞌaꞌ xtꞌaneꞌ li hab saꞌ xkꞌehil li a̱uc. Xban nak la̱ex yo̱quex chixlokꞌoninquil li jalanil dios, chanchanex li ixk li naxcꞌayi rib. Incꞌaꞌ nequexxuta̱nac.

Li xHu LAJ JOB 29:23

Junelic yo̱queb chiroybeninquil nak tina̱tinak. Chanchan nak na-oybeni̱c li hab saꞌ li sakꞌehil.

Jeremías 10:13

Riqꞌuin li ra̱tin naxqꞌue chi cha̱lc chi cau li hab. Ut naxchꞌutub li haꞌ saꞌ xmaril li ruchichꞌochꞌ ut naxqꞌue chi takecꞌ li chok saꞌ choxa. Naxtakla li hab ut li rakꞌ ca̱k ut narisi li ikꞌ saꞌ li naꞌajej li xocxo cuiꞌ ut naxtakla saꞌ ruchichꞌochꞌ.