Jeremías 42:21 - Li Santil hu

²¹ La̱in xinye e̱re anakcuan, abanan la̱ex incꞌaꞌ nequeraj xba̱nunquil li cꞌaꞌru xye li Ka̱cuaꞌ li kaDios.

Q'eqchi Bible

²¹ Laa'in xink'e chenaw anaqwan li k'aru xye we li Qaawa' leeYos, ab'an laa'ex ink'a' nekeraj xpaab'ankil.

Jeremías 42:21 ပူးပေါင်းရင်းမြစ်များ

Ezequiel 2:7

Ta̱ye li cua̱tin reheb, usta teꞌrabi usta incꞌaꞌ, xban nak li tenamit aꞌan aj kꞌetoleb a̱tin.

Hechos 20:20

La̱in xinchꞌolob chi tzꞌakal lix ya̱lal che̱ru. Ma̱cꞌaꞌ xinmuk che̱ru. Quinchꞌolob ban xya̱lal chiruheb li tenamit joꞌ ajcuiꞌ saꞌ eb li cab.

Ezequiel 3:17

—At ralal cui̱nk, la̱in xatinxakab chi cꞌanjelac joꞌ aj ilol reheb li tenamit Israel. La̱at ta̱cuabi li cꞌaꞌru tinye a̱cue ut ta̱chꞌolob lix ya̱lal chiruheb.

Deuteronomio 29:19

Cui cuan junak saꞌ kaya̱nk ta̱rabi chixjunil li tenebanbil saꞌ kabe̱n ut incꞌaꞌ tixqꞌue xcuanquil ut tixcꞌoxla “us tine̱lk usta tinba̱nu li cꞌaꞌru nacuaj injunes” chaꞌak, xban li jun aꞌan ta̱sachekꞌ e̱ru che̱junilex, li cha̱bil xnaꞌleb joꞌ ajcuiꞌ li incꞌaꞌ us xnaꞌleb.

Jeremías 43:1

Laj Jeremías quixye reheb laj Judá chixjunil li quiyeheꞌ re xban li Ka̱cuaꞌ lix Dioseb.

Jeremías 43:4

Joꞌcan nak laj Johanán li ralal laj Carea, ut chixjunileb li nequeꞌtaklan saꞌ xbe̱neb li soldado, joꞌ eb ajcuiꞌ chixjunileb li tenamit queꞌxkꞌet li ra̱tin li Ka̱cuaꞌ ut incꞌaꞌ queꞌcana saꞌ li naꞌajej Judá.

Deuteronomio 30:15

Cheqꞌuehak retal anakcuan li cꞌaꞌru yo̱quin chixyebal e̱re. Xinye e̱re chanru naru ta̱cua̱nk le̱ yuꞌam ut le̱ cha̱bilal. Ut xinye ajcuiꞌ e̱re chanru nacuan li ca̱mc ut li ma̱usilal. Tento te̱sicꞌ ru bar cuan li te̱ba̱nu.

Deuteronomio 30:19

Chiru li choxa ut chiru li ruchichꞌochꞌ ninye e̱re nak te̱sicꞌ ru li cꞌaꞌru te̱raj. ¿Ma te̱raj le̱ yuꞌam malaj ut te̱raj li ca̱mc? ¿Ma te̱raj te̱cꞌul le̱ rosobtesinquil malaj ut te̱raj le̱ tzꞌekta̱nanquil? Sicꞌomak ru li yuꞌam re nak yoꞌyo̱kex ut yoꞌyo̱keb ajcuiꞌ le̱ ralal e̱cꞌajol.

Salmos 81:12

Joꞌcan nak quincanabeb xba̱nunquil li cꞌaꞌru queꞌraj eb aꞌan. Xban nak cauheb xchꞌo̱l, queꞌxba̱nu li cꞌaꞌru queꞌraj xjuneseb.

Jeremías 43:7

Joꞌcaꞌin nak queꞌxkꞌet ra̱tin li Dios nak queꞌco̱eb Egipto ut queꞌcuulac toj Tafnes.

Ezequiel 33:31

Lin tenamit teꞌcuulak a̱cuiqꞌuin chirabinquil li cꞌaꞌru ta̱ye joꞌ cꞌaynakeb xba̱nunquil. Teꞌrabi li cꞌaꞌru ta̱ye, abanan incꞌaꞌ teꞌxba̱nu. Yal chi xtzꞌu̱mal reheb teꞌxye nak us la̱ cua̱tin, abanan saꞌ xchꞌo̱leb caꞌaj cuiꞌ li reheb aꞌan teꞌxcꞌoxla.

Ezequiel 33:32

Chokꞌ reheb aꞌan chanchanat jun aj bichanel joꞌ jun li nabichan bich re rahoc chi chꞌinaꞌus. Teꞌrabi li cꞌaꞌru ta̱ye abanan incꞌaꞌ teꞌxba̱nu.