Jeremías 49:17 - Li Santil hu

¹⁷ Xucuajel chic rilbaleb laj Edom teꞌcana̱k. Chixjunileb li teꞌnumekꞌ aran teꞌsach xchꞌo̱leb ut teꞌxhob xban li cꞌaꞌru teꞌxcꞌul.

Q'eqchi Bible

¹⁷ “Xiwajelaq chik rilb'al Edom. Jo'k'ihaleb' li te'nume'q aran, te'sachq xch'ool chi rilb'al ut te'xse'e chixjunil li rahilal xk'ulum.

Jeremías 49:17 ပူးပေါင်းရင်းမြစ်များ

Ezequiel 35:7

La̱in tinsukꞌisi li tzu̱l Seir chokꞌ chaki chꞌochꞌ. Ma̱cꞌaꞌ chic ta̱e̱lk aran. La̱in tinsach ruheb li nequeꞌoc ut nequeꞌel aran.

Jeremías 50:13

Xban nak yo̱ injoskꞌil saꞌ xbe̱neb ma̱ ani ta̱cana̱k Babilonia. Ta̱canaba̱k chi juqꞌuinbil chixjunil ut chixjunileb li teꞌnumekꞌ aran teꞌsach xchꞌo̱leb chirilbal ut teꞌxhob xban li raylal xcꞌul.

Jeremías 49:13

Saꞌ incꞌabaꞌ la̱in xinba̱nu jun li juramento ut xinye nak li tenamit Bosra ta̱sachekꞌ ru ut xucuajel chic rilbal ta̱cana̱k. Tzꞌekta̱nanbilak ut majecuanbilak. Chixjunileb li tenamit li cuanqueb chi xjun sutam teꞌsachekꞌ ruheb chi junaj cua, chan li Dios.

Jeremías 51:37

Juqꞌuinbilak lix tenamiteb ut tu̱btu̱k aj chic. Ta̱cana̱k chokꞌ xnaꞌaj laj xoj. Incꞌaꞌ ta̱cua̱nk cristian aran. Hobilak ut xucuajelak rilbal.

Jeremías 18:16

Joꞌcan nak lix naꞌajeb ta̱cana̱k joꞌ chaki chꞌochꞌ. Junelic ta̱hobekꞌ. Chixjunileb li tenamit li teꞌnumekꞌ aran teꞌxsach xchꞌo̱leb chirilbal ut teꞌrecꞌasi lix jolomeb.

1 Reyes 9:8

Li ani teꞌnumekꞌ aran teꞌsachk xchꞌo̱leb ut teꞌxseꞌe li templo li qꞌuebil xlokꞌal ut teꞌxye, “¿Cꞌaꞌut nak li Ka̱cuaꞌ xba̱nu chi joꞌcaꞌin re li tenamit aꞌin ut re li templo aꞌin?” chaꞌkeb.

Sofonías 2:15

Joꞌcaꞌin xeꞌxcꞌul li tenamit li kꞌaxal sa saꞌ xchꞌo̱leb nak queꞌcuan ut nequeꞌxcacuubresi ribeb xjuneseb rib. Queꞌxye saꞌ xchꞌo̱leb: —La̱o nim kacuanquil. Ma̱ ani chic cuan xcuanquil chiku la̱o, chanqueb. Ilomak chanru nak xeꞌosoꞌ ut lix naꞌajeb xcana chokꞌ xnaꞌajeb li joskꞌ aj xul. Chixjunileb li teꞌnumekꞌ aran, teꞌxseꞌe ut teꞌrecꞌasi lix jolomeb nak teꞌril cꞌaꞌru queꞌxcꞌul li tenamit aꞌan.

Miqueas 6:16

La̱ex xeba̱nu li cꞌaꞌru quixye lix chakꞌrab li rey Omri ut xeba̱nu ajcuiꞌ joꞌ quixba̱nu li rey Acab. Xetzol e̱rib chixba̱nunquil li incꞌaꞌ us li queꞌraj eb aꞌan. Xban li ma̱usilal nequeba̱nu, la̱in texincanab chi sachecꞌ. Texhobekꞌ la̱ex li cuanquex saꞌ li tenamit Jerusalén ut te̱cꞌul li raylal xban nak xine̱tzꞌekta̱na, chan li Ka̱cuaꞌ.

Ezequiel 35:15

La̱ex quisahoꞌ saꞌ e̱chꞌo̱l nak li naꞌajej Israel xcana chi ma̱cꞌaꞌ chic cuan chi saꞌ. Joꞌcan nak tincanab li tzu̱l Seir chi ma̱cꞌaꞌ chic cuan chi saꞌ, joꞌ ajcuiꞌ chixjunil li naꞌajej Edom. Ut riqꞌuin aꞌan teꞌxqꞌue retal nak la̱in li Ka̱cuaꞌ.

Ezequiel 25:13

Anakcuan la̱in ninye nak tinqꞌueheb laj Edom chixtojbaleb lix ma̱queb. La̱in tincamsiheb chixjunileb li cristian joꞌ eb ajcuiꞌ li xul. Ma̱cꞌaꞌ chic ta̱cua̱nk aran naticla cuan cuiꞌ li tenamit Temán ut ta̱cuulak toj saꞌ li tenamit Dedán. Li naꞌajej ta̱cana̱k chi ma̱cꞌaꞌ chic cuan chi saꞌ.

Deuteronomio 29:22

Eb le̱ ralal e̱cꞌajol li teꞌcua̱nk mokon ut eb li jalan xtenamiteb li teꞌcha̱lk chi najt teꞌril li raylal li te̱cꞌul nak li Ka̱cuaꞌ tixsach ru le̱ naꞌaj.

Ezequiel 27:36

Eb laj yaconel li cua̱nkeb saꞌ li xni̱nkal ru tenamit teꞌsachk xchꞌo̱l ut teꞌxucuak chirilbal li cꞌaꞌru xeꞌxcꞌul. Ta̱sachekꞌ e̱ru ut incꞌaꞌ chic texcua̱nk.—

Ezequiel 35:3

Ye reheb: Joꞌcaꞌin xye li Ka̱cuaꞌ li nimajcual Dios. La̱in yo̱ injoskꞌil saꞌ e̱be̱n. La̱in tinrakok a̱tin saꞌ e̱be̱n ut tinsukꞌisi chaki chꞌochꞌ le̱ naꞌaj. Ma̱cꞌaꞌ chic cua̱nk chi saꞌ.