Jeremías 46:8 - Li Santil hu

⁸ Aꞌaneb laj Egipto li yo̱queb chi nima̱nc xcuanquil joꞌ li nimaꞌ Nilo nak nabutꞌin. Eb aꞌan nequeꞌxye: —Ta̱nima̱nk kacuanquil. Tonumta̱k saꞌ xbe̱neb li tenamit li cuanqueb saꞌ ruchichꞌochꞌ ut takasach xcuanquileb.

Q'eqchi Bible

⁸ A'an li tenamit Ejiipt li naxnima xwankil jo' li nima' Nilo, kama' jun li nima' q'axal kaw roq. «Taanimanq inwankil ut tweechani li ruuchich'och' -chan Ejiipt-; tinsacheb' li tenamit jo'wi' chixjunileb' li xpoyanamil».

Jeremías 46:8 ပူးပေါင်းရင်းမြစ်များ

Ezequiel 32:2

—At ralal cui̱nk, ta̱bicha jun li bich re rahil chꞌo̱lej chirix laj faraón lix reyeb laj Egipto. Ta̱ye: Chanchanat jun li cakcoj saꞌ xya̱nkeb li xni̱nkal ru tenamit. Chanchanat jun li joskꞌ aj xul dragón xcꞌabaꞌ nacuan saꞌ li palau. Nak narecꞌasi rib saꞌ li haꞌ natzꞌajnoꞌ li haꞌ ut nak nabe̱c nasululoꞌ ru.

Ezequiel 29:3

Ta̱ye reheb: joꞌcaꞌin xye li Ka̱cuaꞌ li nimajcual Dios. Yo̱ injoskꞌil saꞌ a̱be̱n la̱at, at faraón, lix reyeb laj Egipto. La̱at chanchanat jun li nimla xul dragón xcꞌabaꞌ li nacuan saꞌ nimaꞌ. Nacaye, “Li nimaꞌ Nilo cue la̱in. La̱in quinyi̱ban re,” chancat.

Daniel 11:10

Abanan eb li ralal xcꞌajol lix reyeb li cuanqueb saꞌ li norte, kꞌaxal cuiꞌchic teꞌjoskꞌokꞌ ut teꞌxtiquib xcauresinquil ribeb re pletic. Teꞌxchꞌutub nabaleb lix soldado ut teꞌxic cuiꞌchic chi pletic. Chanchanakeb jun li nimaꞌ nak teꞌoc ut ta̱cua̱nk cuiꞌchic jun nimla ple̱t nak teꞌxyal numta̱c saꞌ xbe̱neb li cuanqueb saꞌ li sur.

Amós 8:8

¿Ma incꞌaꞌ ta biꞌ ta̱ecꞌa̱nk li ruchichꞌochꞌ riqꞌuin chixjunil aꞌin? Ut, ¿ma incꞌaꞌ ta biꞌ teꞌya̱bak chixjunileb li tenamit xban li raylal li teꞌxcꞌul? Nak teꞌsachekꞌ chanchan nak nasachoc li nimaꞌ Nilo li cuan aran Egipto nak nabutꞌin.