Jeremías 48:2 - Li Santil hu

² Eb laj Moab incꞌaꞌ chic teꞌqꞌuehekꞌ xlokꞌal. Eb li xicꞌ nequeꞌiloc re li cuanqueb Hesbón nequeꞌxcꞌu̱b ru chanru nak teꞌrisi xcuanquil joꞌ nimla tenamit. Eb li cuanqueb Madmena teꞌsachekꞌ ruheb. Junelic teꞌsiqꞌuekꞌ re xcamsinquileb.

Q'eqchi Bible

² Maak'a' chik xloq'al Mohab. Aran Jesbón xe'xk'uub' xsachb'al ru li tenamit Mohab: «Kimqex ut qasachaq ru sa' ruuchich'och'», chankeb'. Jo'kan ajwi' naq tat-oso'q laa'at, a Madmén, ut li raaxiik' junelik yooq chasutb'al.

Jeremías 48:2 ပူးပေါင်းရင်းမြစ်များ

Jeremías 31:36

Cui li sakꞌe ut eb li chahim ut li po ma̱cꞌaꞌakeb chic, ma̱cꞌaꞌakeb ajcuiꞌ chic lin tenamit Israel.

Isaías 16:14

Abanan anakcuan li Ka̱cuaꞌ xye: —Eb laj Moab oxib chihab aj chic teꞌcua̱nk. Bisbil aj chic lix cutaneb joꞌ nak nabiseꞌ rix lix cutan junak li mo̱s. Ta̱isi̱k xcuanquileb laj Moab. Usta kꞌaxal nabaleb, abanan moco nabaleb ta chic li teꞌcolekꞌ ut moco cauhak ta chic ribeb.—

Números 32:37

Ut eb li ralal xcꞌajol laj Rubén queꞌxyi̱b cuiꞌchic li tenamit Hesbón, Eleale, Quiriataim,

Jeremías 49:3

Chexya̱bak la̱ex li cuanquex Hesbón xban nak quisacheꞌ ruheb li tenamit Hai. Japomak e̱re la̱ex li cuanquex Rabá. Qꞌuehomak li kꞌes ru tꞌicr che̱rix ut chexya̱bak. Texxic yalak bar chi saꞌ li tzꞌac li sutsu cuiꞌ li tenamit xban nak li yi̱banbil dios Milcom ta̱cꞌamekꞌ chi pre̱xil rochbeneb laj tij ut eb li cuanqueb xcuanquil.

Jeremías 48:45

Cuanqueb li teꞌxic chixcolbal ribeb aran Hesbón. Abanan ma̱cꞌaꞌ naru teꞌxba̱nu. Quicꞌateꞌ li tenamit Hesbón, lix tenamit li rey Sehón. Quicꞌateꞌ li tzu̱l ut eb lix nuba̱l li tenamit aꞌin li incꞌaꞌ nequeꞌcuan saꞌ xya̱lal.

Jeremías 48:42

Li nimla tenamit Moab ta̱sachekꞌ ru xban nak queꞌxkꞌetkꞌeti ribeb chiru li Ka̱cuaꞌ.

Jeremías 48:17

Ilomak xtokꞌoba̱l ruheb laj Moab, la̱ex li cuanquex chixjun sutam, la̱ex li xenau chanru lix lokꞌal junxil. Yehomak, “Qui-isi̱c xcuanquilal. Xtokeꞌ lix xukꞌ retalil lix cuanquil.”

Jeremías 46:28

Mexxucuac la̱ex li ralal xcꞌajol laj Jacob laj cꞌanjel chicuu. La̱in tincua̱nk e̱riqꞌuin. La̱in tinsach ruheb chixjunileb li xni̱nkal ru tenamit li texinjeqꞌui cuiꞌ, abanan la̱in incꞌaꞌ texinsach chi junaj cua. Tento nak texinqꞌue chixtojbal e̱ma̱c, abanan saꞌ ti̱quilal tinba̱nu, chan li Ka̱cuaꞌ.

Jeremías 33:24

—¿Ma incꞌaꞌ nacaqꞌue retal nak eb li tenamit aꞌin yo̱queb chixyebal nak la̱in quintzꞌekta̱naheb li ralal xcꞌajol laj Judá ut eb li ralal xcꞌajol laj Israel, li cuib xte̱paleb li tenamit li quinsicꞌ ruheb? Joꞌcan nak xicꞌ chic nequeꞌrileb lin tenamit ut incꞌaꞌ chic nequeꞌxqꞌue xcuanquileb chokꞌ nimla tenamit.

Jeremías 25:17

Joꞌcan nak la̱in quinchap li secꞌ li quixqꞌue cue li Ka̱cuaꞌ retalil lix joskꞌil. Ut quinqꞌue reheb li xni̱nkal ru tenamit li quintakla̱c cuiꞌ xban li Ka̱cuaꞌ.

Jeremías 25:15

Joꞌcaꞌin quixye cue li Ka̱cuaꞌ lix Dioseb laj Israel: —Chap li secꞌ li tinqꞌue a̱cue li nujenak riqꞌuin vino retalil lin joskꞌil ut ta̱qꞌue chiruqꞌueb chixjunileb li xni̱nkal ru tenamit li tatintakla cuiꞌ.

Isaías 25:10

Li cuanqueb saꞌ li tzu̱l Sión li Ka̱cuaꞌ ta̱colok reheb. Abanan eb li tenamit Moab teꞌsachekꞌ ruheb joꞌ nak nayekꞌi̱c li qꞌuim saꞌ li mul.

Isaías 15:5

La̱in tincuil xtokꞌoba̱l ruheb laj Moab. Eb li cristian teꞌe̱lelik toj saꞌ eb li tenamit Zoar, ut Eglat-selisiya. Yo̱keb chi ya̱bac nak teꞌtakekꞌ saꞌ li tzu̱l Luhit ut japjo̱keb re xban xrahil xchꞌo̱leb nak teꞌe̱lelik toj Horonaim.

Isaías 15:1

Aꞌan aꞌin li esilal li quiqꞌueheꞌ chirix li naꞌajej Moab. Relic chi ya̱l li tenamit Ar li cuan aran Moab ta̱sachekꞌ ru chiru jun kꞌojyi̱n. Ut li tenamit Kir li cuan aran Moab ta̱sachekꞌ ru chiru jun kꞌojyi̱n. Ma̱cꞌaꞌ chic ta̱ecꞌa̱nk saꞌ li naꞌajej Moab.

Jeremías 49:37

Tincanabeb laj Elam chi sachecꞌ ruheb xbaneb li xicꞌ nequeꞌiloc reheb, li teꞌajok xcamsinquileb. Xban nak xnumta lin joskꞌil saꞌ xbe̱neb, la̱in tintakla xcamsinquileb chi chꞌi̱chꞌ toj retal nak teꞌosokꞌ chixjunileb, chan li Ka̱cuaꞌ.