Jeremías 48:12 - Li Santil hu

¹² Abanan cuulac re xkꞌehil nak eb laj Moab teꞌcꞌamekꞌ chi pre̱xil saꞌ jalan naꞌajej joꞌ nak najaleꞌ xnaꞌaj li vino ut najoreꞌ lix naꞌaj.

Q'eqchi Bible

¹² “Ab'anan chalk re xkutankil naq laa'in tintaqlaheb' chaq laj jalonel xna'aj li b'iin: te'yamtesiiq xsa'eb' li kuk ut te'puk'iiq chi junwaakaj -chan li Qaawa'-.

Jeremías 48:12 ပူးပေါင်းရင်းမြစ်များ

Nahum 2:2

Li Ka̱cuaꞌ tixqꞌue cuiꞌchic xlokꞌaleb li ralal xcꞌajol laj Jacob. Tixqꞌue cuiꞌchic xlokꞌaleb laj Israel. Teꞌqꞌuehekꞌ cuiꞌchic xlokꞌal ut xcuanquil li quimakꞌeꞌ chiruheb xbaneb li queꞌnumta saꞌ xbe̱neb. Tixqꞌue cuiꞌchic li racui̱mkeb laj Israel li quisacheꞌ chiruheb.

Jeremías 48:38

Yalak bar yo̱queb chi ya̱bac xban nak la̱in xinsach ru li naꞌajej Moab. Yo̱queb chi ya̱bac saꞌ xbe̱neb li cab ut saꞌ eb li cꞌayil. Li tenamit chanchan jun li cuc li xjoreꞌ ut ma̱ ani na-ajoc re, chan li Dios.

Isaías 30:14

La̱ex tex-osokꞌ joꞌ nak najoreꞌ li cuc nak natꞌaneꞌ ut lix cꞌaj incꞌaꞌ chic nacꞌanjelac, chi moco re risinquil li ru xam chi moco re xlecbal li haꞌ saꞌ li jul.—

Salmos 2:9

Cau tattakla̱nk saꞌ xbe̱neb li tenamit xban nak la̱ cuanquil xinqꞌue chanchan jun xukꞌ chꞌi̱chꞌ. Joꞌcan nak tatrakok a̱tin saꞌ xbe̱neb toj retal teꞌosokꞌ. Chanchan nak najoreꞌ junak li chꞌochꞌ cuc nak teꞌosokꞌ,” chan li Ka̱cuaꞌ.

Jeremías 48:15

Eb li tenamit Moab ut eb li cristian teꞌsachekꞌ ruheb. Eb li sa̱j cui̱nk li sicꞌbileb ru camsinbilakeb chi chꞌi̱chꞌ nak teꞌosokꞌ, chan li tzꞌakal Rey, li “Nimajcual Dios” xcꞌabaꞌ.

Jeremías 48:11

Li Ka̱cuaꞌ quixye: —Junelic cꞌojcꞌo xchꞌo̱leb laj Moab. Incꞌaꞌ queꞌchapeꞌ ut incꞌaꞌ queꞌcꞌameꞌ saꞌ najtil tenamit. Chanchaneb li vino li tuktu ru li incꞌaꞌ quijaleꞌ xnaꞌaj. Incꞌaꞌ qui-el xsahil chi moco lix bo̱c.

Jeremías 48:8

Eb li teꞌsachok e̱ru teꞌcha̱lk saꞌ li junju̱nk chi tenamit. Ut ma̱ jun e̱re teꞌru̱k chi e̱lelic. Ta̱poꞌekꞌ ru li ru takꞌa ut ta̱sachekꞌ ru li chꞌochꞌ li ti̱c ru xban nak joꞌcan quixye li Ka̱cuaꞌ.

Jeremías 25:34

La̱ex li nequeꞌcꞌamoc be chiruheb lin tenamit chexya̱bak. Chexya̱bak ut chetolcꞌosi e̱rib saꞌ li poks retalil li xrahil e̱chꞌo̱l xban nak cuulac re xkꞌehil nak texcamsi̱k. Chanchanakex chic li cha̱bil secꞌ li quijoreꞌ.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Jeremías 19:10

Chirix aꞌan ta̱jor li cuc chiruheb li cui̱nk li xacꞌameb cha̱cuix.

Jeremías 14:3

Eb li cuanqueb xcuanquil nequeꞌxtakla lix mo̱seb chixsicꞌbal li haꞌ. Nequeꞌxic cuan cuiꞌ lix julel li haꞌ abanan incꞌaꞌ nequeꞌxtau li haꞌ xban nak chaki. Ma̱cꞌaꞌ xsaꞌ lix cuqueb nak nequeꞌsukꞌi li mo̱s. Yo̱queb chi cꞌoxlac ut nequeꞌxtzꞌap li ru xban xxuta̱neb.

Isaías 16:2

Eb laj Moab xeꞌisi̱c saꞌ lix naꞌajeb chire li nimaꞌ Arnón. Chanchaneb laj xicꞌanel xul li queꞌisi̱c saꞌ eb lix soc.

Jeremías 48:13

Saꞌ eb li cutan aꞌan eb laj Moab teꞌxuta̱na̱k xban nak queꞌxcꞌojob xchꞌo̱leb riqꞌuin laj Quemos lix dioseb joꞌ nak eb laj Israel queꞌxuta̱na̱c xban lix dioseb li cuan Bet-el, li queꞌxcꞌojob cuiꞌ xchꞌo̱leb.