Jeremías 44:23 - Li Santil hu

²³ Li raylal aꞌin xtꞌaneꞌ saꞌ e̱be̱n xban nak quexma̱cob chiru li Ka̱cuaꞌ. Quecꞌat le̱ pom chiruheb li jalanil dios ut incꞌaꞌ queba̱nu li cꞌaꞌru quixye li Ka̱cuaꞌ. Quekꞌet li chakꞌrab ut incꞌaꞌ queba̱nu li cꞌaꞌru quextakla cuiꞌ.

Q'eqchi Bible

²³ Chixjunil li rahilal li yookex chi xk'ulb'al chiruheb' li kutan a'in, xchalk sa' eeb'een xb'aan naq xexmayejank k'ajpom chiruheb' li jalanil yos, xexmaakob'k chiru li Qaawa' ut ink'a' xex'ab'ink chiru, chi moko xexwank jo' naxye li raatin, li xtaqlahom ut li xchaq'rab'”.

Jeremías 44:23 ပူးပေါင်းရင်းမြစ်များ

1 Reyes 9:9

Ut eb li jun chꞌol chic teꞌxye, “Joꞌcaꞌin xeꞌxcꞌul xban nak xeꞌxtzꞌekta̱na li Ka̱cuaꞌ Dios li qui-isin chak reheb lix xeꞌto̱nil xyucuaꞌeb aran Egipto. Ut xeꞌoc chixlokꞌoninquil li jalanil dios ut chi cꞌanjelac chiruheb. Joꞌcan nak li Ka̱cuaꞌ xqꞌue li raylal aꞌin saꞌ xbe̱neb,” chaꞌkeb.—

Salmos 119:150

Eb li xicꞌ nequeꞌiloc cue junes ma̱usilal nequeꞌxcꞌoxla xba̱nunquil. Chi ti̱c incꞌaꞌ nequeꞌxqꞌue xcuanquil la̱ chakꞌrab.

Nehemías 13:18

¿Ma ma̱cuaꞌ ta biꞌ joꞌcan queꞌxba̱nu chak le̱ xeꞌto̱nil yucuaꞌ junxil? Ut, ¿ma ma̱cuaꞌ ta biꞌ xma̱c aꞌan nak li Dios quixqꞌue chak chixjunil li raylal aꞌin saꞌ kabe̱n la̱o ut saꞌ xbe̱n li katenamit? ¿Ma toj te̱raj ajcuiꞌ xchikꞌbal xjoskꞌil li Dios saꞌ xbe̱n li tenamit Israel riqꞌuin xmuxbal ru li hiloba̱l cutan? chanquin reheb.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

1 Corintios 10:20

La̱in incꞌaꞌ ninye nak cuan xcuanquil li yi̱banbil dios, chi moco ninye nak li mayejanbil tib cuan xcuanquil. Li yo̱quin chixyebal, aꞌan aꞌin: eb li incꞌaꞌ nequeꞌxpa̱b li tzꞌakal Dios nequeꞌmayejac, aban ma̱cuaꞌ chiru li Dios nequeꞌmayejac. Chiru ban li ma̱us aj musikꞌej. Ut la̱in incꞌaꞌ nacuaj nak yo̱kex chi oque̱nc saꞌ lix naꞌlebeb li ma̱us aj musikꞌej.

Lamentaciones 1:8

Kꞌaxal cuiꞌchic numtajenak li ma̱c queꞌxba̱nu eb laj Jerusalén. Xban li ma̱usilal queꞌxba̱nu incꞌaꞌ chic nequeꞌqꞌueheꞌ xlokꞌal. Eb li queꞌqꞌuehoc xlokꞌaleb laj Jerusalén junxil, anakcuan nequeꞌxtzꞌekta̱na xban nak xeꞌxqꞌue retal li ma̱usilal queꞌxba̱nu. Joꞌcan nak yo̱queb chi ya̱bac ut nequeꞌxuta̱na̱c eb laj Jerusalén.

Jeremías 44:21

Quixye reheb: —¿Ma incꞌaꞌ ta biꞌ quixnau li Dios nak xecꞌat li pom saꞌ eb li tenamit li cuanqueb Judá ut aran Jerusalén? ¿Ma incꞌaꞌ ta biꞌ quixqꞌue retal nak xecꞌat li pom la̱ex, ut eb le̱ yucuaꞌ joꞌ eb ajcuiꞌ le̱ rey ut eb li nequeꞌtaklan saꞌ e̱be̱n?

Jeremías 44:18

Chalen nak xkacanab xcꞌatbal kapom chiru li kanaꞌ po ut chalen nak xkacanab xmayejanquil li kavino chiru, ma̱cꞌaꞌ chic katzacae̱mk ut yo̱queb chi ca̱mc eb li kacomon saꞌ li ple̱t ut xban cueꞌej, chanqueb.

Jeremías 44:8

¿Cꞌaꞌut nak nequechikꞌ injoskꞌil riqꞌuin xlokꞌoninquileb li dios li xeyi̱b ut riqꞌuin xcꞌatbal le̱ pom chiruheb li dios li cuanqueb arin Egipto li bar xexchal cuiꞌ chi cua̱nc? La̱ex te̱sach e̱rib e̱junes ut texhobekꞌ ut xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Jeremías 40:3

Ut anakcuan xcꞌulman joꞌ quixye li Ka̱cuaꞌ. Chixjunil li raylal aꞌin xcꞌulman xban nak la̱ex xexma̱cob chiru li Ka̱cuaꞌ ut incꞌaꞌ xeba̱nu li cꞌaꞌru quixye e̱re.

Salmos 119:155

Incꞌaꞌ teꞌcolekꞌ li incꞌaꞌ useb xnaꞌleb xban nak incꞌaꞌ nequeꞌraj xnaubal li cꞌaꞌru naxye saꞌ la̱ chakꞌrab.

Salmos 78:56

Abanan toj yo̱queb ajcuiꞌ xyalbal rix li nimajcual Dios ut queꞌxchikꞌ xjoskꞌil xban nak queꞌxkꞌet lix chakꞌrab.

2 Crónicas 36:16

Abanan eb laj Judá queꞌxseꞌeheb lix profeta li Dios ut queꞌxhob. Ut queꞌxtzꞌekta̱na li ra̱tin toj retal queꞌxchikꞌ xjoskꞌil li Dios saꞌ xbe̱neb. Ut incꞌaꞌ chic quixcuy xma̱queb.

Salmos 78:10

Incꞌaꞌ queꞌxba̱nu li queꞌxyechiꞌi re li Dios nak queꞌxba̱nu li contrato riqꞌuin. Ut queꞌxkꞌet li ra̱tin.

Salmos 119:136

Cꞌajoꞌ nak ninya̱bac xban nak incꞌaꞌ nequeꞌxqꞌue xcuanquil la̱ cua̱tin.

Jeremías 26:4

Ta̱ye reheb: Aꞌan aꞌin li naxye li Ka̱cuaꞌ. Cui incꞌaꞌ tex-abi̱nk chicuu ut cui incꞌaꞌ te̱ba̱nu li cꞌaꞌru naxye lin chakꞌrab li quinqꞌue e̱re, la̱in texinqꞌue chixtojbal le̱ ma̱c.

Jeremías 44:2

Li nimajcual Dios, lix Dioseb laj Israel quixye chi joꞌcaꞌin: —La̱ex xeqꞌue retal li raylal li xinqꞌue saꞌ xbe̱n li tenamit Jerusalén ut saꞌ xbe̱neb li tenamit li cuanqueb Judá. Anakcuan jucꞌbileb chic ut ma̱cꞌaꞌ cuan saꞌ eb li tenamit aꞌan.

Jeremías 44:3

Xinba̱nu chi joꞌcan reheb xban li ma̱usilal queꞌxba̱nu. Queꞌxqꞌue injoskꞌil nak queꞌxcꞌat xpomeb ut queꞌxlokꞌoni li jalanil dios li incꞌaꞌ xeꞌxnau ru eb aꞌan, chi moco la̱ex, chi moco le̱ naꞌ e̱yucuaꞌ.

Jeremías 44:10

Toj chalen anakcuan la̱ex incꞌaꞌ quecubsi e̱rib chi moco niquine̱lokꞌoni. Ut incꞌaꞌ nequeba̱nu li cꞌaꞌru naxye saꞌ lin chakꞌrab li quinqꞌue e̱re la̱ex ut reheb ajcuiꞌ le̱ xeꞌto̱nil yucuaꞌ.

2 Reyes 17:15

Queꞌxtzꞌekta̱na ban li chakꞌrab li quixqꞌue li Dios ut queꞌxtzꞌekta̱na ajcuiꞌ li contrato li quixba̱nu li Dios riqꞌuineb lix xeꞌto̱nil xyucuaꞌeb. Queꞌxkꞌet li ra̱tin li Dios ut queꞌxlokꞌoniheb li yi̱banbil dios li ma̱cꞌaꞌ na-oc cuiꞌ. Joꞌcan nak eb aꞌan queꞌcana chi ma̱cꞌaꞌ nequeꞌoc cuiꞌ xban nak queꞌxba̱nu joꞌ nequeꞌxba̱nu li jalan tenamit li cuanqueb chi nachꞌ riqꞌuineb, usta li Dios quixye nak incꞌaꞌ teꞌxba̱nu.

Daniel 9:13

Chixjunil li raylal aꞌin xaqꞌue saꞌ kabe̱n joꞌ tzꞌi̱banbil saꞌ li chakꞌrab li caqꞌue re laj Moisés. Ut la̱o incꞌaꞌ ajcuiꞌ xkatzꞌa̱ma kacuybal cha̱cuu, at Ka̱cuaꞌ, at kaDios, chi moco xkacanab xba̱nunquil li ma̱usilal chi moco xkaj xtaubal ru lix ya̱lal.