Jeremías 49:3 - Li Santil hu

³ Chexya̱bak la̱ex li cuanquex Hesbón xban nak quisacheꞌ ruheb li tenamit Hai. Japomak e̱re la̱ex li cuanquex Rabá. Qꞌuehomak li kꞌes ru tꞌicr che̱rix ut chexya̱bak. Texxic yalak bar chi saꞌ li tzꞌac li sutsu cuiꞌ li tenamit xban nak li yi̱banbil dios Milcom ta̱cꞌamekꞌ chi pre̱xil rochbeneb laj tij ut eb li cuanqueb xcuanquil.

Q'eqchi Bible

³ “Yaab'anqex, ex aj Jesbón, xb'aan naq xsache'k li tenamit Ar. Japomaq eere chi yaab'ak, ex aj Rabá, k'ehomaq li q'es ruhil t'ikr cherix, tz'uyinqex ut ayuqex yalaq b'ar sa' xyanqeb' li tz'ak, xb'aan naq li yos Milkón taak'ame'q chi preexil rochb'eeneb' laj tij jo'wi' eb' li xninqal ru winq.

Jeremías 49:3 ပူးပေါင်းရင်းမြစ်များ

Jeremías 48:7

La̱ex texchapekꞌ ajcuiꞌ xban nak nequecꞌojob e̱chꞌo̱l saꞌ xbe̱n le̱ biomal. Ut laj Quemos le̱ dios ta̱chapekꞌ ut ta̱cꞌamekꞌ chi pre̱xil rochbeneb laj tij joꞌ eb ajcuiꞌ li cuanqueb xcuanquil.

Jeremías 48:37

Chixjunileb queꞌxbes li rismal xjolomeb ut queꞌrisi lix macheb. Chixjunileb queꞌxset li rukꞌeb ut queꞌrocsi li tꞌicr li kꞌes ru retalil li rahil chꞌo̱lej li cuanqueb cuiꞌ.

Isaías 15:2

Eb li cuanqueb saꞌ li tenamit Dibón teꞌxic chi ya̱bac saꞌ li artal li cuan saꞌ xbe̱n bol. Eb li cuanqueb Moab rahak saꞌ xchꞌo̱leb ut teꞌya̱bak chirixeb li tenamit Nebo ut Medeba. Teꞌxbes lix jolomeb ut teꞌxjo lix macheb xban xrahil xchꞌo̱leb.

Jeremías 46:25

Li Ka̱cuaꞌ li nimajcual Dios, lix Dioseb laj Israel, naxye: —La̱in tinqꞌue chixtojbal xma̱c laj Amón lix dioseb laj Tebas. Ut tinqꞌueheb chixtojbal xma̱queb laj faraón ut eb laj Egipto rochbeneb lix dioseb ut eb lix rey. Ut tinqꞌueheb ajcuiꞌ chixtojbal xma̱queb li nequeꞌxcꞌojob xchꞌo̱l riqꞌuin laj faraón.

Jeremías 4:8

Qꞌuehomak kꞌes ru tꞌicr che̱rix ut texya̱bak chi cau xban nak yo̱ xjoskꞌil li Dios saꞌ xbe̱neb laj Judá.

2 Reyes 23:13

Ut quixtakla ajcuiꞌ xpoꞌbal eb li artal li quixyi̱b laj Salomón lix reyeb laj Israel. Eb li artal aꞌan queꞌcuan saꞌ li este re Jerusalén ut saꞌ li sur re li tzu̱l Olivos. Eb li artal aꞌan queꞌyi̱ba̱c re xlokꞌoninquileb li jalanil dios li kꞌaxal yibeb ru. Aꞌaneb lix Astoret lix dioseb laj Sidón, laj Quemos lix dioseb laj Moab ut laj Milcom lix dioseb li ralal xcꞌajol laj Amón.

1 Reyes 11:33

Tinjach ruheb lin tenamit xban nak eb laj Israel quineꞌxtzꞌekta̱na ut queꞌxlokꞌoniheb li jalanil dios, lix Astoret lix dioseb laj Sidón, laj Quemos lix dioseb laj Moab, ut laj Moloc lix dioseb laj Amón. Incꞌaꞌ queꞌxba̱nu li cꞌaꞌru quinye reheb chi moco queꞌcuan saꞌ ti̱quilal chicuu. Incꞌaꞌ queꞌxba̱nu li cꞌaꞌru quinye saꞌ lin contrato ut saꞌ lin chakꞌrab, joꞌ quixba̱nu laj David lix yucuaꞌ laj Salomón.

1 Reyes 11:5

Laj Salomón quixlokꞌoni lix dioseb laj Sidón, lix Astoret xcꞌabaꞌ. Ut quixlokꞌoni ajcuiꞌ laj Milcom lix dioseb laj Amón, ut kꞌaxal yibru queꞌxba̱nu nak queꞌxlokꞌoni aꞌan.

Santiago 5:1

Aꞌut anakcuan, ex biom, cherabihak li oc cue chixyebal. Chiyotꞌekꞌ e̱chꞌo̱l ut chexya̱bak xban li raylal cha̱lc re saꞌ e̱be̱n.

Sofonías 1:5

Tinsacheb ru li nequeꞌtakeꞌ saꞌ xbe̱n li rochocheb ut nequeꞌxlokꞌoni li sakꞌe, ut li po, joꞌqueb ajcuiꞌ li chahim. Nequeꞌxcuikꞌib rib ut nequeꞌxpatzꞌ xcꞌabaꞌ lix dioseb Milcom. Ut nequeꞌxpatzꞌ ajcuiꞌ incꞌabaꞌ la̱in.

Amós 1:15

Li rey ut eb li nequeꞌcꞌanjelac chiru teꞌchapekꞌ ut teꞌcꞌamekꞌ chi pre̱xil, chan.

Jeremías 51:8

Abanan chiru junpa̱t quisacheꞌ ru li tenamit Babilonia. Chexya̱bak chirixeb. Yalomak xbanbal lix tochꞌolal. Ma̱re ta̱qꞌuira̱k.

Jeremías 49:1

Joꞌcaꞌin quixye li Ka̱cuaꞌ li nimajcual Dios chirixeb laj Amón: —¿Ma ma̱cꞌaꞌ ta biꞌ ralal xcꞌajoleb laj Israel? ¿Ma ma̱cꞌaꞌeb ta biꞌ ralal xcꞌajoleb teꞌe̱chani̱nk re lix naꞌajeb? ¿Cꞌaꞌut nak eb laj Amón li nequeꞌlokꞌonin li yi̱banbil dios Milcom queꞌxchap li naꞌajej Gat? ¿Cꞌaꞌut nak xeꞌcana chi cua̱nc saꞌ eb li tenamit aꞌan?

Jeremías 48:20

Teꞌchakꞌok ut teꞌxye, “Li naꞌajej Moab xsacheꞌ ru. Texya̱bak xban nak xuta̱nal xcꞌul. Yehomak resil chire li nimaꞌ Arnón nak xsacheꞌ ru lix naꞌajeb laj Moab.”

Jeremías 48:2

Eb laj Moab incꞌaꞌ chic teꞌqꞌuehekꞌ xlokꞌal. Eb li xicꞌ nequeꞌiloc re li cuanqueb Hesbón nequeꞌxcꞌu̱b ru chanru nak teꞌrisi xcuanquil joꞌ nimla tenamit. Eb li cuanqueb Madmena teꞌsachekꞌ ruheb. Junelic teꞌsiqꞌuekꞌ re xcamsinquileb.

Jeremías 6:26

Li Ka̱cuaꞌ quixye reheb: —Ex intenamit, qꞌuehomak li kꞌes ru tꞌicr che̱rix ut qꞌuehomak li cha che̱rix. Texya̱bak chi cau joꞌ nak naya̱bac junak li xcam ralal li jun ajcuiꞌ chiru. Texya̱bak xban nak ac cha̱lqueb re li ani teꞌsachok e̱re.

Isaías 23:6

La̱ex aj Tiro, texxic aran Tarsis. Chexya̱bak la̱ex li cuanquex chire li palau.

Isaías 23:1

Aꞌan aꞌin resil li cꞌaꞌru teꞌxcꞌul li tenamit Tiro. Chexya̱bak la̱ex li cuanquex saꞌ eb li jucub re Tarsis xban nak quisacheꞌ ru li tenamit Tiro li texxic cuiꞌ. Quilajeꞌtꞌaneꞌ chixjunileb li ochoch. Toj Quitim qui-abi̱c resil.

Isaías 16:7

Eb laj Moab teꞌya̱bak xban li raylal li teꞌxcꞌul. Chixjunileb teꞌya̱bak nak ta̱julticokꞌ reheb lix tzacae̱mkeb yi̱banbil riqꞌuin chaki uvas li xeꞌxcuaꞌ aran Kir-hareset.

Isaías 14:31

Japomak e̱re chi ya̱bac che̱junilex la̱ex aj filisteo. Nabaleb li soldado xeꞌchal saꞌ li norte chi pletic e̱riqꞌuin. Chanchan li sib. Ut ma̱ jun reheb ta̱e̱lk saꞌ xya̱nkeb lix comon.

Isaías 13:6

Japomak e̱re chi ya̱bac xban li raylal li te̱cꞌul xban nak cuulac re xkꞌehil nak li Ka̱cuaꞌ Dios tixsach e̱ru.

Josué 8:28

Laj Josué ut eb lix soldados queꞌxcꞌat li tenamit Hai. Queꞌxpoꞌi chi junaj cua toj chalen anakcuan.

Josué 7:2

Mokon chic laj Josué quixtakla cuib oxibeb li cui̱nk saꞌ li tenamit Hai, li cuan nachꞌ riqꞌuin li naꞌajej Bet-avén li cuan saꞌ li este riqꞌuin li tenamit Bet-el. Quixye reheb li cui̱nk: —Ayukex ut qꞌuehomak chak retal li tenamit Hai.— Ut eb aꞌan queꞌco̱eb ut queꞌxqꞌue retal li tenamit.

Josué 8:1

Tojoꞌnak li Ka̱cuaꞌ Dios quixye re laj Josué: —Matxucuac chi moco chichꞌina̱nk a̱chꞌo̱l. Cꞌameb chixjunileb la̱ soldado ut ayukex chire̱chaninquil li tenamit Hai. La̱in tintenkꞌa̱nk e̱re chi numta̱c saꞌ xbe̱n lix reyeb ut saꞌ xbe̱neb li tenamit. Li tenamit ut chixjunil li naꞌajej aꞌan e̱rehak chic.

2 Samuel 11:1

Saꞌ li chihab jun chic saꞌ li sakꞌehil nak eb li rey nequeꞌxic chi pletic, laj David quixtaklaheb chi pletic laj Joab rochbeneb li nequeꞌtaklan saꞌ xbe̱neb li soldados joꞌqueb ajcuiꞌ chixjunileb li soldados aj Israel. Queꞌxsach ruheb li ralal xcꞌajol laj Amón. Ut queꞌxsut rix li tenamit Rabá. Abanan laj David quicana aran Jerusalén.

Esdras 2:28

Li ralal xcꞌajol laj Bet-el ut laj Hai, aꞌan cuib ciento riqꞌuin oxib xcaꞌcꞌa̱l (223).