Jeremías 46:22 - Li Santil hu

²² Eb laj Egipto teꞌe̱lelik joꞌ nak nae̱lelic li cꞌantiꞌ nak yo̱keb chi nachꞌoc li xicꞌ nequeꞌiloc reheb. Teꞌcha̱lk riqꞌuin ma̱l. Chanchanakeb li cui̱nk li nequeꞌtꞌanoc cheꞌ.

Q'eqchi Bible

²² Te'eleliq eb' laj Ejiipt ut taa'ab'imanq xyaab' xkuxeb' chanchan naxuxb'ak li k'anti', xb'aan naq eb' laj puub' te'chalq sa' xb'een chi wanqeb' chaq xmaal jo' tawi' t'anok che' te'xb'aanu.

Jeremías 46:22 ပူးပေါင်းရင်းမြစ်များ

Isaías 29:4

Li tenamit Jerusalén ta̱cubsi̱k xcuanquil ut tꞌantꞌo̱keb saꞌ chꞌochꞌ. Saꞌ has teꞌa̱tinak saꞌ li chꞌochꞌ. Chanchanak jun li musikꞌej.

Isaías 14:8

Li cheꞌ ciprés ut li chacalteꞌ li cuan Líbano nequeꞌsahoꞌ saꞌ xchꞌo̱leb ut nequeꞌxye, “Chalen nak quisacheꞌ ru lix reyeb laj Babilonia ma̱ ani chic nequeꞌtꞌanoc ke,” chanqueb.—

Zacarías 11:2

Chexya̱bak xban xrahil e̱chꞌo̱l. Quitꞌaneꞌ li cheꞌ ciprés. X-osoꞌ li ni̱nki chacalteꞌ li cꞌajoꞌ xchakꞌal ru. Chexya̱bak xban nak quisacheꞌ li ni̱nki ji aran Basán. Qui-osoꞌ chixjunil li qꞌuicheꞌ.

Miqueas 7:16

Ut nak teꞌril lix nimal a̱cuanquilal saꞌ xya̱nkeb laj Israel, sachso̱keb xchꞌo̱l teꞌcana̱k li jalaneb xtenamit. Ma̱cꞌaꞌ teꞌxye chi moco teꞌraj rabinquil.

Miqueas 1:8

Ut quixye cuiꞌchic laj Miqueas: —Cꞌajoꞌ narahoꞌ inchꞌo̱l xban li ma̱usilal yo̱queb chixba̱nunquil laj Israel. Tinjap cue xban xrahil inchꞌo̱l ut tinya̱bak. Re xcꞌutbal chiruheb li tenamit nak kꞌaxal ra saꞌ inchꞌo̱l tincuisi lin xa̱b ut tincuisi li cuakꞌ. Chanchan nak nacuuꞌteꞌec laj xoj ut chanchan nak naya̱bac li cuarom nak tinya̱bak chi cau.

Isaías 37:24

Xataklaheb la̱ takl chinhobbal, la̱in li Dios, ut xaye: “Riqꞌuin lin qꞌuila carruaje re pletic xintakeꞌ saꞌ eb li ni̱nki tzu̱l. Toj saꞌ xbe̱neb li tzu̱l re Líbano li najt xteram xintakeꞌ. Xinyocꞌ li ni̱nki cheꞌ chacalteꞌ. Ut xintꞌaneb ajcuiꞌ li ciprés li raro xbaneb. Xincuulac toj saꞌ li qꞌuicheꞌ li cꞌajoꞌ xchꞌinaꞌusal.

Isaías 10:15

¿Ma naru ta biꞌ tixnimobresi rib li ma̱l chiru li ani nachꞌeꞌoc re? ¿Ma naru ta biꞌ tixkꞌetkꞌeti rib li seruch chiru li ani nachꞌeꞌoc re? ¿Ma naru ta biꞌ ta̱cuaclesi̱k junak cui̱nk xban li xukꞌ? Ut, ¿ma naru ta biꞌ nak li cheꞌ tixtakla junak li cui̱nk?

Josué 9:21

Incꞌaꞌ takacamsiheb. Abanan teꞌcana̱k chokꞌ aj sicꞌol siꞌ ut aj cꞌamol haꞌ chokꞌ ke la̱o aj Israel, chanqueb laj cꞌamol be saꞌ xya̱nkeb laj Israel. Joꞌcan queꞌxba̱nu re nak teꞌxba̱nu li cꞌaꞌru queꞌxyechiꞌi reheb.

Salmos 74:5

Chanchan yo̱queb chi tꞌanoc cheꞌ rubel qꞌuicheꞌ nak queꞌxjuqꞌui la̱ cuochoch riqꞌuin ma̱l.

Jeremías 46:21

Ut eb li soldado, li tojbileb, chanchaneb li cocꞌ cuacax li ni̱nkeb xtibel. Incꞌaꞌ teꞌxcuy pletic. Teꞌxsukꞌisi ban ribeb ut teꞌe̱lelik xban nak xcuulac xkꞌehil nak teꞌsachekꞌ ruheb.

Jeremías 46:23

Chanchanakeb li cui̱nk li nequeꞌtꞌanoc re li qꞌuicheꞌ. Incꞌaꞌ naru rajlanquileb xban xqꞌuialeb. Kꞌaxal nabaleb chiruheb laj sa̱cꞌ.