Jeremías 48:45 - Li Santil hu

⁴⁵ Cuanqueb li teꞌxic chixcolbal ribeb aran Hesbón. Abanan ma̱cꞌaꞌ naru teꞌxba̱nu. Quicꞌateꞌ li tenamit Hesbón, lix tenamit li rey Sehón. Quicꞌateꞌ li tzu̱l ut eb lix nuba̱l li tenamit aꞌin li incꞌaꞌ nequeꞌcuan saꞌ xya̱lal.

Q'eqchi Bible

⁴⁵ “Eb' laj eelel te'xik chi tawajenaqeb' chi xkolb'al rib' sa' xmu Jesbón; ab'an x'elk chaq jun xam aran Jesbón, sa' rochoch laj Sijón, li awab'ej, ut xk'ateb' li xtzuulul Mohab, a'an jun tenamit q'etq'et ut aj po'ol ch'oolej.

Jeremías 48:45 ပူးပေါင်းရင်းမြစ်များ

Números 24:17

La̱in quicuil saꞌ visión li cꞌaꞌru ta̱cꞌulma̱nk saꞌ xya̱nkeb laj Israel saꞌ eb li cutan teꞌcha̱lk. Ta̱cua̱nk jun li rey saꞌ xya̱nkeb li ralal xcꞌajol laj Jacob. Chanchanak jun li chahim. Ta̱numta̱k saꞌ xbe̱neb li ralal xcꞌajol laj Moab ut tixsach ruheb li ralal xcꞌajol laj Set.

Números 21:28

Quiloch li xam aran Hesbón saꞌ lix tenamit li rey Sehón. Quicꞌateꞌ li naꞌajej Ar li cuan saꞌ xcue̱nt Moab. Queꞌsacheꞌ ruheb li cuanqueb saꞌ li ni̱nki tzu̱l li cuan cuiꞌ li nimaꞌ Arnón.

San Mateo 21:42

Li Jesús quixpatzꞌ reheb: —¿Ma incꞌaꞌ xeril saꞌ li Santil Hu li naxye chi joꞌcaꞌin? Li pec li queꞌxtzꞌekta̱na laj cablanel, aꞌan li kꞌaxal lokꞌ, li quiqꞌueman chokꞌ xxuc li cab. Li Ka̱cuaꞌ, aꞌan quixqꞌue xlokꞌal li pec. Ut aꞌan xsachba chꞌo̱lej chokꞌ ke la̱o. (Sal. 118:22-23)

Zacarías 10:4

Saꞌ xya̱nkeb li tenamit Judá ta̱e̱lk chak jun li kꞌaxal nim xcuanquil, joꞌ li pec li naqꞌueheꞌ saꞌ xxuc li cab. Aꞌan chanchan li cheꞌ li nacu̱tun re junak li muheba̱l. Ut chanchan ajcuiꞌ li tzimaj re pletic. Ut aꞌan li ta̱takla̱nk saꞌ xbe̱n chixjunil li ruchichꞌochꞌ.

Amós 2:2

Tinqꞌue xxamlel li tenamit Moab, ut tincꞌat ajcuiꞌ eb lix palacio aran Queriot. Ta̱ecꞌa̱nk li trompeta ut japjo̱keb re nak yo̱k li ple̱t ut talajeꞌcamsi̱k chixjunileb.

Números 21:26

Hesbón, aꞌan lix tenamit laj Sehón lix reyeb laj amorreo. Aꞌaneb li queꞌpletic riqꞌuineb laj Moab junxil ut queꞌre̱chani lix naꞌaj nacuulac cuan cuiꞌ li nimaꞌ Arnón.

Números 21:21

Laj Israel queꞌxtaklaheb lix takl riqꞌuin laj Sehón lix reyeb laj amorreo ut queꞌxye re:

Números 21:29

Raylal xchal saꞌ e̱be̱n la̱ex aj Moab. Xsacheꞌ e̱ru la̱ex lix tenamit li yi̱banbil dios Quemos. Quichapeꞌ le̱ tenamit. Eb le̱ ralal queꞌe̱lelic ut eb le̱ rabin queꞌcꞌameꞌ chi pre̱xil xban laj Sehón lix reyeb laj amorreo.

Salmos 78:63

Queꞌcamsi̱c li sa̱j cui̱nk saꞌ li ple̱t ut eb li tukꞌ ixk queꞌcana chi ma̱ ani chic teꞌsumla̱k cuiꞌ.

Salmos 135:11

Quixqꞌue chi camsi̱c laj Sehón lix reyeb laj amorreo. Quixqꞌue chi camsi̱c laj Og lix reyeb laj Basán. Ut quixqꞌueheb ajcuiꞌ chi camsi̱c chixjunileb li rey li queꞌcuan Canaán.

Jeremías 2:16

Eb laj Menfis ut eb laj Tafnes queꞌnumta saꞌ e̱be̱n ut queꞌrisi le̱ cuanquil.

Jeremías 48:2

Eb laj Moab incꞌaꞌ chic teꞌqꞌuehekꞌ xlokꞌal. Eb li xicꞌ nequeꞌiloc re li cuanqueb Hesbón nequeꞌxcꞌu̱b ru chanru nak teꞌrisi xcuanquil joꞌ nimla tenamit. Eb li cuanqueb Madmena teꞌsachekꞌ ruheb. Junelic teꞌsiqꞌuekꞌ re xcamsinquileb.