Jeremías 49:32 - Li Santil hu

³² Teꞌchapekꞌ ut teꞌcꞌamekꞌ eb lix camello ut eb lix queto̱mk. La̱in tinjeqꞌuiheb ru ut tintaklaheb saꞌ najtil tenamit. Chanchan nak teꞌcꞌamekꞌ xban ikꞌ. Raylal ta̱cha̱lk saꞌ xbe̱neb yalak bar, chan li Ka̱cuaꞌ.

Q'eqchi Bible

³² Elq'ahomaq eb' li xkameey ut eechanihomaq chixjunil li xketomqeb'. Sa' xkaaxukuutil li ruuchich'och', tincha'cha'i chixjunileb' li neke'xjo li xjolomeb' ut yalaq b'ar tink'am chaq li rahilal sa' xb'eeneb' -chan li Qaawa'-.

Jeremías 49:32 ပူးပေါင်းရင်းမြစ်များ

Jeremías 9:26

Tinqꞌueheb chixtojbal xma̱queb laj Egipto, eb laj Judá, eb laj Edom, ut eb laj Amón joꞌ eb ajcuiꞌ laj Moab. Tinqꞌueheb chixtojbal xma̱queb li cuanqueb saꞌ najtil tenamit ut saꞌ li chaki chꞌochꞌ. Incꞌaꞌ queꞌxcꞌul li circuncisión chixjunileb aꞌan. Joꞌcan eb ajcuiꞌ laj Israel. Incꞌaꞌ ti̱queb xchꞌo̱l xban nak incꞌaꞌ queꞌxjal xcꞌaꞌuxeb.—

Ezequiel 5:10

Eb li yucuaꞌbej teꞌxtiu li ralal xcꞌajoleb. Ut eb li alal cꞌajolbej teꞌxtiu lix yucuaꞌeb. La̱in tinrakok a̱tin saꞌ e̱be̱n. Tinjeqꞌui ruheb saꞌ jalan tenamit li joꞌ qꞌuial teꞌcana̱k. Chanchan cutbileb saꞌ ikꞌ tinba̱nu reheb.

Jeremías 49:36

Tebinqꞌue chi cha̱lc saꞌ xca̱ pacꞌalil li ruchichꞌochꞌ eb li teꞌcha̱lk chi pletic riqꞌuineb laj Elam ut teꞌjeqꞌui̱k ruheb saꞌ chixjunil li ruchichꞌochꞌ. Ut ma̱ jun li xni̱nkal tenamit incꞌaꞌ ta teꞌcuulak eb laj Elam chixcolbal cuiꞌ ribeb.

Jeremías 25:23

Teꞌcꞌuluk ajcuiꞌ raylal chixjunileb li cuanqueb saꞌ eb li tenamit Dedán, Tema ut Buz; joꞌ eb ajcuiꞌ li cuanqueb saꞌ najtil tenamit;

Ezequiel 5:12

Jun jachal le̱ tenamit teꞌca̱mk xban caki yajel ut cueꞌej. Ut li jun jachal chic teꞌcamsi̱k chi chꞌi̱chꞌ chirix le̱ tenamit. Ut li jun jachal chic tebinjeqꞌui ru saꞌ jalan tenamit. Chanchan cutbileb saꞌ ikꞌ tinba̱nu reheb nak tincua̱linaheb chi chꞌi̱chꞌ.

Deuteronomio 28:64

Li Ka̱cuaꞌ tixchaꞌchaꞌi e̱ru yalak bar saꞌ ruchichꞌochꞌ. Ut saꞌ eb li naꞌajej aꞌan te̱lokꞌoni li jalanil dios li yi̱banbil riqꞌuin cheꞌ ut pec, chi moco la̱ex chi moco le̱ xeꞌto̱nil yucuaꞌ queꞌxlokꞌoniheb junxil.

Jeremías 9:25

Li Ka̱cuaꞌ quixye: —Ta̱cuulak xkꞌehil nak la̱in tinqꞌueheb chixtojbal xma̱queb li tenamit li moco ti̱queb ta xchꞌo̱l usta queꞌxcꞌul li circuncisión, usta incꞌaꞌ.