Jeremías 44:1 - Li Santil hu

¹ Li Ka̱cuaꞌ quia̱tinac riqꞌuin laj Jeremías chirixeb chixjunileb laj judío li cuanqueb Egipto saꞌ eb li tenamit Migdol, Tafnes, Menfis ut saꞌ li naꞌajej Patros.

Q'eqchi Bible

¹ A'an a'in li kiyehe'k re laj Jeremías chirixeb' laj Judiiy li wankeb' chaq Ejiipt, sa'eb' li tenamit re Mikdol, Tafnes, Menfis ut li wankatqeb' chaq sa' xteepal Patros:

Jeremías 44:1 ပူးပေါင်းရင်းမြစ်များ

Jeremías 46:14

Yehomak resil saꞌ eb li tenamit Egipto. Yehomak resil aran Migdol, Menfis, ut Tafnes. Yehomak reheb: Xaklinkex chi cau saꞌ le̱ naꞌaj ut cauresihomak e̱rib chi pletic xban nak yo̱queb chi osocꞌ saꞌ li ple̱t li cuanqueb che̱jun sutam.

Isaías 11:11

Saꞌ eb li cutan aꞌan li Ka̱cuaꞌ riqꞌuin xcuanquil tixcol cuiꞌchic eb laj Israel li joꞌ qꞌuialeb li incꞌaꞌ queꞌsacheꞌ ruheb. Tixcꞌameb cuiꞌchic Israel eb li cuanqueb Asiria, ut eb li cuanqueb Egipto, Patros, Etiopía, Elam, Sinar, ut Hamat, joꞌ eb ajcuiꞌ li cuanqueb saꞌ eb li tenamit li cuanqueb chire li palau.

Éxodo 14:2

—Ye reheb laj Israel nak jalan li be teꞌxcꞌam toj jun pacꞌal li naꞌajej Pi-hahirot. Saꞌ xyi li naꞌajej Migdol ut li palau saꞌ xjayal li naꞌajej Baal-zefón te̱yi̱b le̱ muheba̱l chire li palau.

Isaías 19:13

Kꞌaxal to̱nteb li nequeꞌtaklan aran Zoán ut eb li nequeꞌcꞌamoc be saꞌ li tenamit Menfis. Xeꞌxqꞌue rib chi balakꞌi̱c ut xeꞌxqꞌue ajcuiꞌ chi balakꞌi̱c eb laj Egipto. Ut aꞌaneb raj li tzꞌakal nequeꞌcꞌamoc be saꞌ li tenamit.

Ezequiel 30:18

Chanchan nak ta̱kꞌojyi̱nokꞌ ru li cutan aran Tafnes nak la̱in tinsach lix cuanquileb laj Egipto. Tincuisi lix kꞌetkꞌetil nak tincubsi lix cuanquileb. Chanchan nak ta̱tzꞌapekꞌ li tenamit xban li chok. Ut eb li cuanqueb saꞌ li cocꞌ tenamit teꞌcꞌamekꞌ chi pre̱xil.

Ezequiel 30:16

Tincꞌat li nimla tenamit Egipto. Cꞌajoꞌ li raylal li teꞌxcꞌul aran Sin. Ta̱sachekꞌ ruheb li cuanqueb Tebas ut junelic cua̱nkeb saꞌ raylal li cuanqueb Menfis.

Ezequiel 30:14

Tinsach ru li naꞌajej Patros ut tincꞌat li tenamit Zoán. Ut tinqꞌueheb chixtojbal xma̱queb li cuanqueb Tebas.

Ezequiel 29:14

Ut tincꞌameb cuiꞌchic Egipto saꞌ li naꞌajej Patros li queꞌcuan cuiꞌ lix xeꞌto̱nil yucuaꞌeb. Aran teꞌcana̱k chi ma̱cꞌaꞌak chic xcuanquileb.

Jeremías 46:19

La̱ex aj Egipto, cauresihomak e̱rib chi cꞌamecꞌ chi pre̱xil. Li tenamit Menfis ta̱sachekꞌ ru. Ta̱cana̱k chi ma̱cꞌaꞌ cuan chi saꞌ.

Jeremías 2:16

Eb laj Menfis ut eb laj Tafnes queꞌnumta saꞌ e̱be̱n ut queꞌrisi le̱ cuanquil.

Ezequiel 29:10

Joꞌcan nak la̱in yo̱ injoskꞌil saꞌ e̱be̱n ut saꞌ xbe̱neb li nimaꞌ. La̱in tinsach ru le̱ tenamit. Ta̱cana̱k chi ma̱cꞌaꞌ cuan chi saꞌ ta̱ticla̱k chak aran Migdol ut ta̱cuulak toj Sevene ut toj saꞌ li nuba̱l re li naꞌajej Etiopía.

Génesis 10:14

Ut laj Patrusim, laj Casluhim ut laj Caftorim ralaleb ajcuiꞌ laj Mizraim. Eb li ralal xcꞌajol laj Casluhim, aꞌaneb laj filisteo.

Jeremías 24:8

Eb laj Judá li queꞌcana saꞌ li naꞌajej aꞌin rochben li rey Sedequías joꞌqueb ajcuiꞌ laj cꞌamol be saꞌ xya̱nkeb, joꞌ eb ajcuiꞌ li cuanqueb Egipto, tinjuntakꞌe̱ta riqꞌuin li higos li kꞌaxal yibru li incꞌaꞌ naru xtzacanquil.

Jeremías 43:13

Ut lix reyeb laj Babilonia tixjuqꞌueb lix jalam u̱ch lix dioseb Bet-semes li cuanqueb aran Egipto. Ut tixcꞌateb li cab li nequeꞌxlokꞌoni cuiꞌ lix dioseb, chan.

Ezequiel 30:13

Li nimajcual Dios xye: —La̱in tinpoꞌi li yi̱banbil dios ut tinsach ru li jalam u̱ch li cuanqueb Menfis. Incꞌaꞌ chic ta̱cua̱nk xreyeb laj Egipto. La̱in tinqꞌue xxiuheb chixjunileb li tenamit.

Oseas 9:6

Tex-e̱lk saꞌ le̱ tenamit xban li raylal yo̱kex chixcꞌulbal. Laj Asiria teꞌnumta̱k saꞌ e̱be̱n. Chanchan nak chapcho̱quex cuiꞌchic xbaneb laj Egipto. Ut nak tex-osokꞌ, chanchan nak texmukekꞌ aran Menfis. Ta̱chamokꞌ li qꞌuix ut li pim saꞌ le̱ naꞌaj quexcuan cuiꞌ, ut ta̱osokꞌ le̱ biomal.

Jeremías 44:15

Chixjunileb li cuanqueb aran queꞌa̱tinac riqꞌuin laj Jeremías. Saꞌ xya̱nkeb aꞌan cuanqueb li cui̱nk li queꞌxnau nak eb li rixakil queꞌmayejac chiruheb li jalanil dios. Cuanqueb nabaleb li ixk chꞌutchꞌu̱queb aran, joꞌ eb ajcuiꞌ chixjunileb laj judío li cuanqueb Patros, xcue̱nt Egipto. Queꞌxye re laj Jeremías: