Jeremías 44:16 - Li Santil hu

¹⁶ —La̱o incꞌaꞌ takaba̱nu li cꞌaꞌru xaye ke saꞌ xcꞌabaꞌ li Dios.

Q'eqchi Bible

¹⁶ “Ink'a' tqapaab' li k'aru xaye qe sa' xk'ab'a' li Qaawa',

Jeremías 44:16 ပူးပေါင်းရင်းမြစ်များ

San Lucas 19:27

Ut cꞌamomakeb chak li xicꞌ nequeꞌiloc cue li incꞌaꞌ nequeꞌraj nak tin-oc chokꞌ xreyeb. Ut chicuu ajcuiꞌ, te̱camsiheb, chan li rey.

San Lucas 19:14

Aban xicꞌ na-ileꞌ xbaneb lix tenamit ut nak ac xco̱ li cui̱nk, queꞌxtakla xtakl riqꞌuin li ta̱xakaba̱nk re chokꞌ rey chixyebal re: —La̱o incꞌaꞌ nakaj nak ta̱oc chokꞌ karey li cui̱nk aꞌin, chanqueb.

Daniel 3:15

—Aꞌut anakcuan, ¿ma te̱ba̱nu li xinye? ¿Ma te̱cuikꞌib e̱rib ut te̱lokꞌoni li jalam u̱ch li xinyi̱b nak te̱rabi li xya̱b li trompeta, li xo̱lb, li tambor, li arpa, li salterio, li zampoña ut li cꞌaꞌak chic re ru chi cuajbil? Cui ut incꞌaꞌ nequelokꞌoni, saꞌ ajcuiꞌ li ho̱nal aꞌan texcutekꞌ saꞌ li horno li yo̱ xam chi saꞌ, ut ¿cꞌaꞌ na ru chi diosil ta̱colok e̱re saꞌ cuukꞌ? chan li rey.

Jeremías 38:4

Ut eb li cuanqueb xcuanquil queꞌxye re li rey: —Tento ta̱ca̱mk li cui̱nk aꞌin xban li ra̱tin naxye. Yo̱ chi chꞌina̱nc xchꞌo̱leb li soldado li joꞌ qꞌuial toj cuanqueb saꞌ li tenamit. Ut yo̱ ajcuiꞌ chi chꞌina̱nc xchꞌo̱leb li tenamit xban. Li cui̱nk aꞌin incꞌaꞌ naxsicꞌ li us chokꞌ re li tenamit. Naxsicꞌ ban li incꞌaꞌ us chokꞌ reheb.—

Jeremías 18:18

Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

Jeremías 11:10

Queꞌxba̱nu li ma̱usilal joꞌ queꞌxba̱nu lix xeꞌto̱nil yucuaꞌeb. Eb lix xeꞌto̱nil yucuaꞌeb incꞌaꞌ queꞌraj abi̱nc chicuu. Queꞌxlokꞌoniheb li jalanil dios. Joꞌcan ajcuiꞌ yo̱queb chixba̱nunquil eb laj Judá ut eb laj Israel. Nequeꞌxlokꞌoniheb li jalanil dios ut yo̱queb chi cꞌanjelac chiruheb. Queꞌxkꞌet li contrato li quinba̱nu riqꞌuineb lix xeꞌto̱nil yucuaꞌ.

Jeremías 11:8

Abanan eb aꞌan incꞌaꞌ queꞌrabi li cꞌaꞌru quinye. Queꞌxba̱nu ban li ma̱usilal li queꞌraj xba̱nunquil eb aꞌan. Joꞌcan nak tinqꞌue saꞌ xbe̱neb li raylal li quinye chak saꞌ li contrato.

Jeremías 8:12

¿Ma nequeꞌxuta̱na̱c ta biꞌ xban li ma̱usilal nequeꞌxba̱nu? Incꞌaꞌ. Incꞌaꞌ nequeꞌxnau xuta̱na̱c. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic.

Jeremías 8:6

Xinqꞌue retal chi tzꞌakal li cꞌaꞌru nequeꞌxye. Incꞌaꞌ nequeꞌa̱tinac saꞌ xya̱lal. Ma̱ ani nayotꞌeꞌ xchꞌo̱l xban li ma̱usilal naxba̱nu. Ma̱ ani naxye, “¿Cꞌaꞌru li incꞌaꞌ us xinba̱nu?” Nequeꞌxba̱nu ban li cꞌaꞌru nequeꞌraj. Chanchaneb li cacua̱y li nequeꞌxcutbe rib nak nequeꞌxic saꞌ li ple̱t.

Isaías 3:9

Saꞌ xnakꞌeb ru nacꞌutun li cꞌaꞌru nequeꞌxba̱nu. Ut aꞌan ajcuiꞌ nayehoc re nak cuanqueb xma̱c. Incꞌaꞌ nequeꞌxmuk lix ma̱queb. Nequeꞌrisi ban resil yalak bar joꞌ queꞌxba̱nu laj Sodoma. Ra ta̱cha̱lk saꞌ xbe̱neb xban nak xjuneseb yo̱queb chixbokbal li raylal saꞌ xbe̱neb.

Salmos 2:3

Yo̱queb chixyebal: —Aꞌan incꞌaꞌ naru nataklan saꞌ kabe̱n. Incꞌaꞌ takaqꞌue kib rubel xcuanquil aꞌan. Kisihak ban kib rubel xcuanquil, chanqueb.

Éxodo 5:2

Ut laj faraón quichakꞌoc ut quixye: —¿Ani li nimajcual Dios re nak tinpa̱b lix chakꞌrab nak tincanabeb laj Israel chi xic? La̱in incꞌaꞌ ninnau ru li nimajcual Dios aꞌan. Incꞌaꞌ tincanabeb chi xic laj Israel.—

1 Samuel 8:19

Abanan eb li tenamit incꞌaꞌ queꞌraj rabinquil li cꞌaꞌru quixye laj Samuel. Queꞌxye: —Incꞌaꞌ ta̱cꞌulma̱nk chi joꞌcan. La̱o takaj junak karey re ta̱takla̱nk saꞌ kabe̱n.

Proverbios 1:24

La̱in xexinbok ut xinye e̱re nak texcha̱lk cuiqꞌuin. Abanan la̱ex incꞌaꞌ queꞌraj rabinquil li cꞌaꞌru quinye e̱re.

Jeremías 13:10

Eb li tenamit aꞌin numtajenak lix ma̱usilaleb ut kꞌaxal cauheb xchꞌo̱l. Queꞌxkꞌet li cua̱tin ut queꞌxcuikꞌib ribeb chiruheb li jalanil dios re teꞌxlokꞌoni ut queꞌcꞌanjelac chiruheb. Joꞌcan nak tinsacheb. Chanchanakeb chic li cꞌa̱mal saꞌ aꞌin li ma̱cꞌaꞌ chic na-oc cuiꞌ.

Jeremías 42:13

Cui la̱ex te̱ye nak incꞌaꞌ nequeraj cua̱nc saꞌ li naꞌajej aꞌin, yo̱kex chixkꞌetbal li cꞌaꞌru xye e̱re li Ka̱cuaꞌ le̱ Dios.

Jeremías 43:2

Nak ac xrakeꞌ chi a̱tinac laj Jeremías, laj Azarías li ralal laj Osaías ut laj Johanán li ralal laj Carea, rochbeneb li cui̱nk li kꞌetkꞌeteb, queꞌxye re laj Jeremías: —Ticꞌtiꞌ li nacaye. Li Ka̱cuaꞌ li kaDios incꞌaꞌ quixye aꞌan. Incꞌaꞌ xatxtakla chixyebal ke nak incꞌaꞌ toxic chi cua̱nc Egipto.

Jeremías 44:24

Ut laj Jeremías quixye ajcuiꞌ reheb li tenamit, joꞌ eb ajcuiꞌ li ixk: —Abihomak li cꞌaꞌru naxye li Ka̱cuaꞌ, la̱ex aj Judá, li cuanquex arin Egipto.

Jeremías 6:16

Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.

Jeremías 44:25

Li Ka̱cuaꞌ li nimajcual Dios, lix Dioseb laj Israel, naxye: —La̱ex cui̱nk ut la̱ex ixk, la̱ex nequeye, “La̱o takaba̱nu li cꞌaꞌru xkaye. Takacꞌat li pom ut takamayeja li kavino chiru li kanaꞌ po,” chanquex. Ut yo̱quex chixba̱nunquil li cꞌaꞌru xeye. Joꞌcan nak anakcuan, ba̱nuhomak li cꞌaꞌru xeye.