Jeremías 48:27 - Li Santil hu

²⁷ La̱ex aj Moab, ¿ma incꞌaꞌ ta biꞌ xehobeb laj Israel? ¿Ma queꞌtaꞌeꞌ ta biꞌ laj Israel chi elkꞌa̱c? ¿Ma xban ta biꞌ aꞌan nak nequehobeb?

Q'eqchi Bible

²⁷ Ex aj Mohab, ma ink'a' tab'i' xese'eb' laj Israel? Rajlal naq nekex'aatinak chirixeb', nekeb'anb'ani leejolom, jo'keb' tawi' aj elq'.

Jeremías 48:27 ပူးပေါင်းရင်းမြစ်များ

Jeremías 2:26

La̱ex aj Israel, xecꞌut e̱xuta̱n joꞌ nak nacꞌuteꞌ xxuta̱n laj e̱lkꞌ nak nataꞌli chi elkꞌac. Jun xiquic nak xecꞌut e̱xuta̱n la̱ex ut eb le̱ rey, joꞌ eb li cuanqueb saꞌ xcuanquil ut eb laj tij ut eb li profetas.

Sofonías 2:8

Quixye li Ka̱cuaꞌ li kꞌaxal nim xcuanquil: —La̱in nacuabi nak eb laj Moab ut eb laj Amón nequeꞌxhob lin tenamit. Queꞌrisi xlokꞌal lin tenamit ut queꞌnumta saꞌ xbe̱neb.

Ezequiel 25:8

Aꞌan aꞌin li naxye li nimajcual Dios: —Eb laj Moab ut eb laj Seir queꞌxye nak eb li tenamit Judá juntakꞌe̱t riqꞌuineb li jun chꞌol chic tenamit.

San Mateo 27:38

Ut cuib aj e̱lkꞌ queꞌqꞌueheꞌ chiru cruz rochben, jun saꞌ xnim ut jun saꞌ xtzꞌe.

San Mateo 26:55

Ut saꞌ li ho̱nal aꞌan li Jesús quixye reheb li qꞌuila tenamit, —¿Ma la̱in ta biꞌ aj e̱lkꞌ nak xexchal chinchapbal riqꞌuin cheꞌ ut riqꞌuin chꞌi̱chꞌ? Rajlal cutan nincꞌojla saꞌ e̱ya̱nk che̱tzolbal saꞌ li rochoch li Dios ut incꞌaꞌ quine̱chap aran.

San Mateo 7:2

Xban nak chanru nak nequextzꞌiloc a̱tin, joꞌcan ajcuiꞌ ta̱uxk e̱re la̱ex. Ut riqꞌuin li bisleb li nequexbisoc cuiꞌ, riqꞌuin ajcuiꞌ aꞌan texbisekꞌ la̱ex.

Sofonías 2:10

Chixjunil li raylal aꞌin ta̱cha̱lk saꞌ xbe̱neb laj Moab joꞌqueb ajcuiꞌ laj Amón xban nak xeꞌxnimobresi ribeb, ut queꞌxhob lix tenamit li Dios li kꞌaxal nim xcuanquil ut queꞌnumta saꞌ xbe̱neb.

Ezequiel 36:4

Joꞌcan nak te̱rabi li cꞌaꞌru tinye la̱in li nimajcual Dios chirixeb li tzu̱l ut eb li nimaꞌ ut eb li ru takꞌa li ma̱cꞌaꞌ chic cuan chi saꞌ. Te̱rabi li cꞌaꞌru tinye chirixeb li tenamit li poꞌinbileb ru, li qui-elkꞌa̱c cꞌaꞌru reheb ut chirixeb li queꞌqꞌueheꞌ chi hobecꞌ ut chi seꞌe̱c xbaneb li xni̱nkal ru tenamit li cuanqueb chixjun sutam.

Ezequiel 36:2

Aꞌan aꞌin li ninye la̱in li nimajcual Dios. Eb li xicꞌ nequeꞌiloc e̱re queꞌsahoꞌ saꞌ xchꞌo̱leb ut queꞌxye, “Anakcuan eb li tzu̱l li queꞌyi̱ba̱c najter kꞌe cutan ke la̱o,” chanqueb.

Ezequiel 35:15

La̱ex quisahoꞌ saꞌ e̱chꞌo̱l nak li naꞌajej Israel xcana chi ma̱cꞌaꞌ chic cuan chi saꞌ. Joꞌcan nak tincanab li tzu̱l Seir chi ma̱cꞌaꞌ chic cuan chi saꞌ, joꞌ ajcuiꞌ chixjunil li naꞌajej Edom. Ut riqꞌuin aꞌan teꞌxqꞌue retal nak la̱in li Ka̱cuaꞌ.

Jeremías 18:16

Joꞌcan nak lix naꞌajeb ta̱cana̱k joꞌ chaki chꞌochꞌ. Junelic ta̱hobekꞌ. Chixjunileb li tenamit li teꞌnumekꞌ aran teꞌxsach xchꞌo̱leb chirilbal ut teꞌrecꞌasi lix jolomeb.

Salmos 79:4

Eb li cuanqueb chi nachꞌ riqꞌuin li katenamit yo̱queb chikaseꞌenquil. Nocoeꞌxhob ut nocoeꞌretzꞌu.

Salmos 44:13

Xacꞌut kaxuta̱n chiruheb li jalanil tenamit. Nak nocoeꞌril, nocoeꞌxseꞌe ut nocoeꞌretzꞌu.

Li xHu LAJ JOB 16:4

Cui ta la̱ex yo̱quex chi cꞌuluc re li raylal li yo̱quin chixcꞌulbal, la̱in tinye raj ajcuiꞌ e̱re joꞌ yo̱quex chixyebal cue anakcuan. Tincuecꞌasi raj injolom ut texinseꞌe. Ut nabal raj li cꞌaꞌak re ru tinye e̱re, re e̱chꞌiꞌchꞌiꞌinquil.

Salmos 64:8

Ut saꞌ xbe̱neb ajcuiꞌ ta̱sukꞌi̱k li ra̱tineb. Ut teꞌseꞌe̱k xbaneb li teꞌilok reheb.

Lamentaciones 1:7

Nak cuanqueb saꞌ raylal ut xjuneseb, nequeꞌjulticoꞌ reheb laj Jerusalén chanru nak quicuan nabal xbiomaleb junxil. Najulticoꞌ reheb chanru nak xeꞌtꞌaneꞌ saꞌ rukꞌeb li xicꞌ nequeꞌiloc reheb ut ma̱ ani quitenkꞌan reheb. Eb li xicꞌ nequeꞌiloc reheb queꞌsahoꞌ saꞌ xchꞌo̱leb ut yo̱queb chixhobbal laj Jerusalén nak yo̱queb chixcꞌulbal li raylal.

Lamentaciones 1:12

Nequeꞌxye reheb li nequeꞌnumeꞌ aran: —¿Ma incꞌaꞌ nayotꞌeꞌ e̱chꞌo̱l chirilbal li raylal li yo̱co chixcꞌulbal? ¿Ma cuanqueb ta biꞌ queꞌcꞌuluc li raylal li yo̱co chixcꞌulbal la̱o? Li Ka̱cuaꞌ xoxqꞌue chixcꞌulbal li raylal aꞌin xban nak yo̱ xjoskꞌil saꞌ kabe̱n.