Jeremías 42:5 - Li Santil hu

⁵ Ut queꞌxye re laj Jeremías: —Aꞌ taxak li Ka̱cuaꞌ li kaDios ta̱rakok a̱tin saꞌ kabe̱n riqꞌuin xti̱quilal cui incꞌaꞌ takaba̱nu li cꞌaꞌru tixye a̱cue li Ka̱cuaꞌ li kaDios.

Q'eqchi Bible

⁵ Toja' naq eb' a'an ke'xye re laj Jeremías: “Li Qaawa' laaYos a'an tiik xch'ool, ut a'an chikanaaq cho'q testiiw chiqix laa'o wi ink'a' tqapaab' li tixk'e chiqab'aanu.

Jeremías 42:5 ပူးပေါင်းရင်းမြစ်များ

Génesis 31:50

Ut laj Labán quixye ajcuiꞌ re laj Jacob: Li Ka̱cuaꞌ Dios ta̱naꞌok re chixjunil li cꞌaꞌru takaba̱nu. Cui la̱at ta̱rahobtesiheb lin rabin, li Ka̱cuaꞌ Dios ta̱naꞌok re. Cui la̱at ta̱cꞌam jalan chic ixk chokꞌ a̱cuixakil, ma̱re la̱at ta̱cꞌoxla nak ma̱ ani nanaꞌoc re li cꞌaꞌru yo̱cat. Abanan li Ka̱cuaꞌ Dios tixnau, chan.

Jueces 11:10

Eb aꞌan queꞌchakꞌoc ut queꞌxye re: —Li Ka̱cuaꞌ nanaꞌoc re nak takaba̱nu li cꞌaꞌru nacacuaj, chanqueb.

Apocalipsis 3:14

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Laodicea ut ta̱ye re: Li ani naxcꞌabaꞌin “Amén”, li junelic ti̱c xchꞌo̱l chixyebal li ya̱l, li ac cuan chak nak quiyi̱ba̱c chak li ruchichꞌochꞌ ut chixjunil li cꞌaꞌak re ru cuan, naxye e̱re chi joꞌcaꞌin:

Apocalipsis 1:5

Aꞌ taxak li usilal ut li tuktu̱quilal chicua̱nk e̱riqꞌuin li naxqꞌue li Jesucristo li ti̱c xchꞌo̱l chixyebal li ya̱l. Li Jesucristo aꞌan li xbe̱n li quicuacli chi yoꞌyo saꞌ xya̱nkeb li camenak. Aꞌan li kꞌaxal nim xcuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. Aꞌan quirahoc ke ut aꞌan qui-isin re li kama̱c nak quihoyeꞌ lix quiqꞌuel nak quicam saꞌ kacꞌabaꞌ.

Malaquías 3:5

Li Ka̱cuaꞌ li nimajcual Dios quixye: —La̱in tincha̱lk chi rakoc a̱tin saꞌ e̱be̱n. La̱in tinyehok re nak cuan xma̱queb li nequeꞌtu̱lac, joꞌqueb ajcuiꞌ li nequeꞌmuxuc caxa̱r, joꞌqueb ajcuiꞌ li nequeꞌxpatzꞌ lin cꞌabaꞌ yal riqꞌuin ticꞌtiꞌ. Ut la̱in ajcuiꞌ tinyehok re nak cuan ajcuiꞌ xma̱queb li incꞌaꞌ nequeꞌxtoj chi tzꞌakal laj cꞌanjel, joꞌqueb ajcuiꞌ li nequeꞌrahobtesin reheb li xma̱lcaꞌan ut eb li nequeꞌrahobtesin reheb li ma̱cꞌaꞌ xnaꞌ xyucuaꞌ, joꞌqueb ajcuiꞌ li nequeꞌxba̱nu raylal reheb li jalaneb xtenamit, chi moco nequeꞌxxucua cuu la̱in, chan li Ka̱cuaꞌ li kꞌaxal nim xcuanquil.

Malaquías 2:14

Ut la̱ex nequeye, “¿Cꞌaꞌut nak incꞌaꞌ chic naxcꞌul li kamayej li Ka̱cuaꞌ?” chanquex. Aꞌan incꞌaꞌ naxcꞌul xban nak aꞌan naxnau nak la̱ex xekꞌet li a̱tin li quesume chak xba̱nunquil nak quexsumla saꞌ e̱sa̱jilal. Ut le̱ rixakil, aꞌan raj li tzꞌakal e̱rochben ut le̱ sum a̱tin. Abanan anakcuan xekꞌet le̱ ra̱tin li queye saꞌ li contrato li queba̱nu riqꞌuineb le̱ rixakil.

Miqueas 1:2

Ut nak qui-oc chixyebal li cꞌaꞌru quiyeheꞌ re xban li Dios laj Miqueas quixye chi joꞌcaꞌin: —Cherabihak che̱junilex la̱ex li cuanquex saꞌ ruchichꞌochꞌ. Cheqꞌuehak retal li naxye li Ka̱cuaꞌ. Li nimajcual Dios ta̱a̱tinak chak saꞌ lix santil naꞌaj ut aꞌan ta̱yehok re nak cuan e̱ma̱c.

Romanos 1:9

Nincꞌanjelac chiru li Dios ut chi anchal inchꞌo̱l ninye resil li Ka̱cuaꞌ Jesucristo li Ralal li Dios. Li Dios naxnau nak junelic yo̱quin chi tijoc che̱rix.

Jeremías 5:2

Cuanqueb li nequeꞌxba̱nu li juramento saꞌ incꞌabaꞌ la̱in li yoꞌyo̱quil Dios. Abanan moco ya̱l ta li nequeꞌxye xban nak moco nequeꞌxba̱nu ta chi anchaleb xchꞌo̱l, chan li Dios.

1 Samuel 20:42

Laj Jonatán quixye re laj David: —Ayu chi ma̱cꞌaꞌ a̱cꞌaꞌux. La̱o ac xkaba̱nu li juramento saꞌ xcꞌabaꞌ li Ka̱cuaꞌ. Aꞌan ta̱tenkꞌa̱nk ke re nak incꞌaꞌ takakꞌet li ka̱tin, la̱o joꞌqueb ajcuiꞌ li kalal kacꞌajol, chan. Ut laj David co̱ ut laj Jonatán quisukꞌi saꞌ li tenamit.

1 Samuel 12:5

Laj Samuel quixye reheb: —Li Ka̱cuaꞌ xrabi li cꞌaꞌru xeye. Ut li rey li sicꞌbil ru xban li Dios xrabi ajcuiꞌ. Ma̱cꞌaꞌ li incꞌaꞌ us xinba̱nu e̱re, chan. Ut eb li tenamit queꞌxye: —Ya̱l. Li Ka̱cuaꞌ naxnau, chanqueb.

Éxodo 20:19

Ut queꞌxye re laj Moisés: —La̱at tat-a̱tinak kiqꞌuin ut to-abi̱nk cha̱cuu. Mia̱tinac li Dios kiqꞌuin xban nak ma̱re toca̱mk, chanqueb.

Éxodo 20:7

Me̱patzꞌ xcꞌabaꞌ li Ka̱cuaꞌ le̱ Dios saꞌ yoꞌobanbil a̱tin. Li Ka̱cuaꞌ Dios moco tixcanab ta chi incꞌaꞌ tixtoj xma̱c li ani tixpatzꞌ xcꞌabaꞌ chi ma̱cꞌaꞌ rajbal.

Jeremías 43:2

Nak ac xrakeꞌ chi a̱tinac laj Jeremías, laj Azarías li ralal laj Osaías ut laj Johanán li ralal laj Carea, rochbeneb li cui̱nk li kꞌetkꞌeteb, queꞌxye re laj Jeremías: —Ticꞌtiꞌ li nacaye. Li Ka̱cuaꞌ li kaDios incꞌaꞌ quixye aꞌan. Incꞌaꞌ xatxtakla chixyebal ke nak incꞌaꞌ toxic chi cua̱nc Egipto.

Jeremías 43:4

Joꞌcan nak laj Johanán li ralal laj Carea, ut chixjunileb li nequeꞌtaklan saꞌ xbe̱neb li soldado, joꞌ eb ajcuiꞌ chixjunileb li tenamit queꞌxkꞌet li ra̱tin li Ka̱cuaꞌ ut incꞌaꞌ queꞌcana saꞌ li naꞌajej Judá.

Jeremías 42:20

Incꞌaꞌ us xeba̱nu nak xetzꞌa̱ma chicuu nak tintijok che̱rix chiru li Ka̱cuaꞌ li kaDios. Xeye cue, “Chattijok chiru li Ka̱cuaꞌ li kaDios chikix la̱o ut ta̱ye ke chixjunil li tixye a̱cue. La̱o takaba̱nu li cꞌaꞌru tixye,” chanquex.