Jeremías 48:26 - Li Santil hu

²⁶ Qꞌuehomakeb laj Moab chi cala̱c xban nak xeꞌxnimobresi ribeb chiru li Ka̱cuaꞌ. Qꞌuehomakeb laj Moab chixtolcꞌosinquil ribeb saꞌ lix xaꞌauheb. Qꞌuehomakeb laj Moab chi hobecꞌ.

Q'eqchi Bible

²⁶ Kaltesihomaq eb' laj Mohab, xb'aan naq xe'xq'etq'eti rib' chiru li Qaawa'. Eb' laj Mohab te'xtolk'osi rib' sa'eb' li xxa'aw ut te'se'eeq xb'aan chixjunileb'.

Jeremías 48:26 ပူးပေါင်းရင်းမြစ်များ

Jeremías 51:39

Nak yo̱keb chixjapbal reheb ut ta̱chakik reheb, la̱in tinqꞌue li rucꞌaheb ut teꞌcala̱k. Japjo̱k reheb chi seꞌec ut chirix aꞌan teꞌcua̱rk chi junaj cua ut incꞌaꞌ chic teꞌajk ruheb, chan li Ka̱cuaꞌ.

Jeremías 48:42

Li nimla tenamit Moab ta̱sachekꞌ ru xban nak queꞌxkꞌetkꞌeti ribeb chiru li Ka̱cuaꞌ.

Isaías 29:9

La̱ex aj Jerusalén, cana̱kex saꞌ le̱ to̱ntil naꞌleb. Chanchanakex li mutzꞌ ut chanchanakex li calajenak usta incꞌaꞌ tex-ucꞌak vino. Taclo̱kex usta incꞌaꞌ yo̱kex chi cala̱c.

Isaías 19:14

Li Ka̱cuaꞌ quixsach xnaꞌlebeb re nak incꞌaꞌ us li naꞌleb li teꞌxqꞌue. Joꞌcan nak incꞌaꞌ na-el chi us li tenamit Egipto riqꞌuin li cꞌaꞌru naxba̱nu. Chanchaneb li calajenak li nequeꞌtacloc saꞌ lix xaꞌauheb.

Daniel 5:23

Xakꞌetkꞌeti ban a̱cuib chiru li Ka̱cuaꞌ cuan saꞌ choxa. Xatakla xcꞌambal li secꞌ li quicꞌanjelac saꞌ lix templo li Dios ut xerocsi saꞌ le̱ ninkꞌe. La̱at xat-ucꞌac vino chi saꞌ chiruheb li nequeꞌcꞌanjelac cha̱cuu, joꞌqueb ajcuiꞌ la̱ cuixakil ut eb la̱ concubina. Ut xalokꞌoni ajcuiꞌ li jalanil dios yi̱banbil riqꞌuin plata, oro, bronce, hierro, cheꞌ ut pec. Xaqꞌueheb xlokꞌal li yi̱banbil dios li ma̱cꞌaꞌeb xnaꞌleb, li incꞌaꞌ nequeꞌiloc chi moco nequeꞌabin. Ut incꞌaꞌ xaqꞌue xlokꞌal li tzꞌakal Dios. Aꞌan li naqꞌuehoc la̱ yuꞌam ut aꞌan li yal re saꞌ a̱be̱n.

Lamentaciones 4:21

Chexseꞌek ut chisahokꞌ saꞌ le̱ chꞌo̱l la̱ex li cuanquex Edom ut la̱ex li cuanquex aran Uz. Chisahokꞌ saꞌ e̱chꞌo̱l anakcuan nak toj naru xba̱nunquil xban nak ta̱cuulak xkꞌehil nak te̱recꞌa xcꞌahil li raylal te̱cꞌul la̱ex. Chanchan texcala̱k ut chanchan tꞌustꞌu texcana̱k nak ta̱cꞌutekꞌ le̱ xuta̱n.

Jeremías 51:7

Li tenamit Babilonia chanchan jun li secꞌ oro saꞌ rukꞌ li Ka̱cuaꞌ nak quicuan ut chixjunil li tenamit quixcaltesiheb. Queꞌrucꞌ li vino li quixqꞌue reheb ut queꞌsach xnaꞌlebeb li xni̱nkal ru tenamit.

Jeremías 48:39

Chexya̱bak chirixeb laj Moab. Xucuajel chic rilbaleb. Nequeꞌxjal li riloba̱leb xban xxuta̱neb. Nequeꞌhobeꞌ ut nequeꞌseꞌe̱c xbaneb chixjunileb li cuanqueb chi xjun sutam.

Éxodo 5:2

Ut laj faraón quichakꞌoc ut quixye: —¿Ani li nimajcual Dios re nak tinpa̱b lix chakꞌrab nak tincanabeb laj Israel chi xic? La̱in incꞌaꞌ ninnau ru li nimajcual Dios aꞌan. Incꞌaꞌ tincanabeb chi xic laj Israel.—

Apocalipsis 16:19

Li tenamit li kꞌaxal nim xcuanquil quijacheꞌ. Oxib jachal qui-el. Ut eb li jun chꞌol chic tenamit quilajeꞌtꞌaneꞌ. Ut quijulticoꞌ re li Dios li ma̱c queꞌxba̱nu li tenamit Babilonia. Joꞌcan nak quixqꞌueheb chixtojbal rix lix ma̱queb chi tzꞌakal xban nak yo̱ xjoskꞌil saꞌ xbe̱neb.

2 Ts 2:4

Aꞌan tixqꞌue xcuanquil xjunes rib ut xicꞌ ta̱ril yalak cꞌaꞌ chi diosil ut li cꞌaꞌak re ru nalokꞌoniman saꞌ ruchichꞌochꞌ. Tixnimobresi rib saꞌ xbe̱n chixjunil toj retal nak ta̱cꞌojla̱k saꞌ rochoch li Dios ut aꞌan chic tixqꞌue rib chokꞌ dios.

Habacuc 2:16

Cuulac re xkꞌehil nak ta̱isi̱k le̱ lokꞌal ut ta̱cꞌutekꞌ e̱xuta̱n. Chanru xeba̱nu la̱ex, joꞌcan ajcuiꞌ ta̱uxk e̱re xban li Ka̱cuaꞌ. Chanchan ajcuiꞌ texcala̱k nak ta̱makꞌekꞌ che̱ru chixjunil li cꞌaꞌru e̱re. Ut chanchan tꞌustꞌu texcana̱k xban nak ma̱cꞌaꞌak chic cꞌaꞌru e̱re.

Nahum 3:11

Joꞌcan ajcuiꞌ te̱cꞌul la̱ex aj Nínive. Chanchan texcala̱k nak te̱yal xsicꞌbal bar te̱col e̱rib. Te̱yal raj chic xmukbal e̱rib chiruheb li xicꞌ nequeꞌiloc e̱re.

Daniel 11:36

Li rey li cuan saꞌ li norte tixba̱nu li cꞌaꞌru ta̱raj. Tixnimobresi rib ut tixye nak aꞌan kꞌaxal nim xcuanquil chiru yalak cꞌaꞌru chi diosil. Ut tixye ajcuiꞌ nak aꞌan kꞌaxal nim xcuanquil chiru li tzꞌakal Dios. Ut chixjunil us ta̱e̱lk chiru toj ta̱cuulak xkꞌehil nak li Dios tixqꞌue chixtojbal rix lix ma̱c xban nak ac chꞌolchꞌo nak joꞌcan ta̱cꞌulma̱nk.

Lamentaciones 3:15

Junes raylal nincꞌul. Chanchan nak junes cꞌa chic li nintzaca.

Lamentaciones 1:21

Eb li tenamit queꞌrabi nak yo̱co chi ya̱bac xban li raylal, abanan ma̱ ani nacꞌojoban kachꞌo̱l. Nequeꞌsahoꞌ saꞌ xchꞌo̱leb li xicꞌ nequeꞌiloc ke nak nequeꞌrabi resil li raylal li xaqꞌue saꞌ kabe̱n. Chicuulak taxak xkꞌehil li rakba a̱tin re nak teꞌxcꞌul ajcuiꞌ eb aꞌan joꞌ yo̱co chixcꞌulbal la̱o.

Jeremías 51:57

Aꞌin li naxye li Ka̱cuaꞌ: —La̱in tinqꞌueheb chi cala̱c li nequeꞌtenkꞌan re li rey ut eb li cuanqueb xnaꞌleb joꞌ eb ajcuiꞌ li nequeꞌtaklan saꞌ xbe̱neb li soldados ut eb li cuanqueb saꞌ xcuanquil, joꞌ eb ajcuiꞌ li soldados. Teꞌcua̱rk chi junaj cua ut incꞌaꞌ chic teꞌajk ruheb, chan li Rey li “nimajcual Dios” xcꞌabaꞌ.

Isaías 63:6

Xban nak yo̱ injoskꞌil, xinsacheb ru li tenamit, li xicꞌ nequeꞌiloc cue. Xhoyeꞌ lix quiqꞌueleb saꞌ chꞌochꞌ nak xeꞌosoꞌ, chan li Dios.

Isaías 51:17

Chi-ajk e̱ru la̱ex aj Jerusalén ut cheqꞌuehak retal. La̱ex xecꞌul li raylal xban li ma̱c xeba̱nu nak xeqꞌue xjoskꞌil li Dios. Chanchan nak xerucꞌ xsaꞌ li secꞌ toj retal xechoy ut chanchan nak xexcaltesi̱c xban.

Isaías 10:15

¿Ma naru ta biꞌ tixnimobresi rib li ma̱l chiru li ani nachꞌeꞌoc re? ¿Ma naru ta biꞌ tixkꞌetkꞌeti rib li seruch chiru li ani nachꞌeꞌoc re? ¿Ma naru ta biꞌ ta̱cuaclesi̱k junak cui̱nk xban li xukꞌ? Ut, ¿ma naru ta biꞌ nak li cheꞌ tixtakla junak li cui̱nk?

Salmos 75:8

Ta̱cuulak xkꞌehil nak li Dios ta̱rakok a̱tin saꞌ xbe̱neb li incꞌaꞌ useb xnaꞌleb. Chanchan nak cuan jun secꞌ li cꞌahil vino saꞌ rukꞌ ut tixhoy ut teꞌrucꞌ toj retal teꞌxchoy. Joꞌcan tixba̱nu li Dios nak ta̱rakok a̱tin saꞌ xbe̱neb toj retal teꞌrecꞌa xrahil li tojba ma̱c li tixqꞌue saꞌ xbe̱neb.

Salmos 60:3

Cꞌajoꞌ li raylal xaqꞌue saꞌ kabe̱n. Chanchan nak xoa̱qꞌue chi ucꞌac vino. Chanchan tocala̱k xocana xban li raylal li xaqꞌue saꞌ kabe̱n.

Salmos 59:8

Abanan la̱at, at Ka̱cuaꞌ, yal ta̱seꞌe li cꞌaꞌru nequeꞌxba̱nu. Ta̱xuta̱nobresiheb xban nak incꞌaꞌ nequeꞌpa̱ban cha̱cuu.

Salmos 2:4

Abanan li Ka̱cuaꞌ Dios, toj saꞌ choxa naseꞌec xban li cꞌaꞌru nequeꞌxcꞌoxla xba̱nunquil.

Li xHu LAJ JOB 9:4

Li Dios cuan xnaꞌleb ut nim xcuanquil. Cau rib. Ma̱ ani ta̱ru̱k ta̱numta̱k chiru.

Éxodo 9:17

Abanan la̱at riqꞌuin chixjunil aꞌin, toj yo̱cat chixnimobresinquil a̱cuib saꞌ xbe̱neb lin tenamit ut incꞌaꞌ nacacanabeb chi xic.

Isaías 28:8

Chixjunileb li me̱x tzꞌajeb ru xban lix xaꞌauheb. Ma̱ jun chic li naꞌajej sak ru.

Daniel 8:10

Ut kꞌaxal cuiꞌchic quiniman xcuanquil toj retal quipletic riqꞌuineb li ralal xcꞌajol li Dios ut quixsacheb laj cꞌamol be chiruheb.

Li xHu LAJ JOB 15:25

Joꞌcan tixcꞌul li ani tixyal pletic riqꞌuin li Ka̱cuaꞌ ut li ani tixnimobresi rib chiru li nimajcual Dios.

Jeremías 50:29

Bokomakeb li nequeꞌxnau cutuc riqꞌuin tzimaj re teꞌpletik riqꞌuineb laj Babilonia. Ut teꞌxyi̱b lix muheba̱leb chi xjun sutam li tenamit ut ma̱ ani teꞌxcanab chi e̱lelic. Qꞌuehomak re̱kaj li ma̱usilal li queꞌxba̱nu xban nak queꞌxkꞌetkꞌeti ribeb chiru li Ka̱cuaꞌ, lix santil Dioseb laj Israel.