Jeremías 48:35 - Li Santil hu

³⁵ La̱in tinsach ruheb li nequeꞌmayejac saꞌ eb li naꞌajej li najt xteram li cuanqueb Moab ut nequeꞌxcꞌat li pom chiruheb lix dioseb, chan li Ka̱cuaꞌ.

Q'eqchi Bible

³⁵ “Tinram chiruheb' laj Mohab li xik chi tzuul chi mayejak ut chi k'atok pom chiruheb' li jalanil yos”, chan li Qaawa'.

Jeremías 48:35 ပူးပေါင်းရင်းမြစ်များ

Isaías 16:12

Nequeꞌxtacuasi ribeb laj Moab nak nequeꞌxic saꞌ li naꞌajej li najt xteram chixlokꞌoninquileb li jalanil dios. Ma̱cꞌaꞌ rajbal nak nequeꞌxic chi tijoc chiru lix artaleb.

Isaías 15:2

Eb li cuanqueb saꞌ li tenamit Dibón teꞌxic chi ya̱bac saꞌ li artal li cuan saꞌ xbe̱n bol. Eb li cuanqueb Moab rahak saꞌ xchꞌo̱leb ut teꞌya̱bak chirixeb li tenamit Nebo ut Medeba. Teꞌxbes lix jolomeb ut teꞌxjo lix macheb xban xrahil xchꞌo̱leb.

Jeremías 48:7

La̱ex texchapekꞌ ajcuiꞌ xban nak nequecꞌojob e̱chꞌo̱l saꞌ xbe̱n le̱ biomal. Ut laj Quemos le̱ dios ta̱chapekꞌ ut ta̱cꞌamekꞌ chi pre̱xil rochbeneb laj tij joꞌ eb ajcuiꞌ li cuanqueb xcuanquil.

Jeremías 11:13

La̱ex aj Judá, kꞌaxal nabaleb le̱ jalanil dios joꞌ xqꞌuialeb le̱ tenamit. Ut la̱ex aj Jerusalén, kꞌaxal nabal li artal xeyi̱b joꞌ xqꞌuial li be saꞌ le̱ tenamit. Xeyi̱beb li artal re xcꞌatbal li pom chiru li dios Baal, li kꞌaxal yibru.

Números 28:14

Rochben li junju̱nk chi toro teꞌxqꞌue cuib litro li vino re li mayej vino. Teꞌxqꞌue jun litro riqꞌuin mero litro li vino rochben li junju̱nk chi carner ut teꞌxqꞌue jun litro rochben li junju̱nk chi carner toj sa̱j. Aꞌaneb aꞌin li cꞌatbil mayej li teꞌxqꞌue rajlal po chiru li jun chihab.

Jeremías 7:9

La̱ex nequex-elkꞌac, nequexcamsin, nequemux ru le̱ sumlajic, nequepatzꞌ xcꞌabaꞌ li Dios chi ma̱cꞌaꞌ rajbal, nequecꞌat li pom chiru li yi̱banbil dios Baal ut nequelokꞌoniheb li yi̱banbil dios li incꞌaꞌ quenau chak ru junxil.