Jeremías 44:30 - Li Santil hu

³⁰ Aꞌan aꞌin li retalil li tinqꞌue. La̱in tinkꞌaxtesi laj faraón Hofra xcꞌabaꞌ, lix reyeb laj Egipto, saꞌ rukꞌeb li xicꞌ nequeꞌiloc re, li teꞌajok xcamsinquil. Tinba̱nu riqꞌuin laj Hofra joꞌ quinba̱nu riqꞌuin laj Sedequías lix reyeb laj Judá nak quinkꞌaxtesi saꞌ rukꞌ laj Nabucodonosor lix reyeb laj Babilonia nak yo̱ chixsicꞌbal re tixcamsi, chan li Ka̱cuaꞌ.

Q'eqchi Bible

³⁰ Laa'in tinq'axtesi laj Parahón Hofra xk'ab'a', li awab'ej re Ejiipt, sa' ruq'eb' li xik' neke'ilok re, li te'ajoq xkamsinkil. Jo' naq kinq'axtesi laj Sedesías, li awab'ej re Judá, sa' ruq' li xik' na'ilok re, a' laj Nabukodonosor, li awab'ej re Babilonia, jo'kan ajwi' tinb'aanu re laj Hofra»”.

Jeremías 44:30 ပူးပေါင်းရင်းမြစ်များ

Ezequiel 30:21

—At ralal cui̱nk, la̱in xcuisi xcuanquil laj faraón lix reyeb laj Egipto. Chanchan nak xintok li rukꞌ ut ma̱ ani xlanoc re, chi moco xeꞌxbacꞌ re ta̱cacuu̱k re nak tixchap cuiꞌchic lix chꞌi̱chꞌ.

Jeremías 34:21

La̱in tinkꞌaxtesi laj Sedequías lix reyeb laj Judá saꞌ rukꞌeb lix soldado lix reyeb laj Babilonia li queꞌxcanab pletic e̱riqꞌuin. Tinkꞌaxtesiheb ajcuiꞌ li nequeꞌtenkꞌan re laj Sedequías.

Ezequiel 31:18

¿Ani aj iqꞌuin ta̱ru̱k ta̱juntakꞌe̱ta̱k la̱ lokꞌal ut la̱ cuanquilal, at faraón? Chanchanat li cheꞌ li cuan saꞌ li naꞌajej Edén. Abanan ta̱sachekꞌ a̱cuu joꞌ nak queꞌtꞌaneꞌ eb li cheꞌ li queꞌcuan Edén ut tatxic rubel chꞌochꞌ. Tatcua̱nk a̱cuochbeneb li incꞌaꞌ nequeꞌxpa̱b li Dios saꞌ xya̱nkeb li queꞌcamsi̱c saꞌ li ple̱t. Joꞌcan ta̱cꞌul la̱at, at faraón lix reyeb laj Egipto, a̱cuochbeneb chixjunileb li tenamit, chan li Ka̱cuaꞌ li nimajcual Dios.

Jeremías 27:7

Chixjunileb li tenamit saꞌ ruchichꞌochꞌ teꞌcꞌanjelak chiru aꞌan. Ut teꞌcꞌanjelak chiru li ralal joꞌ ajcuiꞌ chiru li ri toj ta̱cuulak xkꞌehil nak ta̱chapekꞌ lix tenamiteb aꞌan xbaneb li xni̱nkal ru tenamit ut eb lix rey. Ut eb aꞌan chic teꞌcana̱k rubel xcuanquil eb li ni̱nkeb xcuanquil.

Jeremías 44:29

La̱ex te̱nau nak xakxo xcuanquil li cua̱tin nak xinye nak tinqꞌue raylal saꞌ e̱be̱n. La̱in li Ka̱cuaꞌ tinqꞌue junak li retalil che̱ru nak la̱in texinqꞌue chixtojbal e̱ma̱c saꞌ li naꞌajej aꞌin.