Jeremías 47:5 - Li Santil hu

⁵ Eb li cuanqueb Gaza teꞌxbes li rismal xjolomeb xban xrahil xchꞌo̱leb. Eb laj Ascalón incꞌaꞌ chic teꞌecꞌa̱nk. ¿Jokꞌe te̱canab xsetbal le̱ tibel retalil xrahil e̱chꞌo̱l?

Q'eqchi Bible

⁵ Eb' laj Gasa te'xjo xjolomeb' xb'aan li rahilal ut mem te'kanaaq eb' laj Askalón. Ut laa'ex li rela' eb' li winq ninqeb' xteram, toj jo'q'e teekanab' xlet'exinkil ru leetib'el?

Jeremías 47:5 ပူးပေါင်းရင်းမြစ်များ

Jeremías 48:37

Chixjunileb queꞌxbes li rismal xjolomeb ut queꞌrisi lix macheb. Chixjunileb queꞌxset li rukꞌeb ut queꞌrocsi li tꞌicr li kꞌes ru retalil li rahil chꞌo̱lej li cuanqueb cuiꞌ.

Jeremías 25:20

Teꞌcꞌuluk ajcuiꞌ raylal eb li jalaneb xtenamit li cuanqueb aran; chixjunileb lix reyeb laj Uz; chixjunileb lix reyeb laj Filistea li cuanqueb saꞌ eb li tenamit Ascalón, Gaza, Ecrón ut li joꞌ qꞌuial chic queꞌcana chi yoꞌyo aran Asdod;

Miqueas 1:16

La̱ex li cuanquex Judá nak te̱bes le̱ rismal jobil te̱ba̱nu. Tꞌuruꞌ ta̱cana̱k joꞌ xjolom li tꞌiu. Te̱ba̱nu aꞌan chokꞌ retalil xrahil e̱chꞌo̱l xban nak le̱ cocꞌal li raro̱queb e̱ban teꞌchapekꞌ ut teꞌcꞌamekꞌ saꞌ jalan tenamit.

Jeremías 41:5

queꞌcuulac Mizpa ca̱cꞌa̱l chi cui̱nk li queꞌchal chak Siquem, Silo, ut Samaria. Jobil lix macheb ut pejel li rakꞌeb ut setinbil lix tibeleb retalil lix rahil xchꞌo̱leb. Queꞌxcꞌam li ru li trigo ut li pom re teꞌmayejak saꞌ li templo.

San Marcos 5:5

Chi kꞌek chi cutan naxbeni rib saꞌ xbe̱neb li tzu̱l ut saꞌ xya̱nkeb li mukleba̱l camenak. Junelic yo̱ chixjapbal re ut naxyoqꞌui rib riqꞌuin kꞌesnal pec.

Ezequiel 25:16

Joꞌcan nak la̱in ninye nak tinpletik riqꞌuineb laj filisteo ut tinsach ruheb. Tinsach ruheb laj cereteo joꞌ eb ajcuiꞌ li joꞌ qꞌuial queꞌcana chire li palau.

Ezequiel 7:18

Teꞌxqꞌue kꞌes ru tꞌicr chirixeb ut yo̱keb xxiu. Jobilak rismaleb ut yo̱keb xxuta̱n.

Jeremías 47:4

Xcuulac xkꞌehil nak ta̱sachekꞌ ruheb laj filisteo. Teꞌsachekꞌ ruheb li teꞌraj xtenkꞌanquileb laj Tiro ut laj Sidón. Li Ka̱cuaꞌ oc re chixsachbal ruheb laj filisteo, li joꞌ qꞌuial incꞌaꞌ queꞌsacheꞌ ru aran Caftor chire li palau.

Jeremías 47:1

Joꞌcaꞌin quixye li Ka̱cuaꞌ re li profeta Jeremías chirixeb laj filisteo nak toj ma̱jiꞌ quisacheꞌ ru li tenamit Gaza xban laj faraón.

Jeremías 16:1

Li Ka̱cuaꞌ quixye cue:

Isaías 15:2

Eb li cuanqueb saꞌ li tenamit Dibón teꞌxic chi ya̱bac saꞌ li artal li cuan saꞌ xbe̱n bol. Eb li cuanqueb Moab rahak saꞌ xchꞌo̱leb ut teꞌya̱bak chirixeb li tenamit Nebo ut Medeba. Teꞌxbes lix jolomeb ut teꞌxjo lix macheb xban xrahil xchꞌo̱leb.

1 Reyes 18:28

Ut eb aꞌan kꞌaxal cuiꞌchic cau yo̱queb chixjapbal reheb chi tijoc ut yo̱queb chixyocꞌbal ribeb riqꞌuin chꞌi̱chꞌ joꞌ cꞌaynakeb chixba̱nunquil toj retal queꞌxchꞌulaqui ribeb saꞌ lix quiqꞌueleb.

Jueces 1:18

Eb li ralal xcꞌajol laj Judá queꞌre̱chaniheb li tenamit Gaza, Ascalón ut Ecrón rochbeneb li naꞌajej li cuanqueb chi xjun sutam.

Deuteronomio 14:1

La̱ex ralal xcꞌajol li Ka̱cuaꞌ le̱ Dios. Joꞌcan nak incꞌaꞌ te̱set le̱ tibel xban xrahil e̱chꞌo̱l chirix junak camenak, chi moco te̱jo le̱ rismal li cuan saꞌ xbe̱n le̱ pe̱quem.

Levítico 21:5

Laj tij incꞌaꞌ tixbes li rismal xjolom chixcꞌatk lix xic, chi moco tixset ruꞌuj lix mach, chi moco tixset lix tibel xban xrahil xchꞌo̱l.

Levítico 19:28

Me̱set le̱ tibel xban xrahil e̱chꞌo̱l chirix junak camenak. Ut incꞌaꞌ te̱qꞌue e̱retalil saꞌ le̱ tibel. La̱in li Ka̱cuaꞌ le̱ Dios xinyehoc re aꞌin.

Jeremías 16:6

Chixjunileb li cuanqueb saꞌ li naꞌajej aꞌin teꞌca̱mk, joꞌ li cuanqueb xcuanquil, joꞌ li ma̱cꞌaꞌeb xcuanquil. Ma̱ ani ta̱mukuk reheb, ut ma̱ ani ta̱rahokꞌ xchꞌo̱l chirixeb. Incꞌaꞌ teꞌxjo li rismal xjolomeb, chi moco teꞌxset xtibeleb xban xrahil xchꞌo̱leb.