Jeremías 49:35 - Li Santil hu

³⁵ Joꞌcaꞌin quixye li Ka̱cuaꞌ li nimajcual Dios: —La̱in tinqꞌueheb chi camsi̱c chixjunileb li cui̱nk li queꞌxnau cutuc riqꞌuin tzimaj li nequeꞌxcacuubresi cuiꞌ xchꞌo̱leb li tenamit Elam.

Q'eqchi Bible

³⁵ Li Nimajwal Yos kixye chi jo'ka'in: “Laa'in tintoq li xna' xsimaj Elam, li q'axal naxkawu wi' xch'ool.

Jeremías 49:35 ပူးပေါင်းရင်းမြစ်များ

Isaías 22:6

Eb li soldados teꞌcha̱lk toj Elam chirix cacua̱y. Cua̱nk chak saꞌ rukꞌeb lix tzimaj. Ut eb li soldados li teꞌcha̱lk toj Kir cua̱nk chak saꞌ rukꞌeb lix chꞌi̱chꞌ re xcolbal re xchꞌo̱leb.

Jeremías 51:56

Teꞌcha̱lk chixsachbal li tenamit Babilonia. Eb lix soldado laj Babilonia teꞌchapekꞌ ut teꞌtokekꞌ lix tzimaj. La̱in li Ka̱cuaꞌ tinqꞌueheb laj Babilonia chixtojbal xma̱queb joꞌ xcꞌulubeb xcꞌulbal.

Salmos 46:9

Li Ka̱cuaꞌ Dios, aꞌan li narakoc re li ple̱t saꞌ chixjunil li ruchichꞌochꞌ. Naxtokeb li tzimaj ut naxtokiheb li chꞌi̱chꞌ re camsi̱nc ut naxcꞌateb ajcuiꞌ li carruaje re pletic.

Jeremías 50:29

Bokomakeb li nequeꞌxnau cutuc riqꞌuin tzimaj re teꞌpletik riqꞌuineb laj Babilonia. Ut teꞌxyi̱b lix muheba̱leb chi xjun sutam li tenamit ut ma̱ ani teꞌxcanab chi e̱lelic. Qꞌuehomak re̱kaj li ma̱usilal li queꞌxba̱nu xban nak queꞌxkꞌetkꞌeti ribeb chiru li Ka̱cuaꞌ, lix santil Dioseb laj Israel.

Jeremías 50:14

La̱ex li nequenau cutuc riqꞌuin tzimaj xaklinkex saꞌ le̱ naꞌaj. Te̱sut rix li naꞌajej Babilonia ut cutumak le̱ tzimaj. Ma̱ jun te̱col xban nak eb aꞌan xeꞌma̱cob chiru li Ka̱cuaꞌ.

Oseas 1:5

Saꞌ eb li cutan aꞌan tinsacheb xcuanquil laj Israel saꞌ li ru takꞌa re Jezreel, chan li Dios.

Salmos 46:10

Li Ka̱cuaꞌ Dios quixye: —Canabomak li pletic. Qꞌuehomak retal nak la̱in li Ka̱cuaꞌ Dios. Ta̱qꞌuehekꞌ inlokꞌal xbaneb li xni̱nkal ru tenamit ut ta̱qꞌuehekꞌ incuanquil saꞌ chixjunil li ruchichꞌochꞌ.—

Isaías 21:2

Jun li visión kꞌaxal ra rilbal quicꞌutbesi̱c chicuu. Li quicuil saꞌ li visión aꞌan nak yo̱queb chi balakꞌi̱nc ut yo̱queb chi sachoc. Ayukex la̱ex aj Elam. Ayukex chi pletic riqꞌuineb laj Babilonia. Joꞌcan ajcuiꞌ la̱ex aj Medo. Ayukex chi pletic re nak ta̱rakekꞌ li raylal li queꞌxba̱nu eb laj Babilonia.