Jeremías 46:14 - Li Santil hu

¹⁴ Yehomak resil saꞌ eb li tenamit Egipto. Yehomak resil aran Migdol, Menfis, ut Tafnes. Yehomak reheb: Xaklinkex chi cau saꞌ le̱ naꞌaj ut cauresihomak e̱rib chi pletic xban nak yo̱queb chi osocꞌ saꞌ li ple̱t li cuanqueb che̱jun sutam.

Q'eqchi Bible

¹⁴ “Yehomaq li esil a'in sa' li tenamit Ejiipt ut puktesihomaq resil aran Mikdol, Menfis ut Tafnes: «Kawresihomaq eerib' ut xaqlinqex xb'aan naq yo li kamsink chesutam!».

Jeremías 46:14 ပူးပေါင်းရင်းမြစ်များ

Jeremías 46:10

Abanan li cutan aꞌan, aꞌan li cutan nak li Ka̱cuaꞌ li nimajcual Dios tixqꞌueheb chixtojbal xma̱queb li xicꞌ nequeꞌiloc re. Teꞌcamsi̱k riqꞌuin chꞌi̱chꞌ toj retal ta̱cꞌojla̱k xchꞌo̱l. Chanchan nak li chꞌi̱chꞌ ta̱recꞌa xsahil lix quiqꞌueleb. Saꞌ li cutan aꞌan li camsi̱nc li ta̱cua̱nk saꞌ li norte chire li nimaꞌ Éufrates, aꞌan joꞌ jun li mayej chiru li Ka̱cuaꞌ.

Jeremías 44:1

Li Ka̱cuaꞌ quia̱tinac riqꞌuin laj Jeremías chirixeb chixjunileb laj judío li cuanqueb Egipto saꞌ eb li tenamit Migdol, Tafnes, Menfis ut saꞌ li naꞌajej Patros.

Nahum 2:13

Li nimajcual Dios quixye: —La̱in tinsach ruheb laj Nínive. Tincꞌat lix carruajeb re pletic. Chanchan nak na-osoꞌ li sib saꞌ ikꞌ, joꞌcan nak teꞌosokꞌ. Riqꞌuin chꞌi̱chꞌ teꞌosokꞌ chixjunileb re nak incꞌaꞌ chic teꞌelkꞌak. Ut incꞌaꞌ chic ta̱abi̱k li cꞌaꞌru teꞌxye li ani teꞌxtakla xban nak ma̱ anihakeb chic.

Jeremías 2:30

Ma̱cꞌaꞌ rajbal nak quebinkꞌus chi cau le̱ ralal e̱cꞌajol xban nak incꞌaꞌ queꞌxqꞌue saꞌ xchꞌo̱l lix tijbaleb. La̱ex xecamsiheb li profeta joꞌ nak li cakcoj naxcamsi lix tib.

Isaías 1:20

Abanan cui nequekꞌet li cua̱tin li yo̱quin chixyebal e̱re, camsinbil nak tex-osokꞌ. Ma̱cꞌaꞌ chic xjalenquil. La̱in li Ka̱cuaꞌ li xinyehoc e̱re aꞌin, chan li Dios.

Jeremías 12:12

Saꞌ eb li tzu̱l quilajeꞌchal li queꞌsachoc ru lin naꞌaj. La̱in quintaklaheb li xicꞌ nequeꞌiloc reheb chi pletic riqꞌuineb ut chixsachbal ru chixjunil li naꞌajej. Ma̱ ani chic ta̱cua̱nk chi tuktu xchꞌo̱l.

Isaías 34:6

Nak teꞌcamsi̱k chanchan nak lix chꞌi̱chꞌ li Ka̱cuaꞌ ta̱osokꞌ saꞌ lix quiqꞌueleb ut saꞌ lix xe̱b. Chanchan nak nequeꞌcamsi̱c li cocꞌ carner ut eb li chiba̱t nak nequeꞌxqꞌue lix mayej. Chanchan nak li Ka̱cuaꞌ oc re xqꞌuebal li cꞌatbil mayej aran Bosra. Ma̱ caꞌchꞌin li camsi̱nc ta̱cua̱nk aran Edom.

Isaías 31:8

Li tenamit Asiria ta̱sachekꞌ ru saꞌ li ple̱t, abanan ma̱cuaꞌ riqꞌuin xcuanquil cui̱nk chi moco riqꞌuin xchꞌi̱chꞌ cui̱nk ta̱sachekꞌ ruheb. Teꞌe̱lelik saꞌ li ple̱t ut eb lix soldado li toj sa̱jeb teꞌchapekꞌ ut teꞌcana̱k rubel xcuanquileb lin tenamit.

2 Samuel 2:26

Laj Abner quixjap re chixyebal re laj Joab: —¿Ma tento nak junelic yo̱ko chixcamsinquil kib? ¿Ma incꞌaꞌ nacanau nak junes raylal tixqꞌue saꞌ kabe̱n? La̱o kacomon kib chikajunilo. ¿Ma incꞌaꞌ ta̱ye reheb la̱ soldados nak teꞌxcanab ka̱linanquil? chan.

Éxodo 14:2

—Ye reheb laj Israel nak jalan li be teꞌxcꞌam toj jun pacꞌal li naꞌajej Pi-hahirot. Saꞌ xyi li naꞌajej Migdol ut li palau saꞌ xjayal li naꞌajej Baal-zefón te̱yi̱b le̱ muheba̱l chire li palau.

Deuteronomio 32:42

Ta̱tꞌanekꞌ li quicꞌ chiru lin tzimaj nak tincamsiheb li xicꞌ nequeꞌiloc cue. Ma̱ ani ta̱colekꞌ chicuu nak tinpletik riqꞌuineb. Telajeꞌcamsi̱k chixjunileb joꞌ eb li tochꞌol ut eb li cuanqueb chi pre̱xil, joꞌ eb ajcuiꞌ li cuanqueb xcuanquil saꞌ xya̱nkeb li xicꞌ nequeꞌiloc cue, chan li Dios.

Isaías 19:13

Kꞌaxal to̱nteb li nequeꞌtaklan aran Zoán ut eb li nequeꞌcꞌamoc be saꞌ li tenamit Menfis. Xeꞌxqꞌue rib chi balakꞌi̱c ut xeꞌxqꞌue ajcuiꞌ chi balakꞌi̱c eb laj Egipto. Ut aꞌaneb raj li tzꞌakal nequeꞌcꞌamoc be saꞌ li tenamit.

Jeremías 46:2

Joꞌcaꞌin quixye li Ka̱cuaꞌ chirix li tenamit Egipto ut chirixeb lix soldado laj faraón Necao lix reyeb laj Egipto. Laj Nabucodonosor, lix reyeb laj Babilonia, quinumta saꞌ xbe̱n aran Carquemis chire li nimaꞌ Éufrates saꞌ li xca̱ chihab nak laj Joacim li ralal laj Josías cuan chokꞌ xreyeb laj Judá.

Jeremías 46:19

La̱ex aj Egipto, cauresihomak e̱rib chi cꞌamecꞌ chi pre̱xil. Li tenamit Menfis ta̱sachekꞌ ru. Ta̱cana̱k chi ma̱cꞌaꞌ cuan chi saꞌ.

Ezequiel 21:28

La̱at, at ralal cui̱nk, ta̱ye resil li cꞌaꞌru ta̱uxma̱nk. Ta̱ye: Joꞌcaꞌin xye li nimajcual Dios che̱rix la̱ex li ralal xcꞌajol laj Amón. La̱ex li nequexhoboc reheb laj Israel. Li chꞌi̱chꞌ ac isinbil chak saꞌ li rochoch. Kꞌesnanbil re ut nalemtzꞌun. Ac cauresinbil re ta̱camsi̱nk.

Ezequiel 30:13

Li nimajcual Dios xye: —La̱in tinpoꞌi li yi̱banbil dios ut tinsach ru li jalam u̱ch li cuanqueb Menfis. Incꞌaꞌ chic ta̱cua̱nk xreyeb laj Egipto. La̱in tinqꞌue xxiuheb chixjunileb li tenamit.

Oseas 9:6

Tex-e̱lk saꞌ le̱ tenamit xban li raylal yo̱kex chixcꞌulbal. Laj Asiria teꞌnumta̱k saꞌ e̱be̱n. Chanchan nak chapcho̱quex cuiꞌchic xbaneb laj Egipto. Ut nak tex-osokꞌ, chanchan nak texmukekꞌ aran Menfis. Ta̱chamokꞌ li qꞌuix ut li pim saꞌ le̱ naꞌaj quexcuan cuiꞌ, ut ta̱osokꞌ le̱ biomal.

Jeremías 2:16

Eb laj Menfis ut eb laj Tafnes queꞌnumta saꞌ e̱be̱n ut queꞌrisi le̱ cuanquil.