Jeremías 48:14 - Li Santil hu

¹⁴ La̱ex aj Moab, ¿cꞌaꞌut nak nequeye nak la̱ex cha̱bil soldados ut cau e̱rib chi pletic?

Q'eqchi Bible

¹⁴ “K'a'ut naq nekeye laa'ex aj Mohab: «Kaw qib' ut k'ajo' xnimal li qametz'ew chi yalok»?

Jeremías 48:14 ပူးပေါင်းရင်းမြစ်များ

Salmos 33:16

Li acuabej re li ruchichꞌochꞌ ma̱ jokꞌe ta̱colekꞌ yal xbaneb lix soldados. Ut li cau rib incꞌaꞌ tixcol rib yal riqꞌuin xmetzꞌe̱u xjunes rib.

Isaías 10:16

Joꞌcan nak li nimajcual Dios ta̱risi lix lokꞌal eb li cauheb rib. Tixtakla jun li yajel saꞌ xbe̱neb. Chanchan nak yo̱keb chi cꞌatc xban xam.

Isaías 10:13

Lix reyeb laj Asiria naxye: —Chixjunil li xinba̱nu, xinba̱nu xban nak cuan innaꞌleb ut incuanquil. Xban nak ninnau cꞌoxlac, us xin-el riqꞌuin li xinba̱nu. Xinnumta saꞌ xbe̱neb nabal li tenamit ut xincꞌam chokꞌ cue lix biomaleb. Ut xinmakꞌ lix cuanquileb lix reyeb.

Sofonías 2:10

Chixjunil li raylal aꞌin ta̱cha̱lk saꞌ xbe̱neb laj Moab joꞌqueb ajcuiꞌ laj Amón xban nak xeꞌxnimobresi ribeb, ut queꞌxhob lix tenamit li Dios li kꞌaxal nim xcuanquil ut queꞌnumta saꞌ xbe̱neb.

Ezequiel 30:6

Ut quixye ajcuiꞌ li Ka̱cuaꞌ: —Teꞌosokꞌ chixjunileb li nequeꞌtenkꞌan reheb laj Egipto. Ta̱isi̱k xcuanquileb laj Egipto li nequeꞌxnimobresi cuiꞌ ribeb. Teꞌcamsi̱k saꞌ li ple̱t naticlac chak saꞌ li tenamit Migdol ut ta̱cuulak toj Sevene, chan li nimajcual Dios.

Jeremías 49:16

Xeꞌxbalakꞌi ribeb nak xeꞌxqꞌue xxiuheb li tenamit. Xeꞌxbalakꞌi ribeb nak xeꞌxnimobresi ribeb. Eb aꞌan xeꞌxyi̱b lix naꞌajeb saꞌ xya̱nkeb li sako̱nac saꞌ eb li ni̱nki tzu̱l joꞌ naxba̱nu li tꞌiu. Abanan usta najt xteram teꞌxyi̱b chak lix naꞌajeb, la̱in tebincubsi chak toj aran.

Jeremías 9:23

Li Ka̱cuaꞌ quixye: —Li ani cuan xnaꞌleb mixnimobresi rib xban nak cuan xnaꞌleb, chi moco li cau rib tixnimobresi rib xban nak cau rib. Ut li biom incꞌaꞌ tixnimobresi rib xban nak cuan xbiomal.

Jeremías 8:8

¿Chanru nak te̱ye, “La̱o cuan kanaꞌleb. La̱o cuan lix chakꞌrab li Ka̱cuaꞌ kiqꞌuin”? ¿Ma incꞌaꞌ ta biꞌ queꞌxjal ru lin chakꞌrab eb laj tzꞌi̱b?

Isaías 16:6

Eb laj Judá nequeꞌxye: —La̱o nakabi resil nak kꞌaxal kꞌetkꞌeteb laj Moab. Nequeꞌxnimobresi ribeb ut nequeꞌxkꞌetkꞌeti ribeb. Abanan ma̱cꞌaꞌ rajbal nak nequeꞌxnimobresi ribeb, chanqueb.

Eclesiastés 9:11

Cuan jun chic xinqꞌue retal saꞌ ruchichꞌochꞌ nak ma̱cuaꞌeb li kꞌaxal se̱beb li nequeꞌe̱chanin re li ma̱tan saꞌ li a̱linac, chi moco eb li cauheb rib li nequeꞌnumta saꞌ li ple̱t. Ut eb li cuanqueb xnaꞌleb incꞌaꞌ nequeꞌxtau xtzacae̱mkeb yal xban nak cuanqueb xnaꞌleb. Ut eb li se̱beb xchꞌo̱l incꞌaꞌ nequeꞌbiomoꞌ yal xban nak se̱beb xchꞌo̱l. Ut eb li tzolbileb moco rajlal ta nequeꞌcꞌuleꞌ saꞌ usilal. Chixjunil aꞌin moco nequeꞌxnau ta jokꞌe teꞌxcꞌul li chꞌaꞌajquilal.

Salmos 11:1

La̱in cau inchꞌo̱l riqꞌuin li Dios. ¿Cꞌaꞌut nak nacaye cue nak tine̱lelik ut tincol chak cuib saꞌ li tzu̱l joꞌ junak xul?