Jeremías 49:23 - Li Santil hu

²³ Joꞌcaꞌin quixye li Ka̱cuaꞌ chirixeb laj Damasco: —Queꞌsach xchꞌo̱leb li cuanqueb aran Hamat ut eb li cuanqueb Arfad xban nak queꞌrabi resil li raylal li ta̱cha̱lk. Incꞌaꞌ chic cꞌojcꞌo xchꞌo̱leb. Chanchaneb li palau li yo̱ chi ecꞌa̱nc ru.

Q'eqchi Bible

²³ Jo'ka'in kixye li Qaawa' chirixeb' laj Damaask: “Yo xk'a'uxeb' laj Jamat ut eb' laj Arpad, xb'aan naq xe'rab'i resil li rahilal chalk re; nachiq'chotk li xch'ooleb' jo' li palaw naheetank ru, ut ink'a' chik wankeb' sa' tuqtuukilal.

Jeremías 49:23 ပူးပေါင်းရင်းမြစ်များ

Isaías 10:9

¿Ma incꞌaꞌ ta biꞌ juntakꞌe̱teb li tenamit Calno ut Carquemis? ¿Ma incꞌaꞌ ta biꞌ juntakꞌe̱teb li tenamit Hamat ut Arfad? Ut, ¿ma incꞌaꞌ ta biꞌ juntakꞌe̱teb Samaria ut Damasco?

2 Reyes 18:34

¿Bar cuan lix dioseb li tenamit Hamat ut Arfad? ¿Bar cuan lix dioseb li tenamit Sefarvaim ut Hena ut Iva? ¿Ma queꞌxcol ta biꞌ li tenamit Samaria saꞌ cuukꞌ la̱in?

Isaías 57:20

Abanan eb li incꞌaꞌ useb xnaꞌleb incꞌaꞌ teꞌcua̱nk chi tuktu xchꞌo̱leb. Chanchanakeb li palau li yo̱ chi ecꞌa̱nc ru. Nasasoꞌ ru ut incꞌaꞌ natukla ru.

Génesis 14:15

Chiru kꞌojyi̱n laj Abram queꞌco̱eb chi ma̱cꞌaꞌ resileb chixcolbal laj Lot. Ma̱cꞌaꞌ saꞌ xchꞌo̱leb li queꞌelkꞌan re laj Lot nak queꞌcuulac laj Abram. Nak queꞌril, xaka̱mileb laj Abram chiruheb. Queꞌxtiquib pletic ut li queꞌcꞌamoc re laj Lot ticto queꞌe̱lelic. Laj Abram quira̱linaheb toj saꞌ li tenamit Hoba. Li tenamit aꞌan cuan jun pacꞌal li tenamit Damasco.

Nahum 2:10

Ma̱cꞌaꞌ chic cuan saꞌ li tenamit. Xeꞌosoꞌ. Xeꞌcana chi ma̱cꞌaꞌ chic cuan reheb. Sachso̱queb xchꞌo̱leb li cristian ut ma̱cꞌaꞌ chic nequeꞌxyoꞌoni. Nequeꞌsicsot xban xxiuheb ut sakquirineb aj chic.

2 Reyes 19:13

¿Ma cuanqueb ta biꞌ xcuanquil lix reyeb laj Hamat, lix reyeb laj Arfad, lix reyeb laj Sefarvaim, Hena ut Iva?” chan laj Senaquerib.

Números 13:21

Eb li cui̱nk li queꞌco̱eb chixqꞌuebal retal li naꞌajej queꞌxtiquib chak xqꞌuebal retal saꞌ li chaki chꞌochꞌ Zin. Ut queꞌcuulac toj saꞌ li tenamit Rehob, li cuan nachꞌ riqꞌuin Hamat.

Génesis 15:2

Laj Abram quixye re: —At Ka̱cuaꞌ Dios, ¿cꞌaꞌru aj e nak nabal lin ra̱bal ta̱qꞌue? La̱at nacanau nak ma̱ jun cualal incꞌajol cuan. Ut li ani ta̱e̱chani̱nk re li cꞌaꞌru cuan cue, aꞌan li xbe̱n inmo̱s laj Eliezer li chalenak chak saꞌ li tenamit Damasco, chan.

2 Corintios 11:32

Laj Aretas, aꞌan li acuabej saꞌ li tenamit Damasco. Nak cuanquin aran, jun li cui̱nk li nacꞌanjelac chiru laj Aretas, quixtakla xcꞌacꞌalenquil li oqueba̱l saꞌ li tenamit xban nak quiraj inchapbal.

Hechos 27:20

Chiru nabal cutan incꞌaꞌ qui-iloc li sakꞌe chi moco li chahim chiru kꞌojyi̱n. Kꞌaxal cau li ca̱k-sut-ikꞌ ut xiu xiu cuanco. Incꞌaꞌ chic nakayoꞌoni nak tocolekꞌ ta.

Hechos 9:2

Ut quixtzꞌa̱ma lix hu chiru re tixkꞌaxtesi saꞌ eb li cab li nequeꞌxchꞌutub cuiꞌ ribeb laj judío aran Damasco re ta̱ru̱k tixchapeb laj pa̱banel li tixtau aran, joꞌ cui̱nk joꞌ ixk. Tixchapeb ut tixcꞌameb chi pre̱xil Jerusalén.

Amós 6:2

Ayukex aran Calne ut ilomak chak li tenamit aꞌan. Tex-e̱lk aran ut texxic saꞌ li nimla tenamit Hamat, tojoꞌnak texxic saꞌ lix tenamiteb laj filisteo, Gat xcꞌabaꞌ. Ilomak chak li tenamit aꞌan. ¿Ma kꞌaxal nim ta biꞌ xcuanquileb li tenamit aꞌan chiru le̱ cuanquil la̱ex? ¿Ma kꞌaxal cha̱bil ta biꞌ lix tenamiteb aꞌan chiru le̱ re la̱ex?

Isaías 37:13

¿Ma cuan ta biꞌ xcuanquil lix reyeb laj Hamat, lix reyeb laj Arfad, lix reyeb laj Sefarvaim, Hena ut Iva?” chan laj Senaquerib.

Isaías 13:7

Ta̱chꞌina̱nk xchꞌo̱leb chixjunileb li cristian ut ma̱cꞌaꞌak chic xmetzꞌe̱uheb.

Isaías 11:11

Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

2 Crónicas 16:2

Joꞌcan nak li rey Asa quixchap li oro ut li plata li xocxo saꞌ lix templo li Ka̱cuaꞌ. Quixcꞌam ajcuiꞌ li xocxo saꞌ li palacio ut quixtakla riqꞌuin laj Ben-adad lix reyeb laj Siria, li cuan Damasco.

2 Reyes 17:24

Lix reyeb laj Asiria quixcꞌameb laj Babilonia aran Israel. Quixcꞌameb laj Cuta, eb laj Ava ut eb laj Hamat, joꞌ eb ajcuiꞌ laj Sefarvaim. Quixqꞌueheb chi cua̱nc saꞌ eb li tenamit li cuanqueb saꞌ xcue̱nt Samaria saꞌ lix naꞌajeb laj Israel.

1 Reyes 11:24

Laj Rezón, aꞌan li nacꞌamoc be chiruheb jun chꞌu̱tal li cui̱nk incꞌaꞌ useb xnaꞌleb. (Aꞌin quicꞌulman junxil nak laj David ac xsach ruheb li tenamit Soba.) Laj Rezón ut eb li rochben queꞌco̱eb chi cua̱nc aran Damasco. Ut laj Rezón qui-oc chokꞌ xreyeb laj Damasco, li cuan saꞌ xcue̱nt Siria.

2 Samuel 17:10

Usta eb la̱ soldados cauheb rib joꞌ xcacuil rib li cakcoj, teꞌxucuak xban nak chixjunileb laj Israel nequeꞌxnau nak la̱ yucuaꞌ kꞌaxal cau rib chi pletic. Ut eb li cuanqueb rochben cauheb ajcuiꞌ rib chi pletic.

2 Samuel 8:9

Ut laj Toi, lix reyeb li cuanqueb saꞌ li tenamit Hamat, quirabi resil nak laj David quinumta saꞌ xbe̱neb chixjunileb lix soldados laj Hadad-ezer.

Josué 14:8

Eb li queꞌcuulac chicuix queꞌxqꞌue xxiuheb li tenamit riqꞌuin li cꞌaꞌru queꞌxye chirix li naꞌajej aꞌan. Abanan la̱in quinba̱nu joꞌ li quixye li Ka̱cuaꞌ lin Dios.

Josué 2:11

Cꞌajoꞌ nak coxucuac nak xkanau nak ma̱ ani naru napletic e̱riqꞌuin la̱ex xban nak li Ka̱cuaꞌ le̱ Dios cuan xcuanquil saꞌ choxa ut cuan ajcuiꞌ xcuanquil saꞌ ruchichꞌochꞌ.

Deuteronomio 20:8

Ut eb li nequeꞌtaklan teꞌxye ajcuiꞌ, “¿Ma cuan junak xchꞌinan xchꞌo̱l ut ta̱xucuak? Cui cuan, chisukꞌi̱k saꞌ rochoch re nak eb li ras ri̱tzꞌin incꞌaꞌ teꞌchꞌina̱nk xchꞌo̱leb xban.”

Éxodo 15:15

Ma̱ caꞌchꞌin nak teꞌxucuak eb li nequeꞌtaklan saꞌ xbe̱neb laj Edom. Sicsotkeb xbaneb xxiu li cuanqueb xcuanquil saꞌ xya̱nkeb laj Moab. Teꞌsachk xchꞌo̱l chixjunileb laj cananeo.

2 Reyes 5:12

¿Ma ma̱cꞌaꞌ ta biꞌ nimaꞌ aran Damasco? Cuanqueb li nimaꞌ Abana ut Farfar. Eb li nimaꞌ aꞌan kꞌaxal us chiru li nimaꞌ arin Israel. La̱in xin-atin raj saꞌ li nimaꞌ aꞌan ut quinqꞌuira raj, chan. Ut cꞌajoꞌ xjoskꞌil nak co̱.

Isaías 7:8

Eb laj Siria cauheb xchꞌo̱l riqꞌuin li tenamit Damasco xban nak aꞌan lix nimal ru tenamit li cuan aran Siria. Ut laj Rezín, aꞌan lix reyeb laj Damasco. Chiru o̱b xca̱cꞌa̱l (65) chihab eb laj Efraín yo̱keb chi sachc xcuanquileb toj retal nak teꞌcana̱k chi ma̱cꞌaꞌ chic tenamit.

Isaías 36:19

¿Bar cuan lix dioseb li tenamit Hamat ut Arfad? ¿Bar cuan lix dioseb li tenamit Sefarvaim? ¿Ma queꞌxcol ta biꞌ li tenamit Samaria saꞌ cuukꞌ la̱in?

Jeremías 39:5

Abanan eb lix soldado laj Babilonia queꞌxta̱keheb toj retal coxeꞌxtauheb saꞌ li ru takꞌa li cuan nachꞌ riqꞌuin li tenamit Jericó. Queꞌxchap laj Sedequías ut queꞌxcꞌam riqꞌuin laj Nabucodonosor lix reyeb laj Babilonia saꞌ li tenamit Ribla saꞌ li naꞌajej Hamat. Ut aran queꞌxrak a̱tin saꞌ xbe̱n.

Ezequiel 27:18

Eb laj Damasco queꞌyacoc e̱riqꞌuin xban nak cuan nabal cꞌaꞌru e̱re ut biomex. Queꞌxjal li cꞌaꞌru e̱re riqꞌuin li vino li nachal chak Helbón ut li saki lana li nachal chak Zahar.