Jeremías 44:12 - Li Santil hu

¹² La̱in tinsacheb chixjunileb laj Judá li incꞌaꞌ queꞌsacheꞌ ruheb junxil. Tinsacheb chixjunileb li teꞌxqꞌue xchꞌo̱l chi xic chi cua̱nc Egipto. Jun xxiquic, joꞌ li cuanqueb xcuanquil, joꞌ eb li ma̱cꞌaꞌeb xcuanquil, telajeꞌca̱mk aran Egipto. Cuan li teꞌca̱mk saꞌ li ple̱t ut cuan li teꞌca̱mk xban cueꞌej. Xucuajel rilbal li teꞌxcꞌul. Teꞌhobekꞌ ut teꞌmajecua̱k xbaneb li tenamit ut teꞌseꞌe̱k.

Q'eqchi Bible

¹² Ut eb' laj Judá li xe'xk'e xch'ool chi xik chi na'ajunk Ejiipt, aran te'oso'q chixjunileb'. Te'kamsiiq sa' li raaxiik' ut xb'aan li we'ej: jo' kok' jo' ninq te'kamq chixjunileb' xb'aan li q'esnal ch'iich' ut li we'ej. Te'majewaaq ut te'kanaaq cho'q se'leb'aal; xiwajelaq ut xutaanalaq rilb'aleb'.

Jeremías 44:12 ပူးပေါင်းရင်းမြစ်များ

Jeremías 42:22

Joꞌcan nak anakcuan chenauhak nak relic chi ya̱l la̱ex texca̱mk saꞌ li ple̱t malaj ut xban cueꞌej, malaj ut xban caki yajel. Texca̱mk saꞌ li naꞌajej li xic cuiꞌ e̱re chi cua̱nc, chan laj Jeremías.

Isaías 65:15

Eb li nequeꞌcꞌanjelac chicuu teꞌxpatzꞌ le̱ cꞌabaꞌ nak teꞌmajecua̱nk. La̱in li nimajcual Dios texinqꞌue chi camsi̱c. Ut tinqꞌue jun li acꞌ cꞌabaꞌej reheb li nequeꞌxba̱nu li cꞌaꞌru nacuaj la̱in.

Oseas 4:6

Teꞌsachekꞌ lin tenamit saꞌ e̱ma̱c la̱ex xban nak incꞌaꞌ xecꞌut lix ya̱lal chiruheb. Xban nak la̱ex xetzꞌekta̱na lin chakꞌrab li xinqꞌue e̱re, joꞌcan ajcuiꞌ nak texintzꞌekta̱na la̱in ut texcuisi saꞌ le̱ cꞌanjel. Incꞌaꞌ chic teꞌcꞌanjelak chokꞌ aj tij le̱ ralal e̱cꞌajol.

Jeremías 29:22

Xma̱queb aꞌan nak chixjunileb laj Judá li cuanqueb Babilonia teꞌxye chi joꞌcaꞌin nak teꞌmajecua̱nk, “Li Ka̱cuaꞌ tixba̱nu a̱cue joꞌ quixba̱nu reheb laj Sedequías ut laj Acab li queꞌcꞌateꞌ xban li rey Nabucodonosor.”

Jeremías 29:18

Junelic tintakla li ple̱t, li cueꞌej ut li caki yajel saꞌ xbe̱neb. Chixjunileb li cuanqueb saꞌ ruchichꞌochꞌ teꞌsachk xchꞌo̱l chirilbaleb. Teꞌhobekꞌ ut teꞌseꞌe̱k. Yalak bar tebintakla, teꞌetzꞌu̱k ut teꞌmajecua̱k.

Jeremías 18:16

Joꞌcan nak lix naꞌajeb ta̱cana̱k joꞌ chaki chꞌochꞌ. Junelic ta̱hobekꞌ. Chixjunileb li tenamit li teꞌnumekꞌ aran teꞌxsach xchꞌo̱leb chirilbal ut teꞌrecꞌasi lix jolomeb.

Isaías 1:28

Abanan eb laj kꞌetol a̱tin ut eb laj ma̱c teꞌsachekꞌ ruheb. Teꞌosokꞌ chixjunileb li nequeꞌtzꞌekta̱nan cue.

Números 5:27

Cui cuan xma̱c li ixk xban nak xmux ru lix sumlajic, li haꞌ tixqꞌue lix saꞌ chi si̱pocꞌ ut incꞌaꞌ chic ta̱ru̱k ta̱qꞌuiresi̱nk. Ut li ixk tzꞌekta̱nanbilak xbaneb lix tenamit.

Jeremías 16:4

Jun li yajel kꞌaxal ra ta̱camsi̱nk reheb. Ma̱ ani ta̱ya̱bak chirixeb chi moco teꞌmukekꞌ. Nequeꞌtꞌanaxin saꞌ chꞌochꞌ teꞌcana̱k. Chanchanakeb li cꞌot. Teꞌcamsi̱k saꞌ li ple̱t, malaj ut xban li cueꞌej. Ut eb li xul li nequeꞌrupupic ut eb li joskꞌ aj xul teꞌxtiu lix tibeleb.

Jeremías 24:9

Chixjunileb aꞌan nimla raylal tintakla saꞌ xbe̱neb. Cꞌajoꞌ xuta̱nalil teꞌxcꞌul chiruheb chixjunileb li tenamit saꞌ ruchichꞌochꞌ. Teꞌhobekꞌ ut teꞌseꞌe̱k xbaneb chixjunileb li tenamit ut teꞌmajecua̱k saꞌ eb li naꞌajej li tebinjeqꞌui cuiꞌ ruheb.

Jeremías 26:6

la̱in tinba̱nu re li templo aꞌin joꞌ quinba̱nu re li tenamit Silo. Ut chixjunileb li xni̱nkal ru tenamit li cuanqueb saꞌ ruchichꞌochꞌ teꞌxmajecua li tenamit aꞌin, chan.

Jeremías 42:1

Chixjunileb li nequeꞌtaklan saꞌ xbe̱neb li soldado queꞌcuulac chi a̱tinac riqꞌuin laj Jeremías. Saꞌ xya̱nkeb aꞌan cuanqueb laj Johanán li ralal laj Carea, ut laj Jezanías li ralal laj Osaías joꞌ eb ajcuiꞌ chixjunileb li tenamit, joꞌ li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil.

Jeremías 44:22

Li Dios incꞌaꞌ chic quixcuy rilbal li ma̱c ut li ma̱usilal xeba̱nu. Incꞌaꞌ chic quixcuy rilbal lix yibal ru le̱ naꞌleb. Joꞌcan nak quixsach ru le̱ naꞌaj. Ma̱cꞌaꞌ chic cuan chi saꞌ anakcuan ut majecuanbil chic.

Zacarías 8:13

La̱ex li ralal xcꞌajol laj Judá ut li ralal xcꞌajol laj Israel, junxil majecuanbilex ut tzꞌekta̱nanbilex xbaneb li jalanil tenamit. Abanan, anakcuan texincol ut saꞌ e̱cꞌabaꞌ la̱ex nak osobtesinbilakeb li jalanil tenamit. Mexxucuac. Cacuubresihomak ban e̱chꞌo̱l chi cꞌanjelac.—

Jeremías 43:11

Laj Nabucodonosor ta̱cha̱lk chi pletic riqꞌuineb laj Egipto. Ut li ac tenebanbil ca̱mc saꞌ xbe̱neb teꞌca̱mk. Li ac tenebanbil saꞌ xbe̱neb cꞌamecꞌ chi pre̱xil, teꞌcꞌamekꞌ. Li ac tenebanbil ca̱mc saꞌ xbe̱neb saꞌ li ple̱t, saꞌ li ple̱t ajcuiꞌ teꞌca̱mk.

Oseas 9:6

Tex-e̱lk saꞌ le̱ tenamit xban li raylal yo̱kex chixcꞌulbal. Laj Asiria teꞌnumta̱k saꞌ e̱be̱n. Chanchan nak chapcho̱quex cuiꞌchic xbaneb laj Egipto. Ut nak tex-osokꞌ, chanchan nak texmukekꞌ aran Menfis. Ta̱chamokꞌ li qꞌuix ut li pim saꞌ le̱ naꞌaj quexcuan cuiꞌ, ut ta̱osokꞌ le̱ biomal.