Jeremías 48:8 - Li Santil hu

⁸ Eb li teꞌsachok e̱ru teꞌcha̱lk saꞌ li junju̱nk chi tenamit. Ut ma̱ jun e̱re teꞌru̱k chi e̱lelic. Ta̱poꞌekꞌ ru li ru takꞌa ut ta̱sachekꞌ ru li chꞌochꞌ li ti̱c ru xban nak joꞌcan quixye li Ka̱cuaꞌ.

Q'eqchi Bible

⁸ Taachalq laj sachonel sa' xb'een li junjunq chi tenamit ut maajun taakole'q sa' ruq'. Li ru taq'a taasachmanq ru ut eb' li roq taq'a nakirirnak taakanaaq -chan li Qaawa'-.

Jeremías 48:8 ပူးပေါင်းရင်းမြစ်များ

Jeremías 6:26

Li Ka̱cuaꞌ quixye reheb: —Ex intenamit, qꞌuehomak li kꞌes ru tꞌicr che̱rix ut qꞌuehomak li cha che̱rix. Texya̱bak chi cau joꞌ nak naya̱bac junak li xcam ralal li jun ajcuiꞌ chiru. Texya̱bak xban nak ac cha̱lqueb re li ani teꞌsachok e̱re.

Ezequiel 25:9

Joꞌcan nak la̱in tincanabeb li tenamit li cuanqueb saꞌ li nuba̱l re li tenamit Moab saꞌ rukꞌeb li xicꞌ nequeꞌiloc reheb. Teꞌpletik riqꞌuineb li tenamit li nequeꞌxqꞌue xlokꞌal eb laj Moab. Aꞌaneb li tenamit Bet-jesimot, Baal-meón ut Quiriataim.

Jeremías 51:56

Teꞌcha̱lk chixsachbal li tenamit Babilonia. Eb lix soldado laj Babilonia teꞌchapekꞌ ut teꞌtokekꞌ lix tzimaj. La̱in li Ka̱cuaꞌ tinqꞌueheb laj Babilonia chixtojbal xma̱queb joꞌ xcꞌulubeb xcꞌulbal.

Jeremías 48:18

La̱ex li cuanquex saꞌ li tenamit Dibón, cubsihomak e̱rib ut chunlankex saꞌ li poks xban nak cha̱lc re laj sachonel, li yo̱ chak chi pletic riqꞌuineb laj Moab ut yo̱ chixjuqꞌuinquil li cab li nequeꞌxcol cuiꞌ ribeb.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Jeremías 15:8

Nabaleb li xma̱lcaꞌan xeꞌcana̱c saꞌ li tenamit. Xeꞌxkꞌax xqꞌuial li samaib chire li palau. Xinqꞌueheb chi camsi̱c eb li sa̱j cui̱nk ut kꞌaxal ra saꞌ xchꞌo̱leb li naꞌbej. Chi ma̱cꞌaꞌ saꞌ xchꞌo̱leb xchal li raylal aꞌin saꞌ xbe̱n lix tenamiteb.

Josué 13:21

Queꞌxcꞌul ajcuiꞌ chixjunileb li tenamit li cuanqueb saꞌ li ru takꞌa ut li naꞌajej li queꞌcuan rubel xcuanquil li rey Sehón, lix reyeb laj amorreo li quicuan chokꞌ rey aran Hesbón. Laj Moisés queꞌnumta saꞌ xbe̱neb laj Sehón ut eb li queꞌtenkꞌan re laj Sehón chi takla̱nc saꞌ li naꞌajej Madián. Aꞌaneb laj Evi, laj Requem, laj Zur, laj Hur, ut laj Reba.

Josué 13:17

Queꞌxcꞌul ajcuiꞌ li naꞌajej Hesbón ut chixjunil li tenamit li cuanqueb saꞌ li ru takꞌa xcue̱nt Hesbón. Aꞌaneb aꞌin li cocꞌ tenamit: Dibón, Bamot-baal, Bet-baal-meón,

Josué 13:9

Li chꞌochꞌ li queꞌxcꞌul eb aꞌan naticla chak saꞌ li tenamit Aroer li cuan chire li nimaꞌ Arnón joꞌ ajcuiꞌ li tenamit li cuan saꞌ li ru takꞌa ut chixjunil li ru takꞌa Medeba. Nacuulac toj saꞌ li tenamit Dibón.