Jeremías 48:31 - Li Santil hu

³¹ Joꞌcan nak la̱in tinya̱bak chirixeb laj Moab. Chirixeb chixjunileb tinya̱bak. Nayotꞌeꞌ inchꞌo̱l chirixeb li cuanqueb saꞌ li tenamit Kir-hares.

Q'eqchi Bible

³¹ Jo'kan naq tinyaab'aq ut tintz'uyinq chirixeb' laj Mohab, taamayoq linch'ool chirixeb' laj Kir-Jaréset.

Jeremías 48:31 ပူးပေါင်းရင်းမြစ်များ

Isaías 15:5

La̱in tincuil xtokꞌoba̱l ruheb laj Moab. Eb li cristian teꞌe̱lelik toj saꞌ eb li tenamit Zoar, ut Eglat-selisiya. Yo̱keb chi ya̱bac nak teꞌtakekꞌ saꞌ li tzu̱l Luhit ut japjo̱keb re xban xrahil xchꞌo̱leb nak teꞌe̱lelik toj Horonaim.

2 Reyes 3:25

Ut queꞌxsach ruheb lix naꞌajeb. Nak queꞌnumeꞌ cuan cuiꞌ li racui̱mkeb, eb laj Israel quilajeꞌxtu̱b li pec toj retal queꞌxpoꞌi chixjunil lix naꞌajeb li racui̱mkeb. Ut queꞌxbutꞌ eb li yuꞌam haꞌ. Ut quilajeꞌxtꞌan eb li cha̱bil cheꞌ. Caꞌaj cuiꞌ li nimla tenamit Kir-hareset quicana. Eb li cui̱nk li nequeꞌcutuc riqꞌuin rantꞌin queꞌxsuti li tenamit aꞌan, ut queꞌxcut chi pec toj retal queꞌxsach ru.

Jeremías 48:36

Nayotꞌeꞌ inchꞌo̱l chirixeb li cuanqueb Moab ut chirixeb li cuanqueb Kir-hares. Lix rahil inchꞌo̱l, aꞌan chanchan nak nachꞌeꞌman jun li bich saꞌ li xo̱lb re rahil chꞌo̱lejil xban nak ma̱cꞌaꞌ chic xbiomaleb laj Moab.