Jeremías 44:7 - Li Santil hu

⁷ Aꞌan aꞌin li naxye li Ka̱cuaꞌ li nimajcual Dios, lix Dioseb laj Israel: ¿Cꞌaꞌut nak nequeba̱nu li ma̱usilal aꞌin? E̱junes nequesach e̱rib. ¿Cꞌaꞌut nak nequeqꞌueheb chi ca̱mc eb li cui̱nk ut eb li ixk joꞌ eb ajcuiꞌ li sa̱j cui̱nk ut eb le̱ cocꞌal toj retal nak ma̱ jun chic xcomoneb laj Judá nequeꞌcana?

Q'eqchi Bible

⁷ «Jo'kan utan, laa'in li Nimajwal Yos, li xYos laj Israel, ninye chi jo'ka'in: K'a'ut naq nekeb'oq li nimla rahilal a'in sa' eeb'een? K'a'ut naq nekek'e chi kamk chixjunileb' laj Judá, eb' li winq ut eb' li ixq, eb' li saaj al ut eb' li k'uula'al, toj reetal naq maajun chik eere tkanaaq?

Jeremías 44:7 ပူးပေါင်းရင်းမြစ်များ

Habacuc 2:10

Riqꞌuin chixjunil li xeba̱nu, xexuta̱nobresi le̱ jun cablal. Nabaleb li tenamit xesacheb ut riqꞌuin aꞌan yo̱quex chixsachbal e̱rib e̱junes.

Jeremías 51:22

La̱ex texcꞌanjelak chicuu re xsachbaleb li ixk ut eb li cui̱nk, li ti̱xeb ut li toj sa̱jeb, joꞌ eb ajcuiꞌ li chꞌajom ut eb li xkaꞌal.

Números 16:38

Queꞌsantobresi̱c nak queꞌqꞌueheꞌ chiru lin artal la̱in li Ka̱cuaꞌ. Cꞌameb lix sansareb li cui̱nk li queꞌsacheꞌ ruheb xban nak queꞌma̱cob. Riqꞌuin li sansar aꞌin te̱yi̱b li perpo̱quil chꞌi̱chꞌ ut li perpo̱quil chꞌi̱chꞌ aꞌin te̱letz chiru li artal. Ut aꞌanak jun retalil chiruheb laj Israel, chan li Dios. Ut laj Eleazar laj tij quixxoc lix sansareb li queꞌsacheꞌ ruheb. Ut quixtakla xyi̱banquil li perpo̱quil chꞌi̱chꞌ riqꞌuineb li sansar re nak teꞌxletz chiru li artal.

Ezequiel 33:11

Ta̱ye reheb nak li Ka̱cuaꞌ xye chi joꞌcaꞌin: Yoꞌyo̱quin la̱in li nimajcual Dios. La̱in incꞌaꞌ nacuaj nak texca̱mk saꞌ le̱ ma̱c. Nacuaj ban nak te̱jal e̱naꞌleb ut te̱canab xba̱nunquil li ma̱usilal ut ta̱cua̱nk e̱yuꞌam. Ex aj Israel, canabomak xba̱nunquil li ma̱usilal. ¿Cꞌaꞌut nak te̱qꞌue e̱rib chi ca̱mc xban le̱ ma̱c?

Lamentaciones 2:11

Incꞌaꞌ chic sa nin-iloc xban li ya̱bac ninba̱nu. Nayotꞌeꞌ li cua̱m xban xrahil inchꞌo̱l xban nak queꞌsacheꞌ ruheb lin tenamit. Ut li cocꞌal nequeꞌcam saꞌ be xban xtzꞌocajiqueb.

Jeremías 44:14

Ma̱ jun reheb laj Judá li queꞌco̱eb chi cua̱nc Egipto teꞌcolekꞌ. Ma̱ jun reheb ta̱sukꞌi̱k cuiꞌchic Judá usta teꞌraj ru sukꞌi̱c. Caꞌaj chic li teꞌruha̱nk chi e̱lelic teꞌsukꞌi̱k, chan li Dios.

Jeremías 9:21

Li ca̱mc xchal saꞌ kabe̱n. Chanchan nak x-oc saꞌ li kaventana. Chanchan nak x-oc saꞌ eb li cab li cauresinbil chi us re takacol cuiꞌ kib. Queꞌcamsi̱c li cocꞌal saꞌ be ut queꞌcamsi̱c li cui̱nk li toj sa̱jeb saꞌ eb li cꞌayiba̱l.

Jeremías 7:19

Abanan, ¿ma cue ta biꞌ la̱in yo̱queb chixba̱nunquil li raylal? ¿Ma ma̱cuaꞌ ta biꞌ aꞌaneb li teꞌxsach ribeb riqꞌuin li cꞌaꞌru nequeꞌxba̱nu?

Proverbios 15:32

Li ani incꞌaꞌ naxqꞌue saꞌ xchꞌo̱l lix kꞌusbal, aꞌan xjunes naxtzꞌekta̱na rib. Abanan li ani naxqꞌue saꞌ xchꞌo̱l lix kꞌusbal naxtau xnaꞌleb.

Proverbios 5:22

Li incꞌaꞌ useb xnaꞌleb, aꞌ ajcuiꞌ li ma̱usilal li nequeꞌxba̱nu nasachoc reheb. Chanchan bacꞌbo̱queb xban li ma̱c nequeꞌxba̱nu.

1 Samuel 15:3

Texxic anakcuan chi pletic riqꞌuineb laj Amalec. Te̱sach ruheb chixjunil li cꞌaꞌruheb re. Me̱ril xtokꞌoba̱l ruheb. Te̱camsiheb chixjunileb joꞌ cui̱nk, joꞌ ixk, joꞌqueb ajcuiꞌ li cocꞌal ut eb li toj cꞌulaꞌaleb. Te̱camsiheb ajcuiꞌ lix cuacax, ut eb lix carner, eb lix camelleb joꞌ eb ajcuiꞌ lix bu̱reb”, chan li Ka̱cuaꞌ.

Jueces 21:11

Te̱camsiheb ajcuiꞌ chixjunileb li cui̱nk ut eb li ixk li ac cuanjenakeb riqꞌuin cui̱nk, chanqueb.

Josué 6:21

Queꞌxcamsi chi chꞌi̱chꞌ chixjunileb li cristian, joꞌ cui̱nk, joꞌ ixk, joꞌ ti̱x, joꞌ toj sa̱jeb. Ut queꞌxcamsi ajcuiꞌ chixjunileb li bo̱yx, li carner ut li bu̱r. Joꞌcaꞌin nak queꞌxsach ru chixjunil li cuan saꞌ li tenamit aꞌan.

Deuteronomio 32:25

Telajeꞌcamsi̱k riqꞌuin chꞌi̱chꞌ li cuanqueb saꞌ be. Ut cꞌajoꞌ nak teꞌxucuak saꞌ li rochocheb. Telajeꞌca̱mk li sa̱jeb, joꞌ chꞌajom, joꞌ xkaꞌal. Telajeꞌca̱mk li cꞌulaꞌal ut li ac ti̱xeb.

Jeremías 44:8

¿Cꞌaꞌut nak nequechikꞌ injoskꞌil riqꞌuin xlokꞌoninquileb li dios li xeyi̱b ut riqꞌuin xcꞌatbal le̱ pom chiruheb li dios li cuanqueb arin Egipto li bar xexchal cuiꞌ chi cua̱nc? La̱ex te̱sach e̱rib e̱junes ut texhobekꞌ ut xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Jeremías 42:20

Incꞌaꞌ us xeba̱nu nak xetzꞌa̱ma chicuu nak tintijok che̱rix chiru li Ka̱cuaꞌ li kaDios. Xeye cue, “Chattijok chiru li Ka̱cuaꞌ li kaDios chikix la̱o ut ta̱ye ke chixjunil li tixye a̱cue. La̱o takaba̱nu li cꞌaꞌru tixye,” chanquex.

Jeremías 26:19

¿Ma quicamsi̱c ta biꞌ laj Miqueas xban li rey? ¿Ma quicamsi̱c ta biꞌ xbaneb laj Judá? Quixxucua ban ru li Ka̱cuaꞌ laj Ezequías ut quixtzꞌa̱ma chiru li Dios nak ta̱ruxta̱na ruheb li tenamit. Ut li Ka̱cuaꞌ quixjal xcꞌaꞌux ut incꞌaꞌ quixtakla li raylal saꞌ xbe̱neb. ¿Ma takabok ta biꞌ raylal saꞌ kabe̱n la̱o riqꞌuin xcamsinquil li cui̱nk aꞌin? chanqueb.

Jeremías 25:7

Abanan la̱ex incꞌaꞌ xerabi li cꞌaꞌru xinye e̱re. Xechikꞌ ban injoskꞌil riqꞌuin xyi̱banquil le̱ jalanil dios. Joꞌcan nak xebok raylal saꞌ e̱be̱n.

Proverbios 8:36

Li ani natzꞌekta̱nan re li cha̱bil naꞌleb, raylal nachal saꞌ xbe̱n. Ut chixjunileb li xicꞌ nequeꞌiloc re, aꞌ li ca̱mc nequeꞌxbok saꞌ xbe̱neb.

Proverbios 1:18

Eb li cui̱nk aꞌan nequeꞌxyi̱b li raꞌal re ta̱tꞌanekꞌ jalan. Abanan aꞌaneb ajcuiꞌ nequeꞌtꞌaneꞌ chi saꞌ. Incꞌaꞌ nequeꞌxqꞌue retal nak nequeꞌxqꞌue rib saꞌ chꞌaꞌajquilal.

1 Samuel 22:19

Ut laj Saúl quixtakla ajcuiꞌ xcamsinquil chixjunileb li cuanqueb saꞌ li tenamit Nob, lix tenamiteb laj tij. Chixjunileb queꞌcamsi̱c, joꞌ cui̱nk, joꞌ ixk, joꞌ cocꞌal, joꞌ cꞌulaꞌal. Ut queꞌcamsi̱c ajcuiꞌ lix bo̱yx, lix bu̱r, ut lix carner.

Jeremías 3:24

Chalen saꞌ kasa̱jilal xkacꞌut kaxuta̱n xban xlokꞌoninquil li yi̱banbil dios. Ut xban aꞌan xsach chiku li cꞌaꞌru queꞌxcanab ke li kaxeꞌto̱nil yucuaꞌ. Xkasach li kaqueto̱mk ut xkasach li kalal kacꞌajol.

Lamentaciones 2:22

Xiu xiu cuanco. Yalak bar yo̱queb chi cha̱lc li nequeꞌba̱nun raylal ke. Chanchan li bokbileb saꞌ junak ninkꞌe. At Ka̱cuaꞌ, ma̱ ani naru naxcol rib cha̱cuu nak yo̱ a̱joskꞌil. Eb li xinqꞌuiresiheb quilajeꞌcamsi̱c; ut li xinchꞌolaniheb queꞌsacheꞌ ruheb xbaneb li xicꞌ nequeꞌiloc ke.

Jeremías 25:6

Me̱lokꞌoniheb li jalanil dios chi moco texcꞌanjelak chiruheb, chi moco te̱ta̱keheb. Me̱chikꞌ injoskꞌil riqꞌuin xlokꞌoninquil li cꞌaꞌru xeyi̱b riqꞌuin le̱ rukꞌ re nak la̱in incꞌaꞌ tinqꞌue raylal saꞌ e̱be̱n,” chanqueb.

Jeremías 38:17

Ut laj Jeremías quixye re laj Sedequías: —Joꞌcaꞌin quixye li Ka̱cuaꞌ li nimajcual Dios, lix Dioseb laj Israel. “Cui ta̱kꞌaxtesi a̱cuib saꞌ rukꞌeb li nequeꞌtenkꞌan re lix reyeb laj Babilonia, la̱at incꞌaꞌ tatcamsi̱k, ut li tenamit aꞌin incꞌaꞌ ta̱cꞌatekꞌ. La̱at joꞌ eb ajcuiꞌ la̱ cualal a̱cꞌajol incꞌaꞌ texcamsi̱k.

Ezequiel 9:6

Jun xiquic nak te̱camsiheb li ti̱xil cui̱nk joꞌ eb li chꞌajom, li xkaꞌal, li naꞌbej joꞌ eb ajcuiꞌ li cocꞌal. Abanan incꞌaꞌ te̱chꞌeꞌeb li cuan retalileb saꞌ xpe̱quemeb, chan. Ut eb aꞌan queꞌxtiquib xcamsinquileb li nequeꞌcꞌamoc be, li cuanqueb chiru li templo.