Jeremías 49:8 - Li Santil hu

⁸ Elenkex chi junpa̱t ut mukumak chak e̱rib saꞌ eb li ochoch pec la̱ex li cuanquex Dedán xban nak la̱in tinqꞌue li raylal saꞌ xbe̱neb li ralal xcꞌajol laj Esaú nak tinqꞌueheb chixtojbal rix lix ma̱queb.

Q'eqchi Bible

⁸ Elelinqex chi junpaat, ex aj Dedán, sik'omaq eena'aj re teemuq eerib' chi us, xb'aan naq ok we chi xrahob'tesinkileb' li ralal xk'ajoleb' laj Esaú, xwulak xkutankil naq tinraqoq aatin sa' xb'eeneb'.

Jeremías 49:8 ပူးပေါင်းရင်းမြစ်များ

Jeremías 25:23

Teꞌcꞌuluk ajcuiꞌ raylal chixjunileb li cuanqueb saꞌ eb li tenamit Dedán, Tema ut Buz; joꞌ eb ajcuiꞌ li cuanqueb saꞌ najtil tenamit;

Jeremías 46:21

Ut eb li soldado, li tojbileb, chanchaneb li cocꞌ cuacax li ni̱nkeb xtibel. Incꞌaꞌ teꞌxcuy pletic. Teꞌxsukꞌisi ban ribeb ut teꞌe̱lelik xban nak xcuulac xkꞌehil nak teꞌsachekꞌ ruheb.

Jeremías 49:30

Elenkex chi junpa̱t. Mukumak e̱rib saꞌ eb li ni̱nki ochoch pec la̱ex li cuanquex Hazor, xban nak li rey Nabucodonosor xcꞌu̱b ru chanru nak tixsach e̱ru, chan li Ka̱cuaꞌ.

Isaías 21:13

Aꞌan aꞌin li resil li cꞌaꞌru teꞌxcꞌul eb laj Arabia: —La̱ex aj Dedán li yo̱quex chi numecꞌ, te̱numsi li kꞌojyi̱n saꞌ li qꞌuicheꞌ re Arabia.

Apocalipsis 6:15

Ut chixjunileb quilajeꞌxmuk ribeb xbaneb xxiu. Queꞌxmuk ribeb li rey ut eb li cuanqueb xcuanquil, joꞌqueb ajcuiꞌ li nequeꞌtaklan saꞌ xbe̱neb li soldado. Queꞌxmuk ribeb li biom joꞌqueb ajcuiꞌ li cauheb rib, joꞌqueb ajcuiꞌ li lokꞌbil mo̱s joꞌ ajcuiꞌ li ma̱cꞌaꞌeb xpatrón. Queꞌxmuk ribeb saꞌ li ochoch pec ut saꞌ xya̱nkeb li ni̱nki pec li cuanqueb saꞌ tzu̱l.

Jeremías 50:27

Camsihomakeb chixjunil li cui̱nk li toj sa̱jeb. Chanchanakeb li cuacax li yo̱queb chi xic chi camsi̱c. Raylal ta̱cha̱lk saꞌ xbe̱neb laj Babilonia xban nak xcuulac xkꞌehil nak teꞌqꞌuehekꞌ chi xtojbal rix lix ma̱queb.

Jeremías 49:32

Teꞌchapekꞌ ut teꞌcꞌamekꞌ eb lix camello ut eb lix queto̱mk. La̱in tinjeqꞌuiheb ru ut tintaklaheb saꞌ najtil tenamit. Chanchan nak teꞌcꞌamekꞌ xban ikꞌ. Raylal ta̱cha̱lk saꞌ xbe̱neb yalak bar, chan li Ka̱cuaꞌ.

Jeremías 48:44

Li ani ta̱e̱lelik xban xxiu ta̱tꞌanekꞌ saꞌ jul. Ut li ani ta̱e̱lk saꞌ li jul ta̱chapekꞌ saꞌ li raꞌal, xban nak la̱in tintakla li raylal saꞌ xbe̱neb laj Moab re nak teꞌxtoj rix lix ma̱queb, chan li Ka̱cuaꞌ.

Jeremías 48:28

Canabomak le̱ tenamit ut texxic chi cua̱nc saꞌ xya̱nkeb li pec, la̱ex li cuanquex Moab. Chanchanakex chic li mucuy li naxyi̱b xsoc saꞌ li oqueba̱l re li ochoch pec.

Jeremías 48:6

¡Elenkex! ¡Colomak e̱rib, la̱ex aj Moab! Chanchanakex li qꞌuix li cuan saꞌ li chaki chꞌochꞌ.

Jeremías 6:1

La̱ex, li ralal xcꞌajol laj Benjamín, elenkex saꞌ li tenamit Jerusalén re xcolbal e̱rib. Ya̱basihomak le̱ trompeta aran Tecoa. Cꞌu̱bumak junak li xam saꞌ li naꞌajej Bet-haquerem chokꞌ retalil li nimla raylal ut li sachecꞌ li yo̱ chak chi cha̱lc saꞌ li norte.

Isaías 2:21

Nak ta̱cha̱lk chi rakoc a̱tin li Ka̱cuaꞌ Dios saꞌ ruchichꞌochꞌ, eb li cristian teꞌxmuk ribeb saꞌ eb li ochoch pec ut saꞌ eb li jul xban nak incꞌaꞌ teꞌxcuy rilbal lix joskꞌil, lix lokꞌal, ut lix cuanquilal li Dios.

1 Samuel 13:6

Eb laj Israel queꞌril nak cuanqueb saꞌ chꞌaꞌajquilal ut incꞌaꞌ chic queꞌxtau cꞌaꞌru teꞌxba̱nu re xcolbaleb rib. Queꞌxmuk ribeb saꞌ eb li ochoch pec, saꞌ eb li jul, saꞌ eb li sako̱nac, ut saꞌ xya̱nkeb li ni̱nki pec ut queꞌxmuk ajcuiꞌ ribeb saꞌ eb li rok haꞌ li ma̱cꞌaꞌ haꞌ chi saꞌ.

Jueces 6:2

Eb laj Madián cꞌajoꞌ nak queꞌxrahobtesiheb laj Israel. Joꞌcan nak eb laj Israel queꞌxmuk ribeb saꞌ eb li ochoch pec ut saꞌ eb li tzu̱l. Queꞌxyi̱b lix muheba̱leb saꞌ eb li naꞌajej bar incꞌaꞌ teꞌtaꞌekꞌ cuiꞌ.

Isaías 34:5

Li Ka̱cuaꞌ yo̱ chak xjoskꞌil saꞌ choxa saꞌ xbe̱neb laj Edom. Chanchan nak cha̱lc re chixcamsinquileb chi chꞌi̱chꞌ nak tixkꞌaxtesiheb chi camsi̱c. Ac tenebanbil ca̱mc saꞌ xbe̱n li tenamit aꞌan.

Ezequiel 25:13

Anakcuan la̱in ninye nak tinqꞌueheb laj Edom chixtojbaleb lix ma̱queb. La̱in tincamsiheb chixjunileb li cristian joꞌ eb ajcuiꞌ li xul. Ma̱cꞌaꞌ chic ta̱cua̱nk aran naticla cuan cuiꞌ li tenamit Temán ut ta̱cuulak toj saꞌ li tenamit Dedán. Li naꞌajej ta̱cana̱k chi ma̱cꞌaꞌ chic cuan chi saꞌ.

Malaquías 1:3

—Xintzꞌekta̱na laj Esaú. Ut xinsukꞌisi lix naꞌaj chokꞌ chaki chꞌochꞌ li cha̱bil tzu̱l nak quicuan. Xincanab lix chꞌochꞌ chokꞌ xnaꞌajeb li joskꞌ aj xul, chan li Dios.

Malaquías 1:4

Ut cui ta teꞌxye li ralal xcꞌajol laj Esaú li cuanqueb saꞌ li tenamit Edom, “Xeꞌxsach ru li katenamit, abanan takacuaclesi cuiꞌchic li katenamit,” chaꞌkeb, abanan li Ka̱cuaꞌ li kꞌaxal nim xcuanquil tixye: —Eb aꞌan teꞌxcuaclesi cuiꞌchic lix tenamiteb ut la̱in tinsach cuiꞌchic ru. “Numtajenak chi ma̱usilal lix tenamiteb” chaꞌkeb re. Ut ta̱yehekꞌ ajcuiꞌ re, “Li tenamit aꞌan junelic yo̱ xjoskꞌil li Dios saꞌ xbe̱n.”