Jeremías 47:1 - Li Santil hu

¹ Joꞌcaꞌin quixye li Ka̱cuaꞌ re li profeta Jeremías chirixeb laj filisteo nak toj ma̱jiꞌ quisacheꞌ ru li tenamit Gaza xban laj faraón.

Q'eqchi Bible

¹ A'an a'in li aatin kixye li Qaawa' re laj Jeremías, li propeet, chirixeb' laj Filistea, naq toj maji'aq na'eechaniik Gasa xb'aan laj Parahón.

Jeremías 47:1 ပူးပေါင်းရင်းမြစ်များ

Jeremías 25:20

Teꞌcꞌuluk ajcuiꞌ raylal eb li jalaneb xtenamit li cuanqueb aran; chixjunileb lix reyeb laj Uz; chixjunileb lix reyeb laj Filistea li cuanqueb saꞌ eb li tenamit Ascalón, Gaza, Ecrón ut li joꞌ qꞌuial chic queꞌcana chi yoꞌyo aran Asdod;

Génesis 10:19

Lix chꞌochꞌeb laj cananeo naticla chak toj Sidón ut naxtau xnuba̱l li tenamit Gaza li nacana saꞌ xjayal Gerar. Ut naxtau ajcuiꞌ lix nuba̱l li tenamit Lasa li nacana saꞌ xjayal li ca̱hib chi tenamit Sodoma, Gomorra, Adma ut Zeboim.

1 Reyes 4:24

Laj Salomón quicuan xcuanquil saꞌ xbe̱n chixjunil li naꞌajej li cuan saꞌ li oeste. Naticla cuan cuiꞌ li nimaꞌ Éufrates. Naticla saꞌ li naꞌajej Tifsa ut nacuulac toj Gaza. Chixjunileb li rey li cuanqueb saꞌ eb li naꞌajej aꞌin cuanqueb rubel xcuanquil laj Salomón. Quicuan saꞌ usilal riqꞌuineb chixjunileb li cuanqueb chi xjun sutam.

Isaías 14:29

La̱ex aj filisteo, misahoꞌ saꞌ e̱chꞌo̱l nak xtokeꞌ li cheꞌ li xexsaqꞌueꞌ cuiꞌ. Nak nacam jun li cꞌantiꞌ, nachal chokꞌ re̱kaj jun chic li cꞌantiꞌ kꞌaxal yibru chiru li quicuan junxil. Nak ta̱mok lix mol li cꞌantiꞌ, ta̱yoꞌla̱k jun li cꞌantiꞌ li napiscꞌoc. Li cꞌantiꞌ aꞌan kꞌaxal xiu xiu.

Ezequiel 25:16

Joꞌcan nak la̱in ninye nak tinpletik riqꞌuineb laj filisteo ut tinsach ruheb. Tinsach ruheb laj cereteo joꞌ eb ajcuiꞌ li joꞌ qꞌuial queꞌcana chire li palau.

Joel 3:4

La̱ex laj Tiro ut la̱ex laj Sidón ut che̱junilex la̱ex laj filisteo, ¿cꞌaꞌru te̱raj cuiqꞌuin? ¿Ma cuan ta biꞌ cꞌaꞌru xinba̱nu e̱re la̱in ut te̱raj te̱qꞌue re̱kaj cue? Chi se̱b tinsukꞌisi cuiꞌchic saꞌ e̱be̱n la̱ex li nequecꞌoxla xba̱nunquil. E̱cꞌulub nak tinba̱nu e̱re chi joꞌcan.

Ezequiel 25:15

Li Ka̱cuaꞌ li nimajcual Dios naxye: —Eb laj filisteo queꞌxba̱nu raylal reheb laj Judá, li xicꞌ queꞌril chalen najter. Xban nak xicꞌ queꞌril, queꞌxsach ruheb.