Jeremías 48:42 - Li Santil hu

⁴² Li nimla tenamit Moab ta̱sachekꞌ ru xban nak queꞌxkꞌetkꞌeti ribeb chiru li Ka̱cuaꞌ.

Q'eqchi Bible

⁴² Taajuk'manq xwankil Mohab ut moko tenamit ta chik tkanaaq, xb'aan naq xq'etq'eti rib' chiwu laa'in li Qaawa'.

Jeremías 48:42 ပူးပေါင်းရင်းမြစ်များ

Jeremías 48:2

Eb laj Moab incꞌaꞌ chic teꞌqꞌuehekꞌ xlokꞌal. Eb li xicꞌ nequeꞌiloc re li cuanqueb Hesbón nequeꞌxcꞌu̱b ru chanru nak teꞌrisi xcuanquil joꞌ nimla tenamit. Eb li cuanqueb Madmena teꞌsachekꞌ ruheb. Junelic teꞌsiqꞌuekꞌ re xcamsinquileb.

Isaías 37:23

¿Ani li xahob ut ani li xamajecua? ¿Ani li xataksi a̱cua̱tin saꞌ xbe̱n ut xakꞌetkꞌeti a̱cuib chiru? Aꞌan la̱in li Ka̱cuaꞌ lix Santil Dioseb laj Israel.

Isaías 7:8

Eb laj Siria cauheb xchꞌo̱l riqꞌuin li tenamit Damasco xban nak aꞌan lix nimal ru tenamit li cuan aran Siria. Ut laj Rezín, aꞌan lix reyeb laj Damasco. Chiru o̱b xca̱cꞌa̱l (65) chihab eb laj Efraín yo̱keb chi sachc xcuanquileb toj retal nak teꞌcana̱k chi ma̱cꞌaꞌ chic tenamit.

Apocalipsis 13:6

Ut li joskꞌ aj xul quixmajecua li Dios ut quixmajecua ajcuiꞌ lix santil naꞌaj. Ut quixmajecua li cuanqueb saꞌ choxa.

2 Ts 2:4

Aꞌan tixqꞌue xcuanquil xjunes rib ut xicꞌ ta̱ril yalak cꞌaꞌ chi diosil ut li cꞌaꞌak re ru nalokꞌoniman saꞌ ruchichꞌochꞌ. Tixnimobresi rib saꞌ xbe̱n chixjunil toj retal nak ta̱cꞌojla̱k saꞌ rochoch li Dios ut aꞌan chic tixqꞌue rib chokꞌ dios.

San Mateo 7:2

Xban nak chanru nak nequextzꞌiloc a̱tin, joꞌcan ajcuiꞌ ta̱uxk e̱re la̱ex. Ut riqꞌuin li bisleb li nequexbisoc cuiꞌ, riqꞌuin ajcuiꞌ aꞌan texbisekꞌ la̱ex.

Daniel 11:36

Li rey li cuan saꞌ li norte tixba̱nu li cꞌaꞌru ta̱raj. Tixnimobresi rib ut tixye nak aꞌan kꞌaxal nim xcuanquil chiru yalak cꞌaꞌru chi diosil. Ut tixye ajcuiꞌ nak aꞌan kꞌaxal nim xcuanquil chiru li tzꞌakal Dios. Ut chixjunil us ta̱e̱lk chiru toj ta̱cuulak xkꞌehil nak li Dios tixqꞌue chixtojbal rix lix ma̱c xban nak ac chꞌolchꞌo nak joꞌcan ta̱cꞌulma̱nk.

Jeremías 30:11

La̱in cua̱nkin e̱riqꞌuin ut la̱in tincolok e̱re. Usta tinsacheb ru chi junaj cua li tenamit li xexinjeqꞌui cuiꞌ, abanan la̱in incꞌaꞌ tinsach e̱ru chi junaj cua. La̱in tinkꞌusuk e̱re, abanan tinba̱nu saꞌ ti̱quilal. Incꞌaꞌ texincanab chi incꞌaꞌ te̱toj rix le̱ ma̱c.

Proverbios 16:18

Li ani naxkꞌetkꞌeti rib ta̱osokꞌ. Ut li ani naxnimobresi rib ta̱cubsi̱k xcuanquil.

Isaías 16:14

Abanan anakcuan li Ka̱cuaꞌ xye: —Eb laj Moab oxib chihab aj chic teꞌcua̱nk. Bisbil aj chic lix cutaneb joꞌ nak nabiseꞌ rix lix cutan junak li mo̱s. Ta̱isi̱k xcuanquileb laj Moab. Usta kꞌaxal nabaleb, abanan moco nabaleb ta chic li teꞌcolekꞌ ut moco cauhak ta chic ribeb.—

Ezequiel 35:13

Xekꞌetkꞌeti e̱rib chicuu nak xeye li incꞌaꞌ us chicuix. Nabal xex-a̱tinac. Ut la̱in xcuabi li cꞌaꞌru xeye nak xine̱hob.