Jeremías 49:7 - Li Santil hu

⁷ Joꞌcaꞌin quixye li Ka̱cuaꞌ li nimajcual Dios chirixeb laj Edom: —¿Ma ma̱cꞌaꞌ chic xnaꞌlebeb li cuanqueb Temán? ¿Ma incꞌaꞌ chic naru teꞌxqꞌue xnaꞌlebeb li tenamit laj qꞌuehol naꞌleb? ¿Ma xsach lix naꞌlebeb?

Q'eqchi Bible

⁷ Jo'ka'in kixye li Nimajwal Yos chirixeb' laj Edom: “Ma maak'a' chik li chaab'il na'leb' aran Temán? Ma x'oso'k li seeb'al k'a'uxl rik'ineb' li wankeb' xna'leb'? Ma xsachk tab'i' li chaab'il na'leb'?

Jeremías 49:7 ပူးပေါင်းရင်းမြစ်များ

Jeremías 49:20

Abihomak li cꞌaꞌru quixcꞌu̱b ru xba̱nunquil reheb laj Edom li Ka̱cuaꞌ. Abihomak li cꞌaꞌru tixba̱nu reheb li cuanqueb Temán. Quelonbil nak teꞌisi̱k li ma̱cꞌaꞌeb chic xmetzꞌe̱u saꞌ li tenamit aꞌan ut ta̱sachekꞌ ru lix naꞌajeb.

Jeremías 25:21

ut teꞌcꞌuluk ajcuiꞌ raylal eb laj Edom; eb laj Moab; ut eb li ralal xcꞌajol laj Amón;

Génesis 36:15

Li queꞌtaklan saꞌ xbe̱neb li ralal xcꞌajol laj Esaú, aꞌaneb li ralal laj Elifaz li asbej saꞌ xya̱nkeb li ralal xcꞌajol laj Esaú. Aꞌaneb aꞌin lix cꞌabaꞌeb: laj Temán, laj Omar, laj Zefo ut laj Cenaz,

Génesis 25:30

Quixye re laj Jacob: —Qꞌue bayak cue li tibel cua li cak ru li yo̱cat chixyi̱banquil. Numtajenak lin tzꞌocajic, chan. Xban aꞌin queꞌxqꞌue jun chic xcꞌabaꞌ laj Esaú. Aj Edom queꞌxqꞌue chokꞌ xcab xcꞌabaꞌ.

Li xHu LAJ JOB 2:11

Cuanqueb oxib rami̱g laj Job: laj Elifaz, Temán xtenamit; ut laj Bildad, Súa xtenamit; ut laj Zofar, Naamat xtenamit. Eb li oxib chi cui̱nk aꞌin queꞌrabi resil nak laj Job yo̱ chixcꞌulbal raylal. Joꞌcan nak queꞌxcꞌu̱b rib chi xic chirilbal re nak teꞌxcꞌojob xchꞌo̱l ut teꞌxtenkꞌa.

Génesis 36:11

Aꞌaneb aꞌin lix cꞌabaꞌeb li ralal laj Elifaz: laj Temán, laj Omar, laj Zefo, laj Gatam ut laj Cenaz.

Habacuc 3:3

—Aꞌan aꞌin li quicuil saꞌ li visión, chan laj Habacuc. Quicuil nak li Dios yo̱ chak chi cha̱lc saꞌ li naꞌajej Temán. Li Dios santo xchal saꞌ li tzu̱l Parán. Lix lokꞌal nacꞌutun saꞌ choxa, joꞌ ajcuiꞌ saꞌ chixjunil li ruchichꞌochꞌ.

Joel 3:19

Ut li nimla tenamit Egipto ta̱sachekꞌ ru ut li naꞌajej Edom ta̱cana̱k chi ma̱cꞌaꞌ chic cuan chiru xban li ma̱usilal li queꞌxba̱nu reheb laj Judá. Queꞌxcamsiheb laj Judá chi ma̱cꞌaꞌeb xma̱c.

Daniel 11:41

Nak yo̱keb chi xic saꞌ li sur, li soldado li teꞌcha̱lk saꞌ li norte teꞌoc saꞌ nabal chi tenamit chi pletic. Ut teꞌoc aran Israel saꞌ li naꞌajej yechiꞌinbil reheb lix tenamit li Dios. Ut teꞌxcamsi nabaleb laj Israel. Abanan eb li tenamit Edom ut Moab ut lix qꞌuialeb li ralal xcꞌajol laj Amón teꞌxcol ribeb chiruheb.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Jeremías 18:18

Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

Isaías 29:14

Joꞌcan nak la̱in tinba̱nu jun li sachba chꞌo̱lej xiu xiu rilbal riqꞌuineb li tenamit aꞌin. Eb li cuanqueb xnaꞌleb ma̱cꞌaꞌak chic xnaꞌlebeb ut eb li se̱beb xchꞌo̱l incꞌaꞌ chic se̱bak xchꞌo̱leb, chan li Dios.

Salmos 137:7

At nimajcual Dios, ma̱canab ta yal chi joꞌcan li raylal li queꞌxba̱nu ke li ralal xcꞌajol laj Edom nak queꞌnumta li jalan tenamit saꞌ kabe̱n. Quisahoꞌ saꞌ xchꞌo̱leb ut queꞌxye: —Jucꞌumak li tenamit Jerusalén ut sachomak chi junaj cua, chanqueb.

Li xHu LAJ JOB 4:1

Laj Elifaz, Temán xtenamit, quixye re laj Job:

1 Crónicas 1:53

laj Cenaz, laj Temán, laj Mibzar,

Deuteronomio 23:7

Incꞌaꞌ xicꞌ te̱ril eb laj Edom xban nak eb aꞌan le̱ rechꞌalal. Ut incꞌaꞌ xicꞌ te̱ril eb laj Egipto xban nak quexcuan saꞌ lix tenamiteb.

Génesis 36:34

Nak quicam laj Jobab, laj Husam qui-oc chokꞌ re̱kaj. Aꞌan li chalenak chak Temán.

Génesis 36:8

Joꞌcan nak laj Esaú co̱ chi cua̱nc saꞌ li naꞌajej li tzu̱l ru Seir xcꞌabaꞌ. Nayeman ajcuiꞌ aj Edom re laj Esaú.

Génesis 27:41

Cꞌajoꞌ nak quijoskꞌoꞌ laj Esaú saꞌ xbe̱n laj Jacob xban nak qui-osobtesi̱c xban lix yucuaꞌ. Quixye saꞌ xchꞌo̱l: —Chi se̱b nacuulac xkꞌehil nak ta̱ca̱mk lin yucuaꞌ. Chirix aꞌan tincamsi li cui̱tzꞌin, chan laj Esaú.

Génesis 32:3

Laj Jacob quixtaklaheb lix takl chi ubej re nak teꞌxic saꞌ li tenamit Seir li cuan xcue̱nt Edom, re nak teꞌxye re laj Esaú nak cuulac re laj Jacob.

Jeremías 8:9

Teꞌcꞌutekꞌ xxuta̱neb li cuanqueb xnaꞌleb. Teꞌsachk xnaꞌlebeb ut incꞌaꞌ chic teꞌxnau cꞌaꞌru teꞌxba̱nu. Queꞌxtzꞌekta̱na li cua̱tin. ¿Ma cuan ta biꞌ chic xnaꞌlebeb anakcuan eb aꞌan?

Jeremías 12:14

Aꞌan aꞌin li naxye li Ka̱cuaꞌ chirixeb li jalaneb xtenamit li incꞌaꞌ useb xnaꞌleb li cuanqueb chi nachꞌ riqꞌuineb laj Israel. Aꞌaneb li queꞌpoꞌoc ru lix tenamiteb laj Israel. —Eb li tenamit aꞌan teꞌcuisi saꞌ lix naꞌajeb ut tincuisiheb ajcuiꞌ li ralal xcꞌajol laj Judá saꞌ xya̱nkeb.

Jeremías 25:23

Teꞌcꞌuluk ajcuiꞌ raylal chixjunileb li cuanqueb saꞌ eb li tenamit Dedán, Tema ut Buz; joꞌ eb ajcuiꞌ li cuanqueb saꞌ najtil tenamit;

Ezequiel 32:29

Eb li rey li queꞌcuan Edom cuanqueb aran rochbeneb li queꞌtaklan saꞌ xbe̱neb li tenamit. Usta queꞌcuan xcuanquil, abanan queꞌtakla̱c saꞌ xya̱nkeb li queꞌcamsi̱c saꞌ li ple̱t. Aran teꞌcua̱nk saꞌ xnaꞌajeb li camenak li cuanqueb cuiꞌ li incꞌaꞌ queꞌxpa̱b li Dios.

Isaías 21:11

Aꞌan aꞌin resil li cꞌaꞌru teꞌxcꞌul eb laj Edom: Eb aꞌan quineꞌra̱tina chak toj Seir ut queꞌxye: —La̱at li yo̱cat chi cꞌacꞌale̱nc, ¿jokꞌe cuanco? ¿Jokꞌe ta̱numekꞌ li kꞌojyi̱n? chanqueb.

Lamentaciones 4:21

Chexseꞌek ut chisahokꞌ saꞌ le̱ chꞌo̱l la̱ex li cuanquex Edom ut la̱ex li cuanquex aran Uz. Chisahokꞌ saꞌ e̱chꞌo̱l anakcuan nak toj naru xba̱nunquil xban nak ta̱cuulak xkꞌehil nak te̱recꞌa xcꞌahil li raylal te̱cꞌul la̱ex. Chanchan texcala̱k ut chanchan tꞌustꞌu texcana̱k nak ta̱cꞌutekꞌ le̱ xuta̱n.