Jeremías 46:12 - Li Santil hu

¹² Eb li xni̱nkal ru tenamit xerabi resil nak xcuteꞌ e̱xuta̱n. Chixjunileb xeꞌrabi nak yo̱quex chi ya̱bac xban li raylal li cuanquex cuiꞌ. Eb li soldado li cauheb rib teꞌxtich li rokeb chi ribileb rib ut teꞌtꞌanekꞌ, chan li Ka̱cuaꞌ.

Q'eqchi Bible

¹² Eb' li xninqal ru tenamit neke'xnaw chik naq xsache'k laawankil, ut chixjunileb' xe'rab'i naq jap aawe chi yaab'ak; jun aj puub' naxpik'a rib' rik'in li jun chik ut chi xkab'ichaleb' neke't'ane'k chiru ch'och'”.

Jeremías 46:12 ပူးပေါင်းရင်းမြစ်များ

Jeremías 46:6

Eb li nequeꞌa̱linac chi cau incꞌaꞌ naru teꞌe̱lelik, chi moco li cauheb rib. Saꞌ li norte chire li nimaꞌ Éufrates xeꞌxtich li rokeb ut xeꞌtꞌaneꞌ.

Jeremías 14:2

Quixye: —Eb laj Judá yo̱queb chi ya̱bac xban li raylal li yo̱queb chixcꞌulbal. Kꞌaxal ra yo̱queb chixcꞌulbal lix tenamiteb. Chunchu̱queb li cristian saꞌ chꞌochꞌ xban xrahil xchꞌo̱leb. Ut eb laj Jerusalén yo̱queb chi ya̱bac xban li raylal li yo̱queb chixcꞌulbal.

Isaías 19:2

Li Ka̱cuaꞌ quixye: —La̱in tinchikꞌ xjoskꞌileb laj Egipto re nak teꞌpletik chi ribileb rib. Teꞌxpleti ribeb li ri̱tzꞌineb rib. Ut teꞌxpleti ribeb li rechcabal. Joꞌcan ajcuiꞌ eb li tenamit teꞌxpleti ribeb. Ut eb li cuanqueb xcuanquil teꞌxpleti ribeb.

Sofonías 1:10

Quixye ajcuiꞌ li Ka̱cuaꞌ: —Saꞌ eb li cutan aꞌan japjo̱keb re chixtzꞌa̱manquil xtenkꞌanquileb laj Judá joꞌqueb ajcuiꞌ li cuanqueb Jerusalén. Ut ta̱abima̱nk lix ya̱b lix cuxeb toj cuan cuiꞌ li oqueba̱l li nequeꞌcꞌayin cuiꞌ car. Ta̱abi̱k ajcuiꞌ lix ya̱b xcuxeb toj saꞌ lix cab oqueba̱l. Ut teꞌrabi nak yo̱keb chak chi cha̱lc saꞌ li tzu̱l li xicꞌ nequeꞌiloc reheb.

Jeremías 51:54

Abihomak nak yo̱keb chi ya̱bac laj Babilonia xban nak quisacheꞌ lix tenamiteb.

Jeremías 49:21

Nak ta̱sachekꞌ ru li tenamit aꞌan, chixjunileb li cuanqueb saꞌ ruchichꞌochꞌ sicsotkeb xbaneb xxiu nak teꞌrabi li choki̱nc. Ta̱abi̱k lix ya̱beb chi najt toj saꞌ li Caki Palau.

Jeremías 48:34

Eb li cuanqueb Hesbón yo̱queb chi ya̱bac ut lix ya̱beb nacuulac toj Eleale ut Jahaza. Lix ya̱beb na-abi̱c toj Zoar ut Horonaim ut Eglat-selisiya xban nak queꞌchakic li yuꞌam haꞌ li cuanqueb Nimrim.

Isaías 10:4

Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.

1 Samuel 5:12

Ut eb li incꞌaꞌ queꞌcam, ra cuanqueb xbaneb li tumor li queꞌel saꞌ xtibeleb. Yo̱queb chixjapbal reheb xban li raylal yo̱queb chixcꞌulbal. Ut quicuulac toj saꞌ choxa lix ya̱beb.

Isaías 24:11

Japjo̱queb re saꞌ eb li be xban nak ma̱cꞌaꞌ chic li vino. Li sahil chꞌo̱lejil quixsukꞌisi rib chokꞌ rahil chꞌo̱lejil. Ma̱ bar chic natauman li sahil chꞌo̱lej.

Jeremías 2:36

¿Cꞌaꞌut nak xejal e̱naꞌleb nak xepatzꞌ e̱tenkꞌanquil riqꞌuineb li jalaneb xtenamit? Ta̱cꞌutekꞌ e̱xuta̱n xbaneb laj Egipto joꞌ nak xcꞌuteꞌ e̱xuta̱n xbaneb laj Asiria.

Jeremías 47:2

Li Ka̱cuaꞌ quixye: —Qꞌuehomak retal. Yo̱keb chak chi cha̱lc saꞌ li norte eb laj Babilonia chixsachbal ruheb laj filisteo. Chanchan nak nabutꞌin li nimaꞌ nak yo̱keb chi cha̱lc. Chanchan nak li butꞌ ta̱numekꞌ saꞌ eb li naꞌajej ut tixsach chixjunileb li tenamit joꞌ eb ajcuiꞌ li cuanqueb chi saꞌ. Eb li cristian japjo̱keb re chi ya̱bac xban li raylal ta̱cha̱lk saꞌ xbe̱neb.

Jeremías 50:46

Nak teꞌrabi nak quichapeꞌ li tenamit Babilonia, chixjunileb li cuanqueb saꞌ ruchichꞌochꞌ sicsotkeb xbaneb xxiu. Ut lix ya̱beb ta̱abi̱k saꞌ lix ni̱nkal tenamit.

Nahum 2:5

Lix reyeb laj Nínive tixtakla xbokbaleb li nequeꞌcꞌamoc be chiruheb lix soldado. Teꞌxic raj saꞌ a̱nil saꞌ xbe̱n li tzꞌac re raj teꞌxcol li tenamit. Abanan teꞌxtich li rokeb ut telajeꞌtꞌanekꞌ.