Jeremías 44:4 - Li Santil hu

⁴ Nabal sut quintaklaheb li profeta, laj cꞌanjel chicuu, riqꞌuineb. Eb li profeta queꞌxye reheb nak incꞌaꞌ teꞌxba̱nu li yibru naꞌleb aꞌin, li incꞌaꞌ nacuulac chicuu.

Q'eqchi Bible

⁴ «Laa'in junelik kink'e inch'ool chi xtaqlankileb' chaq eerik'in linpropeet, aj k'anjeleb' chiwu, re xyeeb'al eere naq meeb'aanu li tz'i'b'eetalil na'leb' li ink'a' nawulak chiwu.

Jeremías 44:4 ပူးပေါင်းရင်းမြစ်များ

Jeremías 26:5

Cui incꞌaꞌ te̱rabi li cꞌaꞌru nequeꞌxye li profetas li nequeꞌcꞌanjelac chicuu, li quintakla e̱riqꞌuin rajlal ut incꞌaꞌ nequex-abin chiruheb,

Jeremías 7:25

Chalen saꞌ li cutan nak le̱ xeꞌto̱nil yucuaꞌ queꞌel chak Egipto toj chalen anakcuan, rajlal quintaklaheb lin profeta riqꞌuineb chixchꞌolobanquil lix ya̱lal chiruheb.

Jeremías 7:13

Anakcuan ut cꞌajoꞌ li ma̱usilal xeba̱nu. La̱in qꞌuila sut xinye e̱re nak te̱jal e̱cꞌaꞌux, abanan la̱ex incꞌaꞌ nequeraj rabinquil li cua̱tin. La̱in xexinbok re nak texsukꞌi̱k cuiqꞌuin, abanan incꞌaꞌ xeraj.

Zacarías 7:7

¿Ma ma̱cuaꞌ ta biꞌ aꞌin li ra̱tin li Ka̱cuaꞌ yebil chak e̱re xbaneb li profeta li queꞌcuan chak junxil nak toj nabaleb li cristian cuanqueb Jerusalén ut sa cuanqueb? Nabaleb ajcuiꞌ li tenamit li cuanqueb chi nachꞌ riqꞌuin Jerusalén. Ut nabaleb li cuanqueb saꞌ li naꞌajej Neguev ut saꞌ li ru takꞌa, chan li Ka̱cuaꞌ.

Ezequiel 16:47

La̱at catzol a̱cuib riqꞌuineb ut caba̱nu li incꞌaꞌ us li queꞌxba̱nu eb aꞌan. Abanan la̱ ma̱usilal la̱at quinumta chiru li ma̱usilal li queꞌxba̱nu eb aꞌan.

Ezequiel 8:10

Ut la̱in quin-oc saꞌ li naꞌajej aꞌan ut quicuil. Yi̱banbil chiru li tzꞌac retalil li cꞌantiꞌ ut li xul li nequeꞌxquelo ribeb chiru chꞌochꞌ ut li xul li kꞌaxal yibeb ru. Ut quicuil ajcuiꞌ li yi̱banbil dios li nequeꞌxlokꞌoni eb laj Israel.

Jeremías 29:19

Teꞌxcꞌul chi joꞌcan xban nak incꞌaꞌ queꞌxpa̱b li cua̱tin li quiyeheꞌ reheb junelic xbaneb lin profetas li queꞌcꞌanjelac chicuu. Joꞌcan ajcuiꞌ la̱ex. Chi moco la̱ex li quexcꞌameꞌ chi najt xerabi li cua̱tin, chan li Ka̱cuaꞌ.

Jeremías 16:18

Nak toj ma̱jiꞌ nequeꞌsukꞌi saꞌ lix naꞌajeb, la̱in tinqꞌueheb chixtojbal lix ma̱usilaleb. Caꞌ sut xqꞌuial li raylal li tinqꞌue saꞌ xbe̱neb re xtojbal rix li ma̱c queꞌxba̱nu nak queꞌxmux ru lin naꞌaj riqꞌuin xlokꞌoninquil li yi̱banbil dios. Saꞌ chixjunil li naꞌajej li quinqꞌue reheb queꞌxqꞌue li yi̱banbil dios li xicꞌ nacuil, chan li Dios.

2 Crónicas 36:15

Li Ka̱cuaꞌ lix Dioseb lix xeꞌto̱nil yucuaꞌeb nabal sut quixtakla lix profeta riqꞌuineb chixkꞌusbaleb xban nak quiril xtokꞌoba̱leb ru ut xban ajcuiꞌ nak saꞌ li tenamit aꞌan cuan lix templo.

1 Pedro 4:3

Tzꞌakal taxak li ma̱c li xeba̱nu chak. Xeba̱nu joꞌ nequeꞌxba̱nu li incꞌaꞌ nequeꞌpa̱ban chiru li Dios. Junxil nasemsot le̱ chꞌo̱l riqꞌuin li joꞌ ma̱joꞌil naꞌleb. Xeba̱nu chak li cala̱c ut li ninkꞌei̱c. Xeba̱nu chak li numcuaꞌac num ucꞌac. Ut xeba̱nu ajcuiꞌ li tzꞌekbe̱talil aj naꞌleb. Xuta̱nal xeba̱nu chak junxil nak xenima chak ruheb li yi̱banbil dios.

Ezequiel 16:36

Aꞌan aꞌin li naxye li Ka̱cuaꞌ: —Kꞌaxal yibru la̱ naꞌleb. Catꞌusub a̱cuib chiruheb li cui̱nk li queꞌcuan a̱cuiqꞌuin. Ut calokꞌoniheb li jalanil dios ut cacamsiheb la̱ cocꞌal ut camayejaheb chiruheb li jalanil dios.

Jeremías 35:17

Joꞌcan nak la̱in li Ka̱cuaꞌ li nimajcual Dios, lix Dioseb laj Israel, ninye chi joꞌcaꞌin: La̱in tintakla li raylal saꞌ xbe̱neb laj Judá ut chixjunileb li cuanqueb Jerusalén joꞌ quinye reheb. Nabal li raylal tintakla saꞌ xbe̱neb. Xina̱tinac riqꞌuineb, abanan incꞌaꞌ xeꞌabin chicuu. Xinbokeb chi cha̱lc cuiqꞌuin ut incꞌaꞌ queꞌraj cha̱lc cuiqꞌuin, chan.

Jeremías 32:33

Xineꞌxtzꞌekta̱na xban nak incꞌaꞌ queꞌraj rabinquil lix kꞌusbaleb. La̱in rajlal xincꞌut lix ya̱lal chiruheb, abanan incꞌaꞌ queꞌabin chicuu.

Jeremías 32:34

Queꞌxmux ban ru lin templo li ninlokꞌoni̱c cuiꞌ nak queꞌxqꞌue lix yi̱banbil dios li kꞌaxal yibru chi saꞌ.

Jeremías 32:35

Queꞌxyi̱b li naꞌajej li najt xteram re teꞌxlokꞌoni cuiꞌ li yi̱banbil dios Baal saꞌ li ru takꞌa re Ben-hinom ut re ajcuiꞌ nak teꞌxcꞌat chokꞌ xmayejeb eb li ralal xcꞌajol chiru lix dios Moloc. La̱in incꞌaꞌ quinye reheb nak teꞌxba̱nu aꞌan, chi moco quincꞌoxla nak teꞌxba̱nu li ma̱usilal aꞌan li kꞌaxal yibru nak queꞌxcꞌam xbeheb laj Judá chi ma̱cobc.

Jeremías 35:15

Nabal sut quintakla lin profetas e̱riqꞌuin. Queꞌxye e̱re nak che̱junilex te̱jal le̱ cꞌaꞌux ut te̱canab xba̱nunquil li ma̱usilal. Queꞌxye e̱re nak incꞌaꞌ te̱lokꞌoniheb li jalanil dios, chi moco texcꞌanjelak chiruheb. Cui te̱ba̱nu chi joꞌcan texcua̱nk saꞌ li naꞌajej li quinqꞌue reheb le̱ xeꞌto̱nil yucuaꞌ ut e̱re ajcuiꞌ la̱ex, chanqueb. Abanan, la̱ex incꞌaꞌ xex-abin chicuu.

Daniel 9:6

Incꞌaꞌ xo-abin chiruheb li profeta li queꞌcꞌanjelac cha̱cuu. Eb aꞌan queꞌa̱tinac saꞌ a̱cꞌabaꞌ chiruheb li karey ut chiruheb li queꞌtaklan saꞌ kabe̱n, ut queꞌa̱tinac ajcuiꞌ riqꞌuineb li kanaꞌ kayucuaꞌ ut chiruheb chixjunileb la̱ tenamit.

Nehemías 9:30

Nabal chihab cacuyeb xma̱queb. Ut caqꞌue la̱ Santil Musikꞌ reheb la̱ profeta re nak teꞌxchꞌolob lix ya̱lal chiruheb. Abanan incꞌaꞌ queꞌabin. Joꞌcan nak cacanabeb saꞌ rukꞌeb li jalan xtenamiteb.

Nehemías 9:34

Eb li karey, ut eb li nequeꞌtaklan saꞌ kaya̱nk, eb laj tij, ut eb li kanaꞌ kayucuaꞌ incꞌaꞌ queꞌxba̱nu li cꞌaꞌru naxye saꞌ li chakꞌrab li caqꞌue ke. Incꞌaꞌ queꞌraj rabinquil li caye reheb ut incꞌaꞌ queꞌxpa̱b la̱ cua̱tin li caqꞌue chokꞌ re xkꞌusbaleb.

Jeremías 7:17

¿Ma incꞌaꞌ nacacuil cꞌaꞌru yo̱queb saꞌ eb li tenamit li cuanqueb Judá? ¿Ma incꞌaꞌ nacacuil cꞌaꞌru yo̱queb saꞌ eb li be aran Jerusalén?

Jeremías 7:18

Eb li cocꞌal nequeꞌxcꞌam chak li siꞌ. Ut eb li cui̱nk nequeꞌxloch li xam. Ut eb li ixk nequeꞌxyi̱b li caxlan cua re xlokꞌoninquil li jalanil dios li nequeꞌxye re “Reina re li choxa”. Nequeꞌxmayeja li vino chiruheb li jalanil dios re xqꞌuebal injoskꞌil.

Ezequiel 18:31

Canabomak chixjunil le̱ kꞌetba a̱tin li xexma̱cob cuiꞌ. Jalomak e̱cꞌaꞌux ut acꞌak chic le̱ yuꞌam. ¿Cꞌaꞌut nak te̱qꞌue e̱rib chi ca̱mc xban le̱ ma̱c, ex aj Israel?