Jeremías 5:13 - Li Santil hu

¹³ Eb li profeta junes a̱tinac nequeꞌxba̱nu. Chanchan nak na-ecꞌan li ikꞌ. Ma̱cꞌaꞌ ra̱tin li Dios riqꞌuineb. Cheꞌxcꞌulak ta eb aꞌan li cꞌaꞌru xeꞌxye, chanqueb.

Q'eqchi Bible

^13-14 Eb' li propeet yal chanchaneb' li iq', xb'aan naq maak'a' li raatin li Qaawa' rik'ineb'. Chiq'apliiq ta sa' xb'eeneb' li k'aru neke'xye”, chankeb'. Jo'kan naq li Nimajwal Yos kixye we chi jo'ka'in: “Xb'aan naq xe'xye chi jo'kan, laa'in tink'e li waatin chi xtz'uumal aawe jo'kaq li xam; ut li tenamit a'in chanchanaqeb' li si' naq te'oso'q xb'aan li raq'xam”.

Jeremías 5:13 ပူးပေါင်းရင်းမြစ်များ

Jeremías 14:15

La̱in li Ka̱cuaꞌ ninyehoc re aꞌin chirixeb li profetas li yo̱queb chi a̱tinac saꞌ incꞌabaꞌ la̱in. La̱in incꞌaꞌ xintaklaheb, abanan yo̱queb chixyebal nak incꞌaꞌ ta̱cua̱nk li ple̱t chi moco ta̱cua̱nk li cueꞌej. La̱in ninye nak eb li profeta aꞌin teꞌca̱mk saꞌ li ple̱t ut xban cueꞌej.

Jeremías 14:13

Ut laj Jeremías quixye: —At nimajcual Dios, la̱at nacanau nak eb li profetas yo̱queb chixyebal reheb li tenamit nak incꞌaꞌ ta̱cua̱nk li ple̱t chi moco ta̱cua̱nk li cueꞌej. Yo̱queb chixyebal nak ta̱qꞌue reheb li tuktu̱quil usilal, chan.

Li xHu LAJ JOB 8:2

—¿Jokꞌe ta̱canab a̱tinac chi joꞌcan? Li a̱tin li nacaye chanchan li cacuil ikꞌ.

Oseas 9:7

Cuulac re xkꞌehil li rakba a̱tin saꞌ e̱be̱n. Cuulac re xkꞌehil nak te̱toj rix le̱ ma̱c. Nak ta̱cuulak li cutan aꞌan, la̱ex aj Israel te̱qꞌue retal. Che̱ru la̱ex li profeta ma̱cꞌaꞌ chic xnaꞌleb. Laj yehol ra̱tin li Dios xlo̱coꞌ ru, chanquex. Xban xqꞌuial le̱ ma̱usilal xicꞌ chic niquine̱ril.

Jeremías 28:3

Joꞌcaꞌin saꞌ cuib chihab la̱in tinqꞌueheb chi sukꞌi̱c chixjunil li secꞌ ut li chꞌi̱chꞌ li quicꞌanjelac saꞌ li templo aꞌin li quicꞌameꞌ Babilonia xban li rey Nabucodonosor.

Jeremías 18:18

Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

Li xHu LAJ JOB 6:26

¿Cꞌaꞌut nak yo̱quex chixcuechꞌbal rix li cꞌaꞌru ninye? Yo̱quin chixyebal aꞌan xban nak incꞌaꞌ chic nintau cꞌaꞌru tinba̱nu.

2 Crónicas 36:16

Abanan eb laj Judá queꞌxseꞌeheb lix profeta li Dios ut queꞌxhob. Ut queꞌxtzꞌekta̱na li ra̱tin toj retal queꞌxchikꞌ xjoskꞌil li Dios saꞌ xbe̱neb. Ut incꞌaꞌ chic quixcuy xma̱queb.

Proverbios 25:14

Li ani naxnimobresi rib chixyebal nak nabal naxqꞌue ut ma̱cꞌaꞌ naxqꞌue, li jun aꞌan chanchan li ikꞌ ut li chok li ma̱cꞌaꞌ hab chi saꞌ.

Isaías 41:29

Qꞌuehomak retal. Ma̱cꞌaꞌ naru nequeꞌxba̱nu eb aꞌan. Ma̱cꞌaꞌ nequeꞌoc cuiꞌ. Ut eb li jalam u̱ch li nequeꞌxyi̱b ma̱cꞌaꞌ nequeꞌoc cuiꞌ. Chanchaneb li ikꞌ li naxic yalak bar, chan.

Jeremías 22:22

Teꞌcꞌamekꞌ che̱ru chixjunileb li nequeꞌcꞌamoc be che̱ru. Chanchan nak teꞌcꞌamekꞌ xban ikꞌ. Teꞌcꞌamekꞌ saꞌ jalan naꞌajej chixjunileb li xeꞌxjunaji ribeb e̱riqꞌuin. Ta̱cubsi̱k e̱cuanquil ut xuta̱nal texcana̱k xban le̱ ma̱usilal.

Jeremías 43:2

Nak ac xrakeꞌ chi a̱tinac laj Jeremías, laj Azarías li ralal laj Osaías ut laj Johanán li ralal laj Carea, rochbeneb li cui̱nk li kꞌetkꞌeteb, queꞌxye re laj Jeremías: —Ticꞌtiꞌ li nacaye. Li Ka̱cuaꞌ li kaDios incꞌaꞌ quixye aꞌan. Incꞌaꞌ xatxtakla chixyebal ke nak incꞌaꞌ toxic chi cua̱nc Egipto.