Jeremías 45:1 - Li Santil hu

¹ Saꞌ li xca̱ chihab nak laj Joacim li ralal laj Josías cuan chokꞌ xreyeb laj Judá, laj Baruc li ralal laj Nerías quixtzꞌi̱ba saꞌ li botbil hu li cꞌaꞌru quiyeheꞌ re xban li profeta Jeremías. Laj Jeremías quia̱tinac cuiꞌchic riqꞌuin laj Baruc ut quixye re:

Q'eqchi Bible

¹ A'an a'in li aatin kixye laj Jeremías re laj Baruk, ralal laj Nerías, naq a'in kixtz'iib'a sa' li b'otb'ookil hu chixjunil li kiyehe'k re, sa' li xka chihab' chi awab'ejink laj Johakín, ralal laj Josías, ut awab'ej re Judá:

Jeremías 45:1 ပူးပေါင်းရင်းမြစ်များ

Jeremías 36:1

Yo̱ xca̱ chihab roquic chokꞌ xreyeb laj Judá laj Joacim li ralal laj Josías nak li Ka̱cuaꞌ Dios quia̱tinac cuiꞌchic riqꞌuin laj Jeremías ut quixye re chi joꞌcaꞌin:

Jeremías 36:4

Ut laj Jeremías quixbok laj Baruc, li ralal laj Nerías ut quixye re chixjunil li quiyeheꞌ re xban li Ka̱cuaꞌ Dios. Ut laj Baruc quixtzꞌi̱ba chixjunil saꞌ li hu joꞌ quiyeheꞌ re xban laj Jeremías.

Jeremías 32:12

Ut xinqꞌue li hu aꞌin re laj Baruc, li ralal laj Nerías, li ri laj Maasías, chiru laj Hanameel li ralal li cuican, ut chiruheb li testigo li queꞌxtzꞌi̱ba xcꞌabaꞌeb saꞌ lix huhul li chꞌochꞌ ut chiruheb ajcuiꞌ chixjunileb laj judío li cuanqueb saꞌ li neba̱l re li cab li cuanquin cuiꞌ chi pre̱xil.

Jeremías 36:32

Ut laj Jeremías quixchap jun chic li botbil hu ut quixqꞌue re laj Baruc laj tzꞌi̱b, li ralal laj Nerías. Laj Baruc quixtzꞌi̱ba saꞌ li hu chixjunil li a̱tin li quiyeheꞌ re xban laj Jeremías. Quixtzꞌi̱ba chixjunil li quicuan saꞌ li hu li quixcꞌat laj Joacim lix reyeb laj Judá. Ut toj cuan chic nabal xcomon li a̱tin li quixtzꞌi̱ba saꞌ li hu.

Jeremías 32:16

Nak ac quinqꞌue li hu re laj Baruc li ralal laj Nerías, quintijoc chiru li Dios ut quinye re:

Jeremías 25:1

Nak ac yo̱ xca̱ chihab roquic chokꞌ xreyeb laj Judá laj Joacim li ralal laj Josías, li Ka̱cuaꞌ quia̱tinac riqꞌuin laj Jeremías chirixeb chixjunileb laj Judá. Aꞌin quicꞌulman saꞌ li xbe̱n chihab nak laj Nabucodonosor cuan chokꞌ xreyeb laj Babilonia.

2 Crónicas 36:5

O̱b xcaꞌcꞌa̱l chihab cuan re laj Joacim nak qui-oc chokꞌ xreyeb laj Judá. Junlaju chihab quicuan chokꞌ rey aran Jerusalén. Li rey Joacim quixba̱nu li incꞌaꞌ us chiru li Ka̱cuaꞌ lix Dios.

Jeremías 36:26

Li rey quixtaklaheb laj Jerameel li ralal laj Hamelec, ut laj Seraías li ralal laj Azriel, ut laj Selemías li ralal laj Abdeel chixchapbaleb laj Baruc laj tzꞌi̱b ut li profeta Jeremías re nak teꞌxqꞌue chi pre̱xil. Abanan li Ka̱cuaꞌ quixtenkꞌaheb re teꞌxmuk rib chiruheb.

Jeremías 26:1

Saꞌ li xbe̱n chihab nak cuan chokꞌ xreyeb laj Judá laj Joacim li ralal laj Josías, li Ka̱cuaꞌ quia̱tinac riqꞌuin laj Jeremías.

2 Reyes 24:1

Nak cuan chokꞌ xreyeb laj Judá laj Joacim, laj Nabucodonosor lix reyeb laj Babilonia quipletic riqꞌuineb laj Judá. Oxib chihab quicuan laj Joacim rubel xcuanquil. Chirix aꞌan laj Joacim quixkꞌetkꞌeti rib chiru laj Nabucodonosor.

Jeremías 45:2

—At Baruc, joꞌcaꞌin yo̱ chixyebal a̱cue li Ka̱cuaꞌ lix Dioseb laj Israel:

Jeremías 46:2

Joꞌcaꞌin quixye li Ka̱cuaꞌ chirix li tenamit Egipto ut chirixeb lix soldado laj faraón Necao lix reyeb laj Egipto. Laj Nabucodonosor, lix reyeb laj Babilonia, quinumta saꞌ xbe̱n aran Carquemis chire li nimaꞌ Éufrates saꞌ li xca̱ chihab nak laj Joacim li ralal laj Josías cuan chokꞌ xreyeb laj Judá.

Jeremías 51:59

Saꞌ li xca̱ chihab roquic chokꞌ xreyeb laj Israel laj Sedequías, nak li profeta Jeremías quia̱tinac riqꞌuin laj Seraías, li ralal laj Nerías, ut li ri laj Maasías. Laj Seraías quirochbeni li rey Sedequías nak co̱ Babilonia. Aꞌan li na-iloc re li rey.

Daniel 1:1

Yo̱ rox chihab roquic laj Joacim chokꞌ xreyeb laj Judá nak quicuulac Jerusalén laj Nabucodonosor lix reyeb laj Babilonia chi pletic riqꞌuineb.

Jeremías 36:2

—Sicꞌ jun botolak li hu ut ta̱tzꞌi̱ba chiru chixjunil li xinye a̱cue chirixeb laj Israel ut chirixeb laj Judá ut tzꞌi̱ba ajcuiꞌ li xinye chirixeb ajcuiꞌ chixjunileb li tenamit jun chꞌol chic. Toj cua̱nk chokꞌ rey laj Josías nak quintiquib a̱tinac a̱cuiqꞌuin ut toj chalen anakcuan.