Jeremías 47:4 - Li Santil hu

⁴ Xcuulac xkꞌehil nak ta̱sachekꞌ ruheb laj filisteo. Teꞌsachekꞌ ruheb li teꞌraj xtenkꞌanquileb laj Tiro ut laj Sidón. Li Ka̱cuaꞌ oc re chixsachbal ruheb laj filisteo, li joꞌ qꞌuial incꞌaꞌ queꞌsacheꞌ ru aran Caftor chire li palau.

Q'eqchi Bible

⁴ Xwulak xkutankil xsachb'al ruheb' laj Filistea, naq te'oso'q chixjunileb' li neke'tenq'ank re Tiro ut Sidón”. Li Qaawa' tixjuk' xwankileb' laj Filistea, li jo'k'ihaleb' ke'chalk Kreta, chire li palaw.

Jeremías 47:4 ပူးပေါင်းရင်းမြစ်များ

Amós 9:7

Joꞌcaꞌin naxye li Ka̱cuaꞌ reheb laj Israel: —Chicuu la̱in, la̱ex juntakꞌe̱tex riqꞌuineb laj Etiopía. ¿Ma ma̱cuaꞌ ta biꞌ la̱in quin-isin chak e̱re aran Egipto? Ut, ¿ma ma̱cuaꞌ ta biꞌ la̱in quin-isin reheb laj filisteo saꞌ li naꞌajej Creta ut eb laj arameo saꞌ li naꞌajej Kir? chan li Ka̱cuaꞌ Dios.

Isaías 20:6

Saꞌ eb li cutan aꞌan eb laj Filistea li cuanqueb chire li palau teꞌxye, “Qꞌuehomak retal cꞌaꞌru queꞌxcꞌul eb li tenamit li xkacꞌojob kachꞌo̱l saꞌ xbe̱neb. Saꞌ kachꞌo̱l la̱o nak eb aꞌan toeꞌxcol chiru lix reyeb laj Asiria. ¿Ani ta̱ru̱k ta̱colok ke anakcuan?” chaꞌakeb.—

Deuteronomio 2:23

Ut eb laj Caftor queꞌxsach ruheb laj aveo li queꞌcuan saꞌ li naꞌajej nacuulac toj Gaza. Ut eb laj caftoreo queꞌcana chi cua̱nc saꞌ lix naꞌajeb.)

Oseas 9:7

Cuulac re xkꞌehil li rakba a̱tin saꞌ e̱be̱n. Cuulac re xkꞌehil nak te̱toj rix le̱ ma̱c. Nak ta̱cuulak li cutan aꞌan, la̱ex aj Israel te̱qꞌue retal. Che̱ru la̱ex li profeta ma̱cꞌaꞌ chic xnaꞌleb. Laj yehol ra̱tin li Dios xlo̱coꞌ ru, chanquex. Xban xqꞌuial le̱ ma̱usilal xicꞌ chic niquine̱ril.

Ezequiel 21:29

Eb li visión li nequeril moco ya̱l ta ut li cꞌaꞌru nequekꞌehi ticꞌtiꞌ. Numtajenak le̱ ma̱usilal ut incꞌaꞌ us le̱ naꞌleb. Abanan cuulac re xkꞌehil nak te̱toj rix le̱ ma̱usilal nak texcamsi̱k chi chꞌi̱chꞌ.

Ezequiel 21:25

La̱at lix reyeb laj Israel, incꞌaꞌ us la̱ naꞌleb. Xamux a̱cuib xban li ma̱usilal xaba̱nu. Xcuulac xkꞌehil nak ta̱toj rix la̱ ma̱c xban nak xnumta la̱ ma̱usilal.

Ezequiel 7:12

Xcuulac xkꞌehil ut xcuulac xcutanquil nak li ani ta̱lokꞌok incꞌaꞌ ta̱sahokꞌ xchꞌo̱l riqꞌuin li tixlokꞌ. Ut li ani ta̱cꞌayi̱nk incꞌaꞌ ta̱rahokꞌ xchꞌo̱l riqꞌuin li tixcꞌayi xban nak lin joskꞌil cuan saꞌ xbe̱n chixjunileb li tenamit.

Jeremías 46:10

Abanan li cutan aꞌan, aꞌan li cutan nak li Ka̱cuaꞌ li nimajcual Dios tixqꞌueheb chixtojbal xma̱queb li xicꞌ nequeꞌiloc re. Teꞌcamsi̱k riqꞌuin chꞌi̱chꞌ toj retal ta̱cꞌojla̱k xchꞌo̱l. Chanchan nak li chꞌi̱chꞌ ta̱recꞌa xsahil lix quiqꞌueleb. Saꞌ li cutan aꞌan li camsi̱nc li ta̱cua̱nk saꞌ li norte chire li nimaꞌ Éufrates, aꞌan joꞌ jun li mayej chiru li Ka̱cuaꞌ.

Salmos 37:13

Abanan li Ka̱cuaꞌ naseꞌec xban li nequeꞌxba̱nu xban nak aꞌan naxnau nak cuulac re xkꞌehil nak teꞌsachekꞌ.

San Lucas 21:22

Ut saꞌ eb li cutan aꞌan, li Dios tixqꞌueheb chixtojbal rix lix ma̱queb li xicꞌ nequeꞌiloc re. Chi joꞌcan ta̱tzꞌaklok ru chixjunil li tzꞌi̱banbil retalil saꞌ li Santil Hu.

Ezequiel 30:8

La̱in tinqꞌue xxamlel li tenamit Egipto. Ut tinsach ruheb chixjunileb li teꞌraj oque̱nc chirix. Riqꞌuin aꞌan teꞌxqꞌue retal nak la̱in li Ka̱cuaꞌ.

Ezequiel 25:16

Joꞌcan nak la̱in ninye nak tinpletik riqꞌuineb laj filisteo ut tinsach ruheb. Tinsach ruheb laj cereteo joꞌ eb ajcuiꞌ li joꞌ qꞌuial queꞌcana chire li palau.

Isaías 31:8

Li tenamit Asiria ta̱sachekꞌ ru saꞌ li ple̱t, abanan ma̱cuaꞌ riqꞌuin xcuanquil cui̱nk chi moco riqꞌuin xchꞌi̱chꞌ cui̱nk ta̱sachekꞌ ruheb. Teꞌe̱lelik saꞌ li ple̱t ut eb lix soldado li toj sa̱jeb teꞌchapekꞌ ut teꞌcana̱k rubel xcuanquileb lin tenamit.

Isaías 10:3

Ut la̱ex, ¿cꞌaꞌru te̱ba̱nu nak ta̱cha̱lk li rakba a̱tin saꞌ e̱be̱n? ¿Cꞌaꞌru te̱ba̱nu nak junak tenamit ta̱cha̱lk chak chi najt chixsachbal e̱ru? ¿Ani aj iqꞌuin te̱patzꞌ e̱tenkꞌanquil? Ut, ¿bar te̱canab le̱ biomal?

Li xHu LAJ JOB 9:13

Nak li Dios najoskꞌoꞌ moco nanumeꞌ ta lix joskꞌil chi junpa̱t. Ut eb li kꞌaxal kꞌetkꞌeteb nequeꞌxcubsi ribeb rubel xcuanquil.

1 Crónicas 1:12

eb laj Patrusim ut eb laj Casluhim. Laj Patrusim ut laj Casluhim, aꞌaneb lix xeꞌto̱nil yucuaꞌeb laj filisteo ut laj caftoreo.

Josué 22:30

Laj Finees laj tij ut eb li nequeꞌcꞌamoc be, joꞌ ajcuiꞌ li nequeꞌtaklan saꞌ xbe̱neb li junju̱nk chꞌu̱tal queꞌrabi li cꞌaꞌru queꞌxye li ralal xcꞌajol laj Rubén, ut eb li ralal xcꞌajol laj Gad, ut li yijach li ralal xcꞌajol laj Manasés. Ut queꞌxcꞌul xchꞌo̱l li cꞌaꞌru queꞌxye.

Génesis 10:15

Laj Canaán, aꞌan xyucuaꞌ laj Sidón ut laj Het. Laj Sidón, aꞌan li asbej.

Isaías 14:31

Japomak e̱re chi ya̱bac che̱junilex la̱ex aj filisteo. Nabaleb li soldado xeꞌchal saꞌ li norte chi pletic e̱riqꞌuin. Chanchan li sib. Ut ma̱ jun reheb ta̱e̱lk saꞌ xya̱nkeb lix comon.