Jeremías 48:40 - Li Santil hu

⁴⁰ Joꞌcaꞌin naxye li Ka̱cuaꞌ: —Qꞌuehomak retal. Eb li xicꞌ nequeꞌiloc reheb laj Moab yo̱queb chi cha̱lc chixsachbal ruheb. Chanchaneb li tꞌiu nak naxic chixchapbal lix tib.

Q'eqchi Bible

⁴⁰ Jo'ka'in kixye li Qaawa': “Eb' li xik' neke'ilok re Mohab xe'xkut rib' sa' xb'een jo' junaq t'iw li xhel li xxik' sa' xb'een li xtzak.

Jeremías 48:40 ပူးပေါင်းရင်းမြစ်များ

Isaías 8:8

Teꞌnumta̱k saꞌ xbe̱neb chixjunileb laj Judá. Chanchanakeb li butꞌ li nacuulac toj saꞌ xcuxeb lix chamal ut naxtzꞌap chixjunil la̱ tenamit, at Emanuel, chan li Ka̱cuaꞌ.

Deuteronomio 28:49

Li Ka̱cuaꞌ tixcꞌameb chak chi najt eb li jalan xtenamit. La̱ex incꞌaꞌ te̱tau ru li ra̱tinoba̱leb. Chanchanakeb li xul tꞌiu nak teꞌcha̱lk chi junpa̱t chixsachbal e̱ru.

Jeremías 49:22

Qꞌuehomak retal. Eb li xicꞌ nequeꞌiloc reheb laj Bosra yo̱queb chi cha̱lc chixsachbal ruheb. Chanchaneb li tꞌiu nak naxic chixchapbal lix tib. Saꞌ eb li cutan aꞌan eb li soldado aj Edom sicsotkeb. Chanchanakeb jun li ixk li yo̱ chi cꞌuluc raylal.

Oseas 8:1

Ya̱basi li trompeta xban nak yo̱queb chi cha̱lc chi pletic li xicꞌ nequeꞌiloc reheb lin tenamit. Chanchaneb li cꞌuch nak yo̱queb chi cha̱lc. Xban nak lin tenamit xeꞌxtzꞌekta̱na li contrato quinba̱nu riqꞌuineb, joꞌcan nak teꞌxcꞌul li raylal. Xeꞌxtzꞌekta̱na li chakꞌrab xinqꞌue reheb.

Ezequiel 17:3

Ta̱ye reheb chi joꞌcaꞌin: aꞌan aꞌin li naxye li nimajcual Dios. Quicuulac Líbano jun li nimla xul tꞌiu xcꞌabaꞌ. Najt rok lix xicꞌ ut nabal pa̱y ru lix color. Kꞌaxal cau narupupic. Quixchap lix kꞌunal saꞌ li ruꞌuj jun li nimla chacalteꞌ.

Habacuc 1:8

Kꞌaxal se̱bakeb lix cacua̱yeb chiruheb li hix. Tzꞌakalakeb aj camsinel chiru laj xoj li nequeꞌbe̱c chiru kꞌojyi̱n. Kꞌaxal cuiꞌchic teꞌta̱mk li nequeꞌxic chirix cacua̱y chi camsi̱nc. Chi najt teꞌcha̱lk chak chirix cacua̱y li teꞌcha̱lk chi pletic. Nak teꞌxic saꞌ a̱nil chi pletic, chanchanakeb li cꞌuch nak naxic chi junpa̱t chixchapbal lix tib.

Daniel 7:4

Li xbe̱n chanchan jun li cakcoj ut cuan xxicꞌ chanchan xxicꞌ li cꞌuch. Ut yo̱quin chirilbal nak qui-isi̱c lix xicꞌ. Ut li xul quixakaba̱c saꞌ li chꞌochꞌ. Chanchan jun li cui̱nk xakxo. Ut quiqꞌueheꞌ xnaꞌleb joꞌ xnaꞌleb cui̱nk.

Lamentaciones 4:19

Eb li xicꞌ nequeꞌiloc ke kꞌaxal cau nequeꞌa̱linac chiru li cꞌuch li narupupic chiru choxa. Coeꞌra̱lina toj saꞌ eb li tzu̱l ut coeꞌxram saꞌ eb li chaki chꞌochꞌ.

Jeremías 4:13

Qꞌuehomak retal. Eb li xicꞌ nequeꞌiloc re li tenamit chanchanakeb li chok nak teꞌcha̱lk. Eb li carruaje teꞌcha̱lk joꞌ li ca̱k-sut-ikꞌ. Eb li cacua̱y kꞌaxal cau teꞌa̱linak chiru li tꞌiu li narupupic chi junpa̱t. Tokꞌob xak ku xban nak osocꞌ ke.

Proverbios 30:19

Incꞌaꞌ nintau ru chanru nak narupupic li cꞌuch chiru choxa, chi moco nintau ru chanru nak naxquelo rib li cꞌantiꞌ chiru li pec, chi moco nintau ru chanru nak nequeꞌbe̱c li ni̱nki jucub chiru li palau. Ut incꞌaꞌ nintau ru cꞌaꞌut nak naxic xchꞌo̱l junak cui̱nk chirix junak ixk.

Isaías 11:14

Teꞌxjunaji ribeb ut teꞌxic chi pletic riqꞌuineb laj filisteo li cuanqueb saꞌ li oeste ut teꞌnumta̱k saꞌ xbe̱neb li cuanqueb saꞌ li este. Teꞌnumta̱k saꞌ xbe̱neb li cuanqueb Edom ut Moab. Ut eb li cuanqueb aran Amón teꞌabi̱nk chiruheb.