Jeremías 48:10 - Li Santil hu

¹⁰ (Tzꞌekta̱nanbilakeb li incꞌaꞌ nequeꞌxqꞌue xchꞌo̱l chixba̱nunquil lix cꞌanjel li Dios. Tzꞌekta̱nanbilakeb li incꞌaꞌ teꞌoque̱nk chi camsi̱nc nak taklanbileb xban li Ka̱cuaꞌ.)

Q'eqchi Bible

¹⁰ Tz'eqtaananb'ilaq li ani naxq'ema rib' chi xb'aanunkil li xk'anjel li Qaawa'! Tz'eqtaananb'ilaq li ink'a' naraj okenk chi kamsink!

Jeremías 48:10 ပူးပေါင်းရင်းမြစ်များ

1 Reyes 20:42

Ut li profeta quixye re li rey: —Joꞌcaꞌin xye li Ka̱cuaꞌ: “La̱at xacuachꞌab li cui̱nk li xinye nak ta̱ca̱mk. Joꞌcan nak la̱at tatca̱mk chokꞌ re̱kaj, ut la̱ tenamit teꞌsachekꞌ ruheb chokꞌ re̱kaj lix tenamit aꞌan”, chan li Dios.—

1 Samuel 15:3

Texxic anakcuan chi pletic riqꞌuineb laj Amalec. Te̱sach ruheb chixjunil li cꞌaꞌruheb re. Me̱ril xtokꞌoba̱l ruheb. Te̱camsiheb chixjunileb joꞌ cui̱nk, joꞌ ixk, joꞌqueb ajcuiꞌ li cocꞌal ut eb li toj cꞌulaꞌaleb. Te̱camsiheb ajcuiꞌ lix cuacax, ut eb lix carner, eb lix camelleb joꞌ eb ajcuiꞌ lix bu̱reb”, chan li Ka̱cuaꞌ.

Jueces 5:23

Lix ángel li Ka̱cuaꞌ quixye, “Chetzꞌekta̱naheb li cuanqueb saꞌ li tenamit Meroz xban nak incꞌaꞌ queꞌco̱eb chi pletic. Chetzꞌekta̱naheb xban nak incꞌaꞌ queꞌxtenkꞌaheb lix soldado li Ka̱cuaꞌ nak queꞌpletic riqꞌuineb li cuanqueb xcuanquil.”

2 Reyes 13:19

Quichal xjoskꞌil li profeta Eliseo saꞌ xbe̱n li rey ut quixye re: —Cui ta xatochꞌ o̱bak sut malaj ut cuakibak sut li chꞌochꞌ, la̱at raj tatnumta̱k saꞌ xbe̱neb laj Siria toj retal ta̱sach ruheb chi junaj cua. Abanan anakcuan oxib sut ajcuiꞌ tatnumta̱k saꞌ xbe̱neb laj Siria, chan.

1 Samuel 15:9

Laj Saúl ut eb lix soldado incꞌaꞌ queꞌxcamsi laj Agag, chi moco queꞌxcamsiheb li carner li cha̱bil, chi moco li cuacax li ni̱nkeb xtibel. Ut incꞌaꞌ queꞌxsach ru li cꞌaꞌru terto xtzꞌak. Caꞌaj cuiꞌ li cꞌaꞌru ma̱cꞌaꞌ na-oc cuiꞌ, aꞌan li queꞌxsach.

Jeremías 50:25

Chanchan nak li Ka̱cuaꞌ quixte li ochoch li xocxo cuiꞌ lix chꞌi̱chꞌ re pletic. Quirisi chak lix cꞌanjeleba̱l xban nak yo̱ xjoskꞌil. Quixba̱nu chi joꞌcan xban nak cuan li cꞌaꞌru tixba̱nu aran Babilonia li Ka̱cuaꞌ li nimajcual Dios.

Jeremías 47:6

La̱ex te̱jap e̱re chixyebal: —At Ka̱cuaꞌ, ¿ma incꞌaꞌ ta̱canab kacamsinquil? ¿Ma incꞌaꞌ ta̱ru̱k ta̱xoc la̱ chꞌi̱chꞌ saꞌ rochoch? ¿Ma incꞌaꞌ tathila̱nk caꞌchꞌinak?

1 Reyes 20:39

Nak yo̱ chi numecꞌ li rey, li profeta quixye re: —At rey, la̱in yo̱quin chi pletic nak xcuulac jun li soldado cuiqꞌuin ut quixye cue, “Il chi us li cui̱nk aꞌin re nak incꞌaꞌ ta̱e̱lelik. Cui ta̱e̱lelik cha̱cuu, ta̱toj rix riqꞌuin la̱ yuꞌam malaj ut ta̱toj rix riqꞌuin oꞌlaju libra chi tumin plata” chan li profeta.

1 Reyes 20:40

Abanan nak la̱in yo̱quin chi pletic, li cui̱nk quie̱lelic, chan li profeta. Ut li rey quixye re: —La̱at ajcuiꞌ xatyehoc re nak tenebanbil saꞌ a̱be̱n xtojbal rix. Ut joꞌcan ajcuiꞌ ta̱cꞌul joꞌ xaye, chan li rey.

Jeremías 11:3

Ta̱ye reheb: Joꞌcaꞌin xye li Ka̱cuaꞌ lix Dioseb laj Israel. Tzꞌekta̱nanbil li ani incꞌaꞌ naxba̱nu li cꞌaꞌru naxye saꞌ li contrato aꞌin.

Jeremías 47:7

Abanan, ¿chanru nak li Ka̱cuaꞌ tixcanab pletic e̱riqꞌuin? Aꞌan ac xtaklaheb li soldado chi pletic e̱riqꞌuin la̱ex li cuanquex Ascalón ut e̱riqꞌuin la̱ex li cuanqueb chire li palau.

Jeremías 50:27

Camsihomakeb chixjunil li cui̱nk li toj sa̱jeb. Chanchanakeb li cuacax li yo̱queb chi xic chi camsi̱c. Raylal ta̱cha̱lk saꞌ xbe̱neb laj Babilonia xban nak xcuulac xkꞌehil nak teꞌqꞌuehekꞌ chi xtojbal rix lix ma̱queb.

Josué 10:19

Abanan la̱ex me̱bay e̱rib. Me̱canab ra̱linanquileb li xicꞌ nequeꞌiloc ke. Texxic chirixeb ut te̱camsiheb. Incꞌaꞌ te̱canabeb chi xic saꞌ lix tenamiteb xban nak li Ka̱cuaꞌ Dios ac xkꞌaxtesiheb saꞌ e̱rukꞌ, chan laj Josué.