Jeremías 46:5 - Li Santil hu

⁵ ¿Cꞌaꞌru yo̱queb chixcꞌulbal? Eb lix soldados laj Egipto yo̱queb chi xucuac ut yo̱queb chi sukꞌi̱c chirixeb. Eb lix soldados laj Babilonia yo̱queb chi numta̱c saꞌ xbe̱neb. Yo̱queb chi e̱lelic saꞌ junpa̱t chi incꞌaꞌ nequeꞌiloc chirixeb. Ut yalak bar xucuajel rilbal li yo̱queb chixcꞌulbal, chan li Ka̱cuaꞌ.

Q'eqchi Bible

⁵ Ab'anan k'aru yookeb' chi xk'ulb'al? Eb' laj Ejiipt xe'ch'inank xch'ool ut yookeb' chi elelik; eb' li xsoldaad yo xkamsinkileb' ut yookeb' chi elelik chi ink'a' neke'ilok chirixeb'. Xiwajel rilb'al li rahilal yalaq b'ar -chan li Qaawa'-.

Jeremías 46:5 ပူးပေါင်းရင်းမြစ်များ

Jeremías 49:29

Teꞌchapekꞌ ut teꞌcꞌamekꞌ lix queto̱mkeb ut eb lix muheba̱leb yi̱banbil riqꞌuin tꞌicr. Ta̱cꞌamekꞌ lix muheba̱leb ut chixjunil li cꞌaꞌru cuan reheb, joꞌ eb ajcuiꞌ lix camello. Ut eb li cristian teꞌxjap re chixyebal: —Kꞌaxal ra yo̱ chi cꞌulma̱nc yalak bar.

Jeremías 6:25

Mexxic saꞌ be chi moco texxic saꞌ xnaꞌaj le̱ racui̱mk xban nak xiu xiu yalak bar. Eb li xicꞌ nequeꞌiloc ke cuanqueb xchꞌi̱chꞌ saꞌ rukꞌeb, chanqueb.

Jeremías 46:21

Ut eb li soldado, li tojbileb, chanchaneb li cocꞌ cuacax li ni̱nkeb xtibel. Incꞌaꞌ teꞌxcuy pletic. Teꞌxsukꞌisi ban ribeb ut teꞌe̱lelik xban nak xcuulac xkꞌehil nak teꞌsachekꞌ ruheb.

Nahum 2:8

Li tenamit Nínive najter chanchan jun li nimaꞌ tzꞌaptzꞌo li rok. Ut nak napuqꞌueꞌ naxic saꞌ junpa̱t li haꞌ. Chanchan nak yo̱ chi e̱lc li haꞌ aꞌan, nak yo̱keb chi e̱lelic saꞌ lix tenamiteb laj Nínive. Usta teꞌyehekꞌ reheb, “Xaklinkex, ut sukꞌinkex chak,” abanan ma̱ jun chic reheb teꞌraj sukꞌi̱c.

Ezequiel 32:10

Nabal chi tenamit teꞌsachk xchꞌo̱leb nak teꞌrabi resil li cꞌaꞌru ta̱cꞌul. Eb li rey sicsotkeb xbaneb xxiu nak la̱in tincꞌut lin chꞌi̱chꞌ chiruheb saꞌ li cutan aꞌan nak tatcamsi̱k. Xiu xiu cua̱nkeb ut teꞌxcꞌoxla nak ma̱re teꞌcamsi̱k ajcuiꞌ eb aꞌan.

Jeremías 46:15

¿Cꞌaꞌut nak xtꞌaneꞌ le̱ dios li cau cuiꞌ e̱chꞌo̱l? Xtꞌaneꞌ xban nak li Ka̱cuaꞌ quixtꞌan.

Jeremías 20:10

Nacuabi nak nequeꞌa̱tinac chicuix saꞌ has. Kꞌaxal xiu xiu cuanquin nak ninxic yalak bar. Eb li cuami̱g nak queꞌcuan chak, yo̱queb chiroybeninquil nak tinba̱nu cꞌaꞌak re ru incꞌaꞌ us cha̱cuu. Nequeꞌxye, “Ma̱re tixba̱nu li incꞌaꞌ us re nak naru takajit ut takaqꞌue re̱kaj li yo̱ chixyebal ke,” chanqueb.

Isaías 19:16

Ta̱cuulak xkꞌehil nak chixjunileb laj Egipto chanchanakeb li ixk. Sicsotkeb xban xxiuheb nak teꞌxqꞌue retal nak li nimajcual Dios ta̱rakok a̱tin saꞌ xbe̱neb.

Génesis 19:17

Nak ac xeꞌel saꞌ li tenamit li cui̱nk quixye reheb: —A̱linankex re nak texcolekꞌ. Mex-iloc che̱rix chi moco te̱xakab e̱rib saꞌ li ru takꞌa. Ti̱c texxic toj saꞌ li tzu̱l re nak incꞌaꞌ tex-osokꞌ, chan reheb.

Isaías 5:25

Joꞌcan nak li Ka̱cuaꞌ Dios xjoskꞌoꞌ saꞌ e̱be̱n la̱ex lix tenamit ut xqꞌueheb chixtojbal lix ma̱queb. Eb li tzu̱l xeꞌecꞌan saꞌ xnaꞌajeb ut eb li camenak nequeꞌtꞌanaxin saꞌ eb li be. Abanan li Ka̱cuaꞌ toj ma̱jiꞌ na-el xjoskꞌil. Toj yo̱ xjoskꞌil saꞌ xbe̱neb.

Isaías 13:8

Nabal li raylal ta̱cha̱lk saꞌ xbe̱neb ut yo̱keb xxiu. Cꞌajoꞌ li raylal li teꞌxcꞌul. Chanchanak li raylal li naxcꞌul li ixk li oc re chi qꞌuira̱c. Teꞌxcaꞌya ribeb ut teꞌsach xchꞌo̱leb chi rilbal li cꞌaꞌru teꞌxcꞌul li jun chꞌol chic ut teꞌxuta̱nak.

Isaías 42:17

Abanan la̱in tincꞌut xxuta̱neb li nequeꞌxcꞌojob xchꞌo̱leb riqꞌuineb li yi̱banbil dios ut nequeꞌxye reheb, “La̱at lin dios.”

Jeremías 49:5

La̱in texinqꞌue chi xucuac xbaneb chixjunileb li cuanqueb che̱jun sutam. Che̱junilex tex-isi̱k saꞌ li naꞌajej li cuanquex cuiꞌ. Ut ma̱ ani ta̱chꞌutuba̱nk reheb li teꞌe̱lelik.

Ezequiel 39:18

Teꞌxtiu xtibeleb li ni̱nkeb xcuanquil, ut teꞌrucꞌ xquiqꞌueleb li queꞌtaklan saꞌ ruchichꞌochꞌ. Chanchanakeb li carner ut li toro ut li chiba̱t, li queꞌqꞌuiresi̱c Basán, li ni̱nkeb xtibel.

Nahum 2:9

Kacꞌamak li plata. Kacꞌamak li oro. Kꞌaxal cuiꞌchic nabal lix biomaleb ut cꞌajoꞌ xchakꞌal ru.

Sofonías 1:14

Yo̱ chi cuulac xkꞌehil nak ta̱rakok a̱tin li Ka̱cuaꞌ. Ac yo̱ chi nachꞌoc chak li cutan aꞌan. Kꞌaxal ra teꞌxcꞌul saꞌ li cutan aꞌan. Usta kꞌaxal cauheb rib, abanan teꞌxjap ajcuiꞌ re xbaneb xxiu chiru.