Jeremías 45:3 - Li Santil hu

³ La̱at xaye, “Tokꞌob xak cuu. Li Ka̱cuaꞌ xqꞌue xtzꞌakob li raylal li cuanquin cuiꞌ. Tacuajenakin ut incꞌaꞌ naru ninhilan riqꞌuin li raylal cuanquin cuiꞌ,” chancat.

Jeremías 45:3 ပူးပေါင်းရင်းမြစ်များ

Gálatas 6:9

Joꞌcan nak mextitzꞌ chixba̱nunquil li us. Cui incꞌaꞌ nachꞌinan kachꞌo̱l nak ta̱cuulak xkꞌehil la̱o take̱chani li kakꞌajca̱munquil.

2 Corintios 4:16

Joꞌcan nak incꞌaꞌ nachꞌinan kachꞌo̱l. Li katibel yo̱ chi lajc, yo̱ chi osocꞌ. Abanan li ka̱m acꞌobresinbil rajlal cutan xban li Dios.

2 Corintios 4:1

Yal xban rusilal li Dios nak quixqꞌue ke li cꞌanjel aꞌin re xchꞌolobanquil xya̱lal li acꞌ contrato. Joꞌcan nak incꞌaꞌ nachꞌinan kachꞌo̱l.

2 Ts 3:13

Ut la̱ex, ex herma̱n, incꞌaꞌ taxak textitzꞌk chixba̱nunquil li us.

Lamentaciones 3:32

Usta naxqꞌue xrahil kachꞌo̱l, abanan naruxta̱na ku xban nak kꞌaxal nim li ruxta̱n saꞌ kabe̱n.

Lamentaciones 1:22

Chaqꞌue taxak retal li incꞌaꞌ us nequeꞌxba̱nu li xicꞌ nequeꞌiloc ke. Chaba̱nu taxak riqꞌuineb aꞌan joꞌ xaba̱nu kiqꞌuin la̱o xban li ma̱usilal xkaba̱nu. Cꞌajoꞌ nak nayotꞌeꞌ kachꞌo̱l ut tacuajenako xban li raylal yo̱co chixcꞌulbal.

Lamentaciones 1:13

Chanchan nak li Ka̱cuaꞌ quixtakla chak jun li xam toj saꞌ choxa. Nacuulac xtikcual toj saꞌ kabakel. Chanchan nak quixqꞌue jun li raꞌal saꞌ kabe re totꞌanekꞌ cuiꞌ. Ut chirix aꞌan coxcanab kajunes chixcꞌulbal li raylal.

Jeremías 9:1

Us raj cui lin jolom joꞌ jun li yuꞌam haꞌ ut li xnakꞌ cuu joꞌ li haꞌ li nabe̱c rok. Tinya̱bak raj chi kꞌek chi cutan chirixeb li cuech tenamitil li queꞌcamsi̱c.

Jeremías 8:18

Laj Jeremías quixye: —At Ka̱cuaꞌ, cꞌajoꞌ xrahil inchꞌo̱l. Incꞌaꞌ chic nincuy.

Proverbios 24:10

Cui nachꞌinan a̱chꞌo̱l nak cuancat saꞌ chꞌaꞌajquilal, aꞌan naraj naxye nak ma̱cꞌaꞌ xcacuilal a̱chꞌo̱l.

Salmos 120:5

Kꞌaxal ra chokꞌ cue nak cuanquin saꞌ li tenamit Mesec saꞌ xya̱nkeb li ralal xcꞌajol laj Cedar.

Salmos 69:3

Xinlub chixtzꞌa̱manquil intenkꞌanquil ut xtzꞌap saꞌ incux xban nak japjo cue. Ut li xnakꞌ cuu incꞌaꞌ chic saken nequeꞌiloc xban li ya̱bac. Yo̱quin chiroybeninquil intenkꞌanquil a̱cuiqꞌuin la̱at, at inDios.

Salmos 42:7

Nak nacuabi lix cau ok li haꞌ nak nocoxnumekꞌ saꞌ lix ni̱nkal ru takꞌa, chanchan aꞌan li raylal yo̱quin chixcꞌulbal. Chanchan nak li rok haꞌ qꞌuebil a̱ban yo̱ chi numecꞌ saꞌ inbe̱n nak nacuecꞌa.

Salmos 27:13

Abanan la̱in ninnau nak tincꞌul li rusilal li Dios nak toj cua̱nkin saꞌ ruchichꞌochꞌ.

Salmos 6:6

Tacuajenakin xban li raylal cuanquin cuiꞌ. Ninlub chi ya̱bac. Rajlal kꞌojyi̱n yo̱quin chi ya̱bac saꞌ incuariba̱l. Ut natꞌaka lix soc injolom xban lix yaꞌal cuu.

Li xHu LAJ JOB 23:2

—Anakcuan oc cuiꞌchic cue chi a̱tinac chi ra saꞌ inchꞌo̱l xban nak kꞌaxal cuiꞌchic ra yo̱ chixba̱nunquil cue li Ka̱cuaꞌ Dios.

Jeremías 45:2

—At Baruc, joꞌcaꞌin yo̱ chixyebal a̱cue li Ka̱cuaꞌ lix Dioseb laj Israel:

Salmos 6:7

Xsi̱poꞌ li xnakꞌ cuu xban li ya̱bac. Incꞌaꞌ chic sa nin-iloc. Chixjunil li raylal li yo̱quin chixcꞌulbal, aꞌan xbaneb li xicꞌ nequeꞌiloc cue.