Jeremías 47:3 - Li Santil hu

³ Ta̱abi̱k xya̱b li rokeb li cacua̱y. Ta̱abi̱k xya̱b eb li carruajes nak yo̱keb chi cha̱lc li xicꞌ nequeꞌiloc reheb. Eb li yucuaꞌbej incꞌaꞌ chic teꞌrileb lix cocꞌal xban nak ma̱cꞌaꞌak chic xmetzꞌe̱uheb.

Q'eqchi Bible

³ Naq taa'ab'iiq xyaab' li roqeb' li kawaay ut tz'aapixikaq xyaab'eb' li xsuriil eb' li b'eleb'aal ch'iich', eb' li yuwa'b'ej ink'a' chik te'rileb' li xkok'al xb'aan naq maak'a'aq chik xmetz'eweb'.

Jeremías 47:3 ပူးပေါင်းရင်းမြစ်များ

Jeremías 8:16

Yo̱queb chak chi cha̱lc li xicꞌ nequeꞌiloc ke. Toj saꞌ li naꞌajej Dan na-abi̱c xya̱b saꞌ ruꞌujeb lix cacua̱yeb. Chixjunileb li tenamit nequeꞌsicsot xban xxiuheb nak nequeꞌrabi nak nequeꞌxjap re li cacua̱y. Cha̱lqueb re chixsachbal li kanaꞌaj ut chixjunil li cuan chi saꞌ. Xeꞌchal chixsachbal li tenamit joꞌ ajcuiꞌ chixjunileb li cristian, chanqueb.

Jueces 5:22

Kꞌaxal cau xya̱b rokeb li cacua̱y nak queꞌa̱linac chi cau. Nequeꞌtꞌilicbac nak yo̱queb chi xic.

Nahum 2:4

Eb li carruaje yo̱keb chi xic saꞌ a̱nil saꞌ eb li be. Telajeꞌnumekꞌ saꞌ eb li cꞌayil. Yalak bar telajeꞌxic. Chanchanakeb li xam ut chanchanakeb li rakꞌ ca̱k.

Jeremías 46:9

Taklahomakeb li cacua̱y chi xic. La̱ex li nequeꞌchꞌeꞌoc re li carruajes, texxic chi junpa̱t. Ayukex, ex soldados la̱ex aj etiopia ut la̱ex li cuanquex saꞌ li tenamit Put, li nequecꞌam le̱ chꞌi̱chꞌ re xcolbal re le̱ chꞌo̱l, ut la̱ex li cuanquex saꞌ li tenamit Lud li nequenau chi us cutuc riqꞌuin li tzimaj.

Apocalipsis 9:9

Chanchan chꞌi̱chꞌ cuan chire xchꞌo̱leb re xcolbaleb rib. Ut lix xiqꞌueb nequeꞌecꞌan joꞌ nequeꞌecꞌan qꞌuila carruaje quelonbil xban cacua̱y nak ac yo̱queb chi xic chi pletic.

Jeremías 50:42

Cuanqueb xtzimaj ut cuanqueb xla̱ns. Kꞌaxal joskꞌeb. Ma̱ ani nequeꞌril xtokꞌoba̱l ru. Nak nequeꞌxjap re chanchaneb li palau li cau na-ecꞌan. Yo̱queb chi cha̱lc chirix cacua̱y. Ac cauresinbileb re teꞌcha̱lk chi pletic e̱riqꞌuin la̱ex aj Babilonia.

Ezequiel 23:24

Teꞌcha̱lk chi pletic e̱riqꞌuin ut teꞌcha̱lk nabaleb li soldado rochbeneb. Cua̱nk xcarruajeb ut cua̱nkeb xcꞌanjeleba̱l re pletic. Cua̱nkeb xchꞌi̱chꞌ re xcolbal re xchꞌo̱leb ut cua̱nkeb xpunit chꞌi̱chꞌ. Teꞌxsut le̱ tenamit. Xban nak yo̱ injoskꞌil saꞌ e̱be̱n, la̱in texinkꞌaxtesi saꞌ rukꞌeb ut eb aꞌan teꞌrakok a̱tin saꞌ e̱be̱n joꞌ naxye saꞌ lix chakꞌrabeb.

Nahum 2:8

Li tenamit Nínive najter chanchan jun li nimaꞌ tzꞌaptzꞌo li rok. Ut nak napuqꞌueꞌ naxic saꞌ junpa̱t li haꞌ. Chanchan nak yo̱ chi e̱lc li haꞌ aꞌan, nak yo̱keb chi e̱lelic saꞌ lix tenamiteb laj Nínive. Usta teꞌyehekꞌ reheb, “Xaklinkex, ut sukꞌinkex chak,” abanan ma̱ jun chic reheb teꞌraj sukꞌi̱c.

Isaías 5:28

Lix tzimajeb kꞌesak ruꞌuj ut cauresinbilakeb. Ut li rixiꞌijeb lix cacua̱y cauhakeb joꞌ li pec. Ut lix ruedil lix carruajes nak nequeꞌsuri rib chanchan li ikꞌ li naxsuti rib.