Jeremías 46:10 - Li Santil hu

¹⁰ Abanan li cutan aꞌan, aꞌan li cutan nak li Ka̱cuaꞌ li nimajcual Dios tixqꞌueheb chixtojbal xma̱queb li xicꞌ nequeꞌiloc re. Teꞌcamsi̱k riqꞌuin chꞌi̱chꞌ toj retal ta̱cꞌojla̱k xchꞌo̱l. Chanchan nak li chꞌi̱chꞌ ta̱recꞌa xsahil lix quiqꞌueleb. Saꞌ li cutan aꞌan li camsi̱nc li ta̱cua̱nk saꞌ li norte chire li nimaꞌ Éufrates, aꞌan joꞌ jun li mayej chiru li Ka̱cuaꞌ.

Q'eqchi Bible

¹⁰ A'anaq xkutankil li Nimajwal Yos, naq taa'eeqajunq sa' xb'eeneb' li xik' neke'ilok re. Li q'esnal ch'iich' taasachoq toj reetal taak'ojlaaq xch'ool ut toj taaruk' xkik'eleb' li xe't'ane'k. Xb'aan naq nimla kamsink tixb'aanu li Nimajwal Yos chire li nima' Éwfrates, sa' li na'ajej wank sa' xjayal releb'l iq'.

Jeremías 46:10 ပူးပေါင်းရင်းမြစ်များ

Deuteronomio 32:42

Ta̱tꞌanekꞌ li quicꞌ chiru lin tzimaj nak tincamsiheb li xicꞌ nequeꞌiloc cue. Ma̱ ani ta̱colekꞌ chicuu nak tinpletik riqꞌuineb. Telajeꞌcamsi̱k chixjunileb joꞌ eb li tochꞌol ut eb li cuanqueb chi pre̱xil, joꞌ eb ajcuiꞌ li cuanqueb xcuanquil saꞌ xya̱nkeb li xicꞌ nequeꞌiloc cue, chan li Dios.

Joel 1:15

Tokꞌob xak ku xban nak cuulac re xcutanquil nak li Ka̱cuaꞌ li nimajcual Dios ta̱rakok a̱tin saꞌ kabe̱n. Aꞌan ta̱cha̱lk chixsachbal ru li tenamit.

Jeremías 46:2

Joꞌcaꞌin quixye li Ka̱cuaꞌ chirix li tenamit Egipto ut chirixeb lix soldado laj faraón Necao lix reyeb laj Egipto. Laj Nabucodonosor, lix reyeb laj Babilonia, quinumta saꞌ xbe̱n aran Carquemis chire li nimaꞌ Éufrates saꞌ li xca̱ chihab nak laj Joacim li ralal laj Josías cuan chokꞌ xreyeb laj Judá.

Jeremías 46:6

Eb li nequeꞌa̱linac chi cau incꞌaꞌ naru teꞌe̱lelik, chi moco li cauheb rib. Saꞌ li norte chire li nimaꞌ Éufrates xeꞌxtich li rokeb ut xeꞌtꞌaneꞌ.

San Lucas 21:22

Ut saꞌ eb li cutan aꞌan, li Dios tixqꞌueheb chixtojbal rix lix ma̱queb li xicꞌ nequeꞌiloc re. Chi joꞌcan ta̱tzꞌaklok ru chixjunil li tzꞌi̱banbil retalil saꞌ li Santil Hu.

Joel 2:1

Ya̱basihomak chak li trompeta saꞌ li tzu̱l Sión. Ya̱basihomak chak saꞌ li tzu̱l cuan cuiꞌ lix templo li Ka̱cuaꞌ re xyebal resil nak cuanco saꞌ raylal. Chexxucuak che̱junilex la̱ex li cuanquex Judá xban nak cuulac re xkꞌehil nak ta̱rakok a̱tin li Ka̱cuaꞌ saꞌ kabe̱n.

Jeremías 51:6

Elenkex Babilonia. Colomak e̱rib. Me̱qꞌue e̱rib chi sachecꞌ xban lix ma̱queb laj Babilonia. Xcuulac xkꞌehil nak li Ka̱cuaꞌ tixqꞌue re̱kaj reheb joꞌ xcꞌulubeb xcꞌulbal.

Jeremías 50:15

Japomak e̱re chi xjun sutam li tenamit xban nak eb laj Babilonia teꞌxkꞌaxtesi ribeb saꞌ e̱rukꞌ. Yo̱queb chi tꞌanecꞌ li cab li najt xteram ut teꞌtꞌanekꞌ li tzꞌac li sutsu cuiꞌ li tenamit. Xcuulac li ho̱nal nak li Ka̱cuaꞌ tixqꞌue re̱kaj li raylal li queꞌxba̱nu eb aꞌan.

Isaías 63:4

Xcuulac xcutanquil nak tinqꞌue re̱kaj li rahobtesi̱nc li queꞌxba̱nu reheb lin tenamit. Xcuulac xkꞌehil nak tincoleb lin tenamit saꞌ rukꞌeb li xicꞌ nequeꞌiloc reheb.

Isaías 13:6

Japomak e̱re chi ya̱bac xban li raylal li te̱cꞌul xban nak cuulac re xkꞌehil nak li Ka̱cuaꞌ Dios tixsach e̱ru.

2 Reyes 24:7

Ma̱ bar chic quiraj xic chi pletic lix reyeb laj Egipto xban nak lix reyeb laj Babilonia ac quire̱chani chixjunil li naꞌajej nak quipletic chak riqꞌuineb. Naticla cuan cuiꞌ li nimaꞌ re Egipto ut nacuulac toj saꞌ li nimaꞌ Éufrates.

Isaías 61:2

Quinixtakla chixyebal resil nak ac xcuulac xkꞌehil nak li Ka̱cuaꞌ tixcoleb lix tenamit ut tixsach xcuanquileb li xicꞌ nequeꞌiloc re. Quinixtakla ajcuiꞌ chixcꞌojobanquil xchꞌo̱leb li raheb saꞌ xchꞌo̱l.

Li xHu LAJ JOB 24:1

¿Cꞌaꞌut nak li nimajcual Dios incꞌaꞌ naxqꞌue retal li cꞌaꞌru nequeꞌxba̱nu li incꞌaꞌ useb xnaꞌleb? ¿Cꞌaꞌut nak incꞌaꞌ narakoc a̱tin chi junpa̱t re nak li nequeꞌpa̱ban re teꞌxqꞌue retal nak narakoc a̱tin saꞌ ti̱quilal?

Isaías 31:8

Li tenamit Asiria ta̱sachekꞌ ru saꞌ li ple̱t, abanan ma̱cuaꞌ riqꞌuin xcuanquil cui̱nk chi moco riqꞌuin xchꞌi̱chꞌ cui̱nk ta̱sachekꞌ ruheb. Teꞌe̱lelik saꞌ li ple̱t ut eb lix soldado li toj sa̱jeb teꞌchapekꞌ ut teꞌcana̱k rubel xcuanquileb lin tenamit.

Jeremías 12:12

Saꞌ eb li tzu̱l quilajeꞌchal li queꞌsachoc ru lin naꞌaj. La̱in quintaklaheb li xicꞌ nequeꞌiloc reheb chi pletic riqꞌuineb ut chixsachbal ru chixjunil li naꞌajej. Ma̱ ani chic ta̱cua̱nk chi tuktu xchꞌo̱l.

Jeremías 46:14

Yehomak resil saꞌ eb li tenamit Egipto. Yehomak resil aran Migdol, Menfis, ut Tafnes. Yehomak reheb: Xaklinkex chi cau saꞌ le̱ naꞌaj ut cauresihomak e̱rib chi pletic xban nak yo̱queb chi osocꞌ saꞌ li ple̱t li cuanqueb che̱jun sutam.

Jeremías 50:18

Joꞌcaꞌin naxye li Ka̱cuaꞌ li nimajcual Dios, lix Dioseb laj Israel: —La̱in tinqꞌue chixtojbal xma̱c lix reyeb laj Babilonia ut lix naꞌajeb joꞌ nak xinqꞌue chixtojbal xma̱c lix reyeb laj Asiria.

Ezequiel 21:28

La̱at, at ralal cui̱nk, ta̱ye resil li cꞌaꞌru ta̱uxma̱nk. Ta̱ye: Joꞌcaꞌin xye li nimajcual Dios che̱rix la̱ex li ralal xcꞌajol laj Amón. La̱ex li nequexhoboc reheb laj Israel. Li chꞌi̱chꞌ ac isinbil chak saꞌ li rochoch. Kꞌesnanbil re ut nalemtzꞌun. Ac cauresinbil re ta̱camsi̱nk.

Zacarías 6:6

Li carruaje li quelonbil xbaneb li cacua̱y kꞌek rixeb yo̱queb chi xic saꞌ li norte, ut li carruaje li quelonbil xbaneb li cacua̱y sak rixeb yo̱queb chi xic saꞌ li oeste li na-oc cuiꞌ li sakꞌe ut li quelonbil xbaneb li repex rixeb yo̱queb chi xic saꞌ li sur.—

Isaías 2:12

Saꞌ eb li cutan aꞌan li Ka̱cuaꞌ li kꞌaxal nim xcuanquil ta̱rakok a̱tin saꞌ xbe̱neb li nequeꞌrecꞌa nak ni̱nkeb xcuanquil. Ta̱risi xcuanquileb li nequeꞌxnimobresi ribeb ut eb li nequeꞌxkꞌetkꞌeti ribeb.