Jeremías 48:33 - Li Santil hu

³³ Ma̱cꞌaꞌak chic li sahil chꞌo̱lej saꞌ li xnaꞌaj li acui̱mk ut saꞌ li cꞌaleba̱l li cuanqueb Moab. Incꞌaꞌ chic ta̱yatzꞌma̱nk ru li uvas. Ma̱ ani chic tixyatzꞌ li uvas chi sa saꞌ xchꞌo̱leb. Nequeꞌxjap reheb, abanan ma̱cuaꞌ xban xsahil xchꞌo̱leb. Nequeꞌxjap ban reheb xban xrahileb xchꞌo̱l.

Q'eqchi Bible

³³ Maak'a' chik li b'ichank ut li sahil ch'oolejil sa'eb' li k'aleb'aal re Mohab. Xlajk li b'iin sa'eb' li k'uuleb'aal, maajun chik nayatz'ok re li uub', ut maak'a' chik li b'ichank xb'aan li sahil ch'oolej.

Jeremías 48:33 ပူးပေါင်းရင်းမြစ်များ

Hageo 2:16

Nak toj ma̱jiꞌ xetiquib xyi̱banquil li templo, saꞌ e̱chꞌo̱l la̱ex nak junmay coxtal li ru le̱ trigo te̱xoc, abanan laje̱b ajcuiꞌ x-el. Ut nak oc e̱re xyatzꞌbal ru le̱ uvas, xecꞌoxla nak te̱cꞌul mero ciento cuc li xyaꞌal. Abanan junmay ajcuiꞌ x-el.

Isaías 5:10

Te̱rau laje̱b cꞌa̱m le̱ uvas, ut jun chꞌina barril ajcuiꞌ lix yaꞌal ta̱e̱lk. Ut te̱rau laje̱b coxtal li iyaj trigo, abanan jun coxtal ajcuiꞌ li ru tixqꞌue.

Joel 1:16

¿Ma incꞌaꞌ ta biꞌ yo̱co rilbal nak xsacheꞌ chiku li kacui̱mk? Ut, ¿ma sahak ta biꞌ chic kachꞌo̱l saꞌ lix templo li kaDios?

Joel 1:5

Ajsihomak e̱ru la̱ex aj calajenak. Chiyotꞌekꞌ e̱chꞌo̱l ut chexya̱bak la̱ex li nequex-ucꞌac vino xban nak x-osoꞌ li uvas xbaneb li xul. Incꞌaꞌ chic naru te̱yi̱b le̱ vino.

Isaías 9:3

At Ka̱cuaꞌ, xaqꞌueheb cuiꞌchic chi ta̱mc la̱ tenamit ut xaqꞌue cuiꞌchic xsahil xchꞌo̱leb. Ut kꞌaxal cuiꞌchic teꞌsahokꞌ xchꞌo̱leb a̱cuiqꞌuin. Chanchan nak nasahoꞌ xchꞌo̱leb li yo̱queb chi kꞌoloc ut chanchan nak nasahoꞌ xchꞌo̱leb li soldados nak nequeꞌxjeqꞌui chirixeb li cꞌaꞌru nequeꞌre̱chani chak saꞌ li ple̱t.

Isaías 7:23

Ut ta̱cꞌulma̱nk ajcuiꞌ saꞌ eb li cutan aꞌan nak li naꞌajej li na-el cuiꞌ nabal li uvas ta̱cana̱k chokꞌ xnaꞌaj li qꞌuix ut li pim. Ut aꞌan raj li naꞌajej li naqꞌuehoc jun mil chi tumin plata.

Amós 5:17

Ut saꞌ chixjunil lix naꞌajeb li acui̱mk uvas ta̱cua̱nk li ya̱bac xban nak tinnumekꞌ la̱in saꞌ e̱ya̱nk chi rakoc a̱tin, chan li Ka̱cuaꞌ.