Jeremías 48:17 - Li Santil hu

¹⁷ Ilomak xtokꞌoba̱l ruheb laj Moab, la̱ex li cuanquex chixjun sutam, la̱ex li xenau chanru lix lokꞌal junxil. Yehomak, “Qui-isi̱c xcuanquilal. Xtokeꞌ lix xukꞌ retalil lix cuanquil.”

Q'eqchi Bible

¹⁷ Chiraho'q eech'ool chirix Mohab, laa'ex li wankex chi xsutam ut nekexnawok ru; yaab'anqex chirix ut yehomaq: «Xtoqe'k li kawil che' a'in, x'oso'k li xwankil ut li xloq'al Mohab», cha'qex.

Jeremías 48:17 ပူးပေါင်းရင်းမြစ်များ

Isaías 9:4

Xban li raylal yo̱queb chixcꞌulbal laj Israel, chanchan cuan jun li yugo saꞌ xbe̱neb ut yo̱queb chi saqꞌuecꞌ riqꞌuin cheꞌ. Abanan xacuisiheb saꞌ raylal. Chanchan xacuisi li yugo ut xatok li cheꞌ. Xasach xcuanquileb li nequeꞌnumta saꞌ xbe̱neb laj Israel. Xasacheb li nequeꞌrahobtesin reheb, joꞌ caba̱nu reheb laj Madián junxil.

Jeremías 48:39

Chexya̱bak chirixeb laj Moab. Xucuajel chic rilbaleb. Nequeꞌxjal li riloba̱leb xban xxuta̱neb. Nequeꞌhobeꞌ ut nequeꞌseꞌe̱c xbaneb chixjunileb li cuanqueb chi xjun sutam.

Isaías 16:8

Quichakic lix naꞌajeb li acui̱mk uvas li cuanqueb Hesbón ut Sibma. Queꞌyekꞌi̱c xbaneb li jalan xtenamiteb. Junxil li acui̱mk uvas queꞌcuulac toj saꞌ li tenamit Jazer. Queꞌcuulac toj saꞌ li chaki chꞌochꞌ ut toj saꞌ li palau.

Isaías 10:5

Li Ka̱cuaꞌ quixye: —Eb laj Asiria nequeꞌcꞌanjelac chicuu joꞌ jun li tzꞌu̱m re xqꞌuebaleb chixtojbal xma̱queb li tenamit li yo̱ injoskꞌil saꞌ xbe̱n.

Salmos 110:2

Li nimajcual Dios tixqꞌue chak la̱ cuanquil toj saꞌ li santil naꞌajej Sión. Ut la̱at chic tattakla̱nk saꞌ xbe̱neb li xicꞌ nequeꞌiloc a̱cue.

Isaías 14:6

Li Dios quixsach xcuanquileb li queꞌtacuasin reheb li tenamit saꞌ joskꞌil. Quixsach xcuanquileb li incꞌaꞌ queꞌxcanab xrahobtesinquileb li tenamit. Rajlal queꞌxsicꞌ xya̱lal chanru nak teꞌxchꞌiꞌchꞌiꞌi.