Jeremías 49:31 - Li Santil hu

³¹ Ayukex chi pletic riqꞌuin li nimla tenamit li cꞌojcꞌo xchꞌo̱leb xban nak cuan chixjunil li cꞌaꞌru reheb. Li tenamit aꞌan moco sutsu ta saꞌ tzꞌac chi moco tzꞌaptzꞌo ta li oqueba̱l. Xjunes cuan li tenamit.

Q'eqchi Bible

³¹ Xaqlinqex ut ayuqex chi xchapb'al li tenamit wank sa' tuqtuukilal, li maak'a' naxk'oxla -chan li Qaawa'-; moko sutsu ta chi tz'akil chi moko wankeb' rokeb'aal, ut xjunes wank.

Jeremías 49:31 ပူးပေါင်းရင်းမြစ်များ

Ezequiel 38:11

Ut ta̱ye, “La̱in tinxic chi pletic riqꞌuin jun li tenamit incꞌaꞌ cau rib. Li tenamit aꞌan cuanqueb chi ma̱cꞌaꞌ xcꞌaꞌuxeb ut cꞌojcꞌo xchꞌo̱leb. Moco sutsu̱queb ta saꞌ tzꞌac lix tenamit ut ma̱cꞌaꞌ xpuertil.”

Miqueas 7:14

At Ka̱cuaꞌ, chacuil taxak la̱ tenamit riqꞌuin la̱ cuanquil, li ac sicꞌbileb ru a̱ban. Ut chaqꞌue taxak li cꞌaꞌruheb re joꞌ nak li cha̱bil aj ilol xul narileb chi us lix carner ut naxqꞌueheb chi cua̱nc saꞌ li tzu̱l cuan cuiꞌ li cha̱bil pachꞌayaꞌ. Chaqꞌueheb cuiꞌchic la̱ cualal a̱cꞌajol chi cua̱nc saꞌ li naꞌajej Basán ut Galaad joꞌ nak queꞌcuan junxil.

Isaías 47:8

Joꞌcan nak cherabihak li yo̱quin chixyebal e̱re, la̱ex li nequexcuan chi sa saꞌ e̱chꞌo̱l. La̱ex cꞌojcꞌo e̱chꞌo̱l ut nequecꞌoxla nak ma̱cꞌaꞌ te̱cꞌul ut nequeye saꞌ e̱chꞌo̱l: La̱o cuan kacuanquil. Ma̱ ani chic cuan xcuanquil joꞌ li kacuanquil la̱o, chanquex. Saꞌ e̱chꞌo̱l la̱ex nak ma̱ jaruj te̱cꞌul li raylal joꞌ nequeꞌxcꞌul li ixk li nequeꞌcam xbe̱lomeb malaj ut joꞌ eb li nequeꞌcam li ralal xcꞌajol.

Deuteronomio 33:28

Joꞌcan nak la̱ex li ralal xcꞌajol laj Israel texcua̱nk chi tuktu le̱ chꞌo̱l. Ma̱cꞌaꞌ ta̱chꞌiꞌchꞌiꞌi̱nk e̱re la̱ex li ralal xcꞌajol laj Jacob. Kꞌaxal nabal li ru le̱ racui̱mk ut kꞌaxal nabal li vino saꞌ le̱ naꞌaj li ta̱tꞌakresi̱k riqꞌuin li hab li nachal saꞌ choxa.

Números 23:9

Toj saꞌ li tzu̱l aꞌin li cuan cuiꞌ li ni̱nki pec nequeꞌcuil. Saꞌ xbe̱n li tzu̱l aꞌin li najt xteram nequeꞌcuil. Nacuil li tenamit li nequeꞌcuan xjuneseb. Incꞌaꞌ nequeꞌxjunaji rib riqꞌuineb li xni̱nkal ru tenamit.

Sofonías 2:15

Joꞌcaꞌin xeꞌxcꞌul li tenamit li kꞌaxal sa saꞌ xchꞌo̱leb nak queꞌcuan ut nequeꞌxcacuubresi ribeb xjuneseb rib. Queꞌxye saꞌ xchꞌo̱leb: —La̱o nim kacuanquil. Ma̱ ani chic cuan xcuanquil chiku la̱o, chanqueb. Ilomak chanru nak xeꞌosoꞌ ut lix naꞌajeb xcana chokꞌ xnaꞌajeb li joskꞌ aj xul. Chixjunileb li teꞌnumekꞌ aran, teꞌxseꞌe ut teꞌrecꞌasi lix jolomeb nak teꞌril cꞌaꞌru queꞌxcꞌul li tenamit aꞌan.

Nahum 1:12

Joꞌcaꞌin quixye li Ka̱cuaꞌ reheb laj Israel: —Usta kꞌaxal nabaleb laj Asiria ut cauheb rib, la̱in tinsach ruheb chi junaj cua. Usta xexinqꞌue chi cꞌuluc nabal raylal saꞌ rukꞌeb aꞌan, abanan anakcuan incꞌaꞌ chic texincanab chi cꞌuluc raylal.

Ezequiel 39:6

La̱in tintakla li xam saꞌ xbe̱neb li cuanqueb Magog ut saꞌ xbe̱neb ajcuiꞌ li cuanqueb chi cꞌojcꞌo xchꞌo̱leb chire li palau. Ut eb aꞌan teꞌxqꞌue retal nak la̱in li Dios.

Ezequiel 30:9

Nak ta̱cuulak xkꞌehil nak tinsach ruheb laj Egipto, la̱in tintaklaheb lin takl saꞌ eb li jucub re xqꞌuebal xxiuheb laj Etiopía li cꞌojcꞌo̱queb xchꞌo̱l. Cha̱lc re li cutan nak xiu xiu cua̱nkeb.

Jeremías 48:11

Li Ka̱cuaꞌ quixye: —Junelic cꞌojcꞌo xchꞌo̱leb laj Moab. Incꞌaꞌ queꞌchapeꞌ ut incꞌaꞌ queꞌcꞌameꞌ saꞌ najtil tenamit. Chanchaneb li vino li tuktu ru li incꞌaꞌ quijaleꞌ xnaꞌaj. Incꞌaꞌ qui-el xsahil chi moco lix bo̱c.

Isaías 32:11

Chi-oc caꞌchꞌinak e̱xiu, ex ixk, li ma̱cꞌaꞌ nequecꞌoxla. Ut sicsotkex. Isihomak li cha̱bil tꞌicr che̱rix ut qꞌuehomak li kꞌes ru tꞌicr che̱rix retalil nak ra e̱chꞌo̱l.

Isaías 32:9

La̱ex ixk aj Jerusalén, li ma̱cꞌaꞌ e̱cꞌaꞌux, cheqꞌuehak retal li oc cue chixyebal. La̱ex li cꞌojcꞌo e̱chꞌo̱l anakcuan cherabihak li cua̱tin.

Salmos 123:4

Cꞌajoꞌ nak nocoeꞌxhob li biomeb ut nocoeꞌxtzꞌekta̱na li nequeꞌxnimobresi ribeb.

Salmos 73:12

Qꞌuehomak retal li incꞌaꞌ useb xnaꞌleb. Cuan nabal li cꞌaꞌru reheb. Ut kꞌaxal cuiꞌchic nabal nequeꞌxtau ut ma̱ ani nachꞌiꞌchꞌiꞌin reheb.

Isaías 42:11

Cheꞌbicha̱nk chixjunileb li cuanqueb saꞌ li chaki chꞌochꞌ joꞌ eb ajcuiꞌ li cuanqueb saꞌ eb li tenamit. Cheꞌsahokꞌ taxak saꞌ xchꞌo̱leb li cuanqueb Cedar. Cheꞌbicha̱nk xban xsahil xchꞌo̱l li cuanqueb Sela. Cheꞌxjapak reheb xban xsahil xchꞌo̱leb saꞌ xbe̱neb li tzu̱l.