Jeremías 49:15 - Li Santil hu

¹⁵ Li Dios quixye: —Anakcuan la̱in tincuisi lix cuanquileb saꞌ xya̱nkeb li xni̱nkal ru tenamit ut tzꞌekta̱nanbilakeb chic.

Q'eqchi Bible

¹⁵ Relik chi yaal naq jwal kach'inaqat chiruheb' li tenamit ut tz'eqtaananb'ilaqat xb'aaneb' li poyanam.

Jeremías 49:15 ပူးပေါင်းရင်းမြစ်များ

San Lucas 1:51

Sachba chꞌo̱lej li quixba̱nu riqꞌuin xnimal xcuanquil. Quixpoꞌ ru li yo̱queb chixcꞌoxlanquil xba̱nunquil li kꞌetkꞌeteb, li nequeꞌrecꞌa saꞌ xchꞌo̱leb nak ni̱nkeb xcuanquil.

Miqueas 7:10

Ut eb li xicꞌ nequeꞌiloc ke teꞌril nak li Dios cuan kiqꞌuin. Teꞌcꞌutekꞌ xxuta̱n li ani queꞌyehoc ke: ¿Bar cuan li Ka̱cuaꞌ le̱ Dios? La̱o takil nak teꞌsachekꞌ li xicꞌ nequeꞌiloc ke. Takil nak teꞌyekꞌi̱k joꞌ nayekꞌi̱c li sulul saꞌ be.

Abdías 1:2

Li Ka̱cuaꞌ Dios quixye reheb laj Edom li ralal xcꞌajol laj Esaú: —La̱in tincuisi le̱ cuanquil chiruheb li jalan tenamit. Ut tzꞌekta̱nanbilakex chic xbaneb.

Salmos 53:5

Saꞌ jun cutan teꞌxucuak lix tenamit li Dios, usta incꞌaꞌ raj tento nak teꞌxucuak xban nak li Dios tixsacheb ru li xicꞌ nequeꞌiloc reheb. Teꞌcꞌutekꞌ xxuta̱n nak teꞌtzꞌekta̱na̱k xban li Dios.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

Jeremías 49:14

Laj Jeremías quixye: —Li Ka̱cuaꞌ quia̱tinac cuiqꞌuin. Quixtaklaheb lix takl chixyebal reheb li xni̱nkal ru tenamit nak teꞌxchꞌutubeb lix soldado ut teꞌxcauresi ribeb chi pletic riqꞌuineb laj Edom.

Jeremías 49:16

Xeꞌxbalakꞌi ribeb nak xeꞌxqꞌue xxiuheb li tenamit. Xeꞌxbalakꞌi ribeb nak xeꞌxnimobresi ribeb. Eb aꞌan xeꞌxyi̱b lix naꞌajeb saꞌ xya̱nkeb li sako̱nac saꞌ eb li ni̱nki tzu̱l joꞌ naxba̱nu li tꞌiu. Abanan usta najt xteram teꞌxyi̱b chak lix naꞌajeb, la̱in tebincubsi chak toj aran.