Jeremías 47:2 - Li Santil hu

² Li Ka̱cuaꞌ quixye: —Qꞌuehomak retal. Yo̱keb chak chi cha̱lc saꞌ li norte eb laj Babilonia chixsachbal ruheb laj filisteo. Chanchan nak nabutꞌin li nimaꞌ nak yo̱keb chi cha̱lc. Chanchan nak li butꞌ ta̱numekꞌ saꞌ eb li naꞌajej ut tixsach chixjunileb li tenamit joꞌ eb ajcuiꞌ li cuanqueb chi saꞌ. Eb li cristian japjo̱keb re chi ya̱bac xban li raylal ta̱cha̱lk saꞌ xbe̱neb.

Q'eqchi Bible

² Li Qaawa' kixye re chi jo'ka'in: “Sa' xjayal releb'l iq' xe'chalk chaq eb' laj Babilonia jo'eb' chaq li b'ut'iha'; nab'ut'unk li na'ajej jo'wi' chixjunil li wank chisa', naxsacheb' li tenamit ut eb' li xpoyanamil. Japaqeb' re xb'aan li rahilal chixjunileb' li poyanam, ut yalaq b'ar te'yaab'aq li tenamit.

Jeremías 47:2 ပူးပေါင်းရင်းမြစ်များ

Jeremías 46:20

Li naꞌajej Egipto chanchan jun li cha̱bil tukꞌ ixk cuacax. Abanan ta̱sachekꞌ ru xbaneb li teꞌcha̱lk saꞌ li norte.

Jeremías 8:16

Yo̱queb chak chi cha̱lc li xicꞌ nequeꞌiloc ke. Toj saꞌ li naꞌajej Dan na-abi̱c xya̱b saꞌ ruꞌujeb lix cacua̱yeb. Chixjunileb li tenamit nequeꞌsicsot xban xxiuheb nak nequeꞌrabi nak nequeꞌxjap re li cacua̱y. Cha̱lqueb re chixsachbal li kanaꞌaj ut chixjunil li cuan chi saꞌ. Xeꞌchal chixsachbal li tenamit joꞌ ajcuiꞌ chixjunileb li cristian, chanqueb.

Jeremías 1:14

Ut li Ka̱cuaꞌ quixye cue: —Saꞌ li norte ta̱cha̱lk chak li raylal saꞌ xbe̱neb chixjunileb li cuanqueb saꞌ li naꞌajej aꞌin.

Apocalipsis 17:15

Quixye cue li ángel: —Li haꞌ li xacuil li chunchu cuiꞌ li ixk, aꞌan retalileb li xni̱nkal ru tenamit, aꞌ yal ani xte̱paleb xxeꞌto̱nil yucuaꞌeb, ut aꞌ yal chanru li ra̱tinoba̱leb.

Apocalipsis 17:1

Ut jun reheb li cuukub chi ángel, li cuanqueb li cuukub chi secꞌ riqꞌuineb, quixye cue: —Quim arin. Tincꞌut cha̱cuu jun li ixk li naxcꞌayi rib chunchu saꞌ xbe̱n li haꞌ retalil li nimal tenamit Babilonia li cuan xcuanquil saꞌ xbe̱neb nabal chi tenamit. Tincꞌut cha̱cuu li tojba ma̱c li xchal saꞌ xbe̱n li tenamit aꞌan xban li ma̱usilal nequeꞌxba̱nu.

Santiago 5:1

Aꞌut anakcuan, ex biom, cherabihak li oc cue chixyebal. Chiyotꞌekꞌ e̱chꞌo̱l ut chexya̱bak xban li raylal cha̱lc re saꞌ e̱be̱n.

1 Corintios 10:28

Aꞌut cui junak naxye a̱cue nak li tzacae̱mk aꞌan mayejanbil chiru li yi̱banbil dios, incꞌaꞌ ta̱tzaca aꞌan re nak incꞌaꞌ ta̱chꞌina̱k xchꞌo̱l li xyehoc a̱cue nak mayejanbil tzacae̱mk ut re ajcuiꞌ nak incꞌaꞌ ta̱oc xcꞌaꞌux.

1 Corintios 10:26

Naru te̱tzaca xban nak li Ka̱cuaꞌ Dios aꞌan laj e̱chal re li ruchichꞌochꞌ ut aꞌan ajcuiꞌ laj e̱chal re chixjunil li cuan saꞌ ruchichꞌochꞌ.

Nahum 1:8

Nak ta̱rakok a̱tin saꞌ xbe̱neb li xicꞌ nequeꞌiloc re, chanchan nak ta̱numekꞌ li butꞌi haꞌ saꞌ xbe̱neb nak tixsacheb ru. Chanchan tixtaklaheb saꞌ li kꞌojyi̱n nak tixqꞌue li raylal saꞌ xbe̱neb ut aran teꞌosokꞌ.

Daniel 11:22

Li ani teꞌxyal numta̱c saꞌ xbe̱n, teꞌsachekꞌ. Chanchan ta̱cha̱lk butꞌ saꞌ xbe̱neb nak tixsacheb. Li cui̱nk aꞌan tixsach ru li jun li quiba̱nun re li contrato riqꞌuin.

Jeremías 48:39

Chexya̱bak chirixeb laj Moab. Xucuajel chic rilbaleb. Nequeꞌxjal li riloba̱leb xban xxuta̱neb. Nequeꞌhobeꞌ ut nequeꞌseꞌe̱c xbaneb chixjunileb li cuanqueb chi xjun sutam.

Jeremías 46:13

Aꞌan aꞌin li quixye li Ka̱cuaꞌ re li profeta Jeremías chirix laj Nabucodonosor nak co̱ Egipto chixsachbal ru li tenamit.

Isaías 59:19

Chixjunileb teꞌxxucua ru li Ka̱cuaꞌ xban lix lokꞌal. Eb li cuanqueb saꞌ li oeste teꞌxucuak joꞌ eb ajcuiꞌ li cuanqueb saꞌ li este. Eb li xicꞌ nequeꞌiloc re li Ka̱cuaꞌ kꞌaxal nabaleb nak teꞌcha̱lk joꞌ jun li nimaꞌ nak yo̱ chi butꞌi̱nc. Abanan lix musikꞌ li Ka̱cuaꞌ tixram xbeheb. Chanchan nak tixxakab jun li bandera chiruheb.

Isaías 28:17

Li ti̱quilal ta̱cꞌanjelak cue joꞌ li bisleb nak tinrakok a̱tin saꞌ e̱be̱n. Ut li cha̱bilal ta̱cꞌanjelak joꞌ li plomo.— Chanchan li sakbach nak tixsach ru chixjunil li ticꞌtiꞌ li nequecꞌojob cuiꞌ e̱chꞌo̱l ut chanchan li butꞌ nak tixsach ru li nequecol cuiꞌ e̱rib.

Isaías 22:1

Aꞌan aꞌin resil li cꞌaꞌru ta̱cꞌulma̱nk saꞌ li ru takꞌa li quicꞌutbesi̱c cuiꞌ li visión chicuu xban li Dios. ¿Cꞌaꞌru xecꞌul anakcuan? ¿Cꞌaꞌut nak che̱junilex yo̱quex chi takecꞌ saꞌ xbe̱n le̱ rochoch xban le̱ xiu?

Isaías 15:8

Yalak bar saꞌ li naꞌajej Moab ta̱abi̱k li ya̱bac. Ta̱abi̱k saꞌ li tenamit Eglaim. Toj saꞌ li tenamit Beer-elim ta̱abi̱k lix ya̱beb.

Isaías 14:31

Japomak e̱re chi ya̱bac che̱junilex la̱ex aj filisteo. Nabaleb li soldado xeꞌchal saꞌ li norte chi pletic e̱riqꞌuin. Chanchan li sib. Ut ma̱ jun reheb ta̱e̱lk saꞌ xya̱nkeb lix comon.

Salmos 98:7

Chi-ecꞌa̱nk ta ru li palau ut chixjunil li cuan chi saꞌ. Chi-ecꞌa̱nk ta li ruchichꞌochꞌ saꞌ xnaꞌaj ut chixjunil li cuan chiru xban xsahil xchꞌo̱leb.

Salmos 96:11

Chisahokꞌ taxak saꞌ xchꞌo̱l li choxa joꞌ ajcuiꞌ li ruchichꞌochꞌ. Chi-ecꞌa̱nk taxak ru li palau joꞌ ajcuiꞌ chixjunil li cuan chi saꞌ xban xsahileb saꞌ xchꞌo̱l.

Salmos 50:12

Cui ta tintzꞌoca̱k incꞌaꞌ raj tinye a̱cue xban nak cue ajcuiꞌ li ruchichꞌochꞌ ut chixjunil li cuan chi saꞌ.

Salmos 24:1

Li Ka̱cuaꞌ, aꞌan laj e̱chal re li ruchichꞌochꞌ. Re li Ka̱cuaꞌ chixjunil li na-el saꞌ ruchichꞌochꞌ joꞌ ajcuiꞌ chixjunil li cuanqueb saꞌ ruchichꞌochꞌ.

Jeremías 6:22

Li Ka̱cuaꞌ quixye: —Cuan jun li nimla tenamit cau rib saꞌ li norte ut yo̱ chak chi cauresinquil rib re ta̱cha̱lk chi pletic.

Jeremías 46:12

Eb li xni̱nkal ru tenamit xerabi resil nak xcuteꞌ e̱xuta̱n. Chixjunileb xeꞌrabi nak yo̱quex chi ya̱bac xban li raylal li cuanquex cuiꞌ. Eb li soldado li cauheb rib teꞌxtich li rokeb chi ribileb rib ut teꞌtꞌanekꞌ, chan li Ka̱cuaꞌ.

Jeremías 46:24

Eb laj Egipto teꞌcꞌutekꞌ xxuta̱n. Teꞌchapekꞌ xbaneb li teꞌcha̱lk saꞌ li norte, chan li Dios.