Jeremías 48:41 - Li Santil hu

⁴¹ Eb li tenamit teꞌchapekꞌ joꞌ eb ajcuiꞌ li cab li nequeꞌxcol cuiꞌ ribeb. Saꞌ eb li cutan aꞌan eb li soldado aj Moab sicsotkeb. Chanchanakeb jun li ixk li yo̱ chi cꞌuluc raylal.

Q'eqchi Bible

⁴¹ Xe'chapje'k eb' li tenamit ut xe'eechaniik eb' li kawub'resinb'il ochoch. Chiru li kutan a'an k'ajo' naq taamayoq xch'ooleb' laj puub' aj Mohab, siksootqeb' aj chik jo'kaqeb' li ixq ok re chi alank.

Jeremías 48:41 ပူးပေါင်းရင်းမြစ်များ

Isaías 21:3

Cꞌajoꞌ lin xiu ut ra cuanquin xban li cꞌaꞌru quicuil saꞌ li visión. Chanchan li raylal li naxcꞌul li ixk li oc re chi qꞌuira̱c. Nayotꞌeꞌ inchꞌo̱l xban li cꞌaꞌru quicuabi ut sachso innaꞌleb xban li cꞌaꞌru quicuil.

Isaías 13:8

Nabal li raylal ta̱cha̱lk saꞌ xbe̱neb ut yo̱keb xxiu. Cꞌajoꞌ li raylal li teꞌxcꞌul. Chanchanak li raylal li naxcꞌul li ixk li oc re chi qꞌuira̱c. Teꞌxcaꞌya ribeb ut teꞌsach xchꞌo̱leb chi rilbal li cꞌaꞌru teꞌxcꞌul li jun chꞌol chic ut teꞌxuta̱nak.

Jeremías 49:22

Qꞌuehomak retal. Eb li xicꞌ nequeꞌiloc reheb laj Bosra yo̱queb chi cha̱lc chixsachbal ruheb. Chanchaneb li tꞌiu nak naxic chixchapbal lix tib. Saꞌ eb li cutan aꞌan eb li soldado aj Edom sicsotkeb. Chanchanakeb jun li ixk li yo̱ chi cꞌuluc raylal.

Jeremías 30:6

Cꞌoxlahomak junpa̱tak. ¿Ma naru ta biꞌ nayoꞌla junak xcꞌulaꞌal li cui̱nk? ¿Cꞌaꞌut nak yo̱queb chi xucuac li cui̱nk ut yo̱queb chi ya̱bac? Sakquirin aj chic nequeꞌiloc xbaneb xxiu. Chanchaneb chic li ixk li oqueb re chi qꞌuira̱c.

Jeremías 6:24

Eb li cuanqueb Jerusalén nequeꞌxye: —Xkabi resil nak kꞌaxal ra nequeꞌxba̱nu li yo̱queb chi cha̱lc. Yo̱ kaxiu ut ma̱cꞌaꞌ chic kametzꞌe̱u. Kꞌaxal ra cuanco joꞌ jun li ixk oc re chi qꞌuira̱c.

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

Jeremías 51:30

Eb li soldado aj Babilonia xeꞌxcanab pletic. Xeꞌxtzꞌap ribeb saꞌ li cab li nequeꞌxcol cuiꞌ ribeb. Ma̱cꞌaꞌeb chic xmetzꞌe̱u. Chanchaneb ixk. Cꞌatbil nak ta̱osokꞌ lix tenamiteb ut poꞌinbileb chic li oqueba̱l.

Jeremías 50:43

Lix reyeb laj Babilonia quirabi resil li ple̱t li xchal saꞌ xbe̱neb. Ma̱cꞌaꞌ chic xmetzꞌe̱u quicana xban xcꞌaꞌux. Cꞌajoꞌ xrahil saꞌ xchꞌo̱l. Chanchan li raylal li naxcꞌul li ixk nak oc re chi qꞌuira̱c.

Jeremías 49:24

Incꞌaꞌ chic cauheb xchꞌo̱l laj Damasco. Yo̱queb chi e̱lelic xban xxiuheb. Cꞌajoꞌ li raylal yo̱queb chixcꞌulbal. Chanchaneb jun li ixk oc re chi qꞌuira̱c.

Jeremías 4:31

La̱in xcuabi nak yo̱queb chi ya̱bac laj Jerusalén. Chanchan nak naxjap re li ixk nak oc re chi qꞌuira̱c riqꞌuin li xbe̱n xcꞌulaꞌal. Incꞌaꞌ chic nequeꞌxcuy musikꞌac. Nequeꞌxyeꞌ li rukꞌeb nak yo̱queb chixtzꞌa̱manquil xtenkꞌanquileb. “Tokꞌob ku. Incꞌaꞌ nakacuy saꞌ rukꞌeb li nequeꞌraj kacamsinquil,” chanqueb.

Jeremías 4:9

Li Ka̱cuaꞌ quixye: —Saꞌ eb li cutan aꞌan eb li rey ut eb li nequeꞌtenkꞌan re chi takla̱nc sicsotkeb xbaneb xxiu. Eb laj tij ut eb li profeta ta̱sachk xchꞌo̱leb, chan.

Jeremías 48:24

Ta̱rakekꞌ ajcuiꞌ a̱tin saꞌ xbe̱neb li cuanqueb Queriot, ut Bosra ut saꞌ xbe̱neb ajcuiꞌ chixjunileb li tenamit li cuanqueb saꞌ li naꞌajej Moab, chi najt joꞌ chi nachꞌ.

Jeremías 50:37

Teꞌcamsi̱k saꞌ li ple̱t eb li cacua̱y ut teꞌsachekꞌ ru li carruajes. Ut teꞌcamsi̱k li jalaneb xtenamiteb li cuanqueb saꞌ xya̱nkeb. Chanchanakeb chic ixk. Teꞌsachekꞌ ru li raro xbaneb ut ta̱cꞌamekꞌ lix biomaleb.

Amós 2:2

Tinqꞌue xxamlel li tenamit Moab, ut tincꞌat ajcuiꞌ eb lix palacio aran Queriot. Ta̱ecꞌa̱nk li trompeta ut japjo̱keb re nak yo̱k li ple̱t ut talajeꞌcamsi̱k chixjunileb.